‘కోయిలమ్మ’ అక్టోబర్ 11 ఎపిసోడ్‌ : ఒక్కటైన సింధూ మనోరమా!? అమర్ చిన్నీలను విడగొట్టేందుకు కుట్ర..

చిన్నప్పటి నుంచి సింధూ చిన్నీకి నరకం చూపిస్తూనే ఉంది. పెళ్లి అయిన తర్వాత కూడా ఆ టార్చర్ చిన్నీకి తప్పలేదు. తోటి కోడలుగా అదే ఇంట్లో అడుగుపెట్టిన సింధూ.. చిన్నీ మీద పగతీర్చుకుంటుంది. చిన్నీ అమర్‌లను దూరం చేయడానికి ప్రయత్నిస్తోంది. తెలుగులోగిల్లో సరికొత్త రాగాలను పలిగిస్తున్న కోయిలమ్మ కథ (అక్టోబర్ 11) ఎపిసోడ్‌లో ఏం జరిగిందో చూద్దాం!

గత ఎపిసోడ్‌లో జరిగిన కథ..
సింధూ అమర్‌ని ఇంకా ఇంకా రెచ్చగొడుతుంది. దాంతో అమర్ ఆవేశంగా.. ‘చిన్నీ, సమీర్’ అని కట్టిగా అరుస్తాడు. వాళ్లిద్దరూ కిందకి వస్తారు. ‘సమీర్ నువ్వు ప్రేమించిన నీ ప్రేయసి.. నేను పెళ్లి చేసుకున్న చిన్నీనే కదా?’ అంటాడు అమర్ కోపంగా.. దాంతో సమీర్, చిన్నీలు షాక్ అవుతారు. సమీర్ తల్లి మీద ఒట్టు పెట్టి జరిగిందంతా చెప్పేస్తాడు. దాంతో అమర్ క్షమించేస్తాడు. అయితే ఇదంతా సింధూకి వచ్చిన కల. మనోరమా సింధూకి ఇలా జరుగుతుందని చెప్పడంతో వచ్చిన కల.

685 ఎపిసోడ్‌లో హైలైట్స్‌..
మనోరమా సింధూతో కలిసి చిన్నీ అమర్ విడిపోవడానికి చేతులు కలుపుతుంది. మొదట చిన్నీని పంపించేస్తే తర్వాత సింధూని పంపించాలనేది ఆమె టార్గెట్. ‘ఒకవేళ అమర్‌ని రెచ్చగొట్టి సమీర్, చిన్నీలను అడిగేలా చేస్తే.. వాళ్లు అసలు నిజం చెప్పేస్తారు. దాంతో అమర్ వాళ్లని క్షమించేస్తాడు.. అందుకే.. మనం అమర్‌ని రెచ్చగొట్టాలి కానీ వాళ్లని అడగకుండా ఆపగలగాలి. పూర్తిగా అనుమానంతో అమర్ మనసు అంతా విరిగిపోవాలి.. అప్పటిదాకా వాళ్ల(సమీర్, చిన్నీల) మధ్య ఏదో జరుగుతుందని అమర్ అనుకునే మనం చేయాలి’ అంటుంది మనోరమా. సింధూ సరే అంటుంది.

మీరు ‘కోయిలమ్మ’ సీరియల్ ఏదైనా ఎపిసోడ్ మిస్ అయ్యారా? అన్ని ఎపిసోడ్‌లు ఒక్క క్లిక్‌తో!

సమీర్ చిన్నీ కలిసి నవ్వుకోవడం చూసిన అమర్ మరింత రగిలిపోతాడు. ఇంతలో సమీర్ అమర్‌తో ప్రేమగా ‘అన్నయ్యా ఏమైంది నీకు..? ఈ మధ్య ఎందుకు ఇలా ఉంటున్నావ్? నాకైనా చెప్పు అన్నయ్యా’ అంటాడు. అయితే అమర్ మాత్రం చెప్పడు. మనసులో.. ‘నా బాధకు నువ్వు కారణం అవుతున్నావ్’ అనుకుంటాడు. వెంటనే మాట మార్చి సమీర్ దగ్గరను వెళ్లి తల్లి ఫొటో దగ్గర నిలబడి చాలా బాధపడతాడు. ‘అమ్మా ఏంటమ్మా నా జీవితం..? రక్తం పంచుకున్న తమ్ముడు, ప్రేమ పంచుకున్న భార్యల మధ్య నేను ఇలా నలిగిపోవడం ఏంటమ్మా?’ అనుకుంటాడు.

తర్వాత తల్లి ఫొటో పట్టుకుని నేల మీద పడుకున్న అమర్‌ని చూసిన చిన్నీ.. ప్రేమగా పైకి లేపి.. పాలు తాగించి ఒడిలో పడుకోబెట్టుకుని పాట పాడుతుంది. పడుకున్న కాసేటికే ఉలికిపడి లేస్తాడు. దాంతో చిన్నీ అమర్‌ని ఆరా తీస్తుంది. ‘ఎందుకు బాధ పడుతున్నారు? నాకు చెప్పండి.. ప్లీజ్’ అంటూ బతిమలాడుతుంది. దాంతో అమర్ తన అనుమానం గురించి చెప్పేందుకు సిద్ధమవుతాడు. బయట నుంచి వింటున్న సింధూ.. అమర్ చిన్నీకి నిజం చెప్పేస్తాడేమోనని టెన్షన్ పడుతుంది. మరిన్ని వివరాలు తరువాయి భాగంలో చూద్దాం! కోయిలమ్మ కొనసాగుతోంది.