‘కోయిలమ్మ’ సీరియల్ : సింధూ, మనోరమలు కలిసి మరో కుట్ర! పాపం చిన్నీ..

బుల్లితెర ప్రేక్షకుల్ని ఎంతగానో ఆకట్టుకుంటున్న ‘కోయిలమ్మ’ సీరియల్‌ సరికొత్త రాగాలను పలిగిస్తున్న కోయిలమ్మ కథ (ఫ్రిబవరి 7)న ఏం జరిగిందో చూద్దాం!

బుల్లితెర ప్రేక్షకుల్ని ఎంతగానో ఆకట్టుకుంటున్న ‘కోయిలమ్మ’ సీరియల్‌ సరికొత్త రాగాలను పలిగిస్తున్న కోయిలమ్మ కథ (ఫ్రిబవరి 7)న ఏం జరిగిందో చూద్దాం!

Samayam Telugu

జరిగిన కథ...

చిన్నీ విషయంలో తప్పు అంతా నాదేనని ఒప్పుకుంటుంది సింధూ. దానికి కారణం.. రమేష్‌ చంద్ర బెదిరించడమే. ‘నువ్వు నిజం చెప్పకపోతే.. నేను ఈ ప్రపంచానికి చాలా నిజాలు చెబుతాను’ అంటాడు రమేష్‌ చంద్ర. దాంతో సింధూ భయంతో తల్లి ఇంద్రజకు ఫోన్‌ చేసి విషయం చెబుతుంది. ‘ఈ సమయంలో నిజం చెప్పడమే మనకు మంచింది. ఎందుకంటే.. ఇంత తేలినా చిన్నీ ఎందుకు ఇంటికి రావట్లేదని సమీర్‌ ఆరాతియ్యడం మొదలుపెడితే మనకే ప్రమాదం. సో నువ్వు అమర్‌కి నిజం చెప్పు‘ అంటుంది ఇంద్రజ. దాంతో సింధూ అమర్‌కి నిజం చెబుతుంది. అయితే అమర్‌ నమ్మడు. తిరిగి రమేష్‌ చంద్రతోనే.. ‘మీకు ఎంత ప్రేమ ఉంటే మాత్రం మీ పెద్ద కోడలి గురించి సింధూనే అబద్ధం చెప్పమంటారా?’ అంటూ గొడవ పడతాడు.
photo courtesy star maa and hotstar

ఈమెని ఎక్కడో చూశాను..

దాంతో రమేష్‌ చంద్ర ఏం చెయ్యలేని స్థితిలో.. సింధూనే.. మరో పని చెయ్యాలని ఆదేశిస్తాడు. అదేంటంటే.. ‘చిన్నీ దగ్గరకు వెళ్లి తనని ఒప్పించి ఇంటికి తీసుకుని రావాలని చెబుతాడు. మనోరమని తోడుగా తీసుకుని వెళ్లమని చెబుతాడు. చేసేది లేక సింధూ, మనోరమలు చిన్నీ ఉండే బస్తీకి వెళ్తారు. అక్కడ కాస్త దూరంలో దుర్గమ్మ(చిన్నీ మేనత్త)ని చూసి.. ఈమెని ఎక్కడో చూశాను అనుకుంటుంది సింధూ.
photo courtesy star maa and hotstar

చిన్నీ ఇక్కడే ఉంటే..

అయితే మనోరమా.. ‘త్వరగా రా ఆ చిన్నీని కలుద్దాం’ అంటూ తీసుకుని వెళ్తుంది. చిన్నీ రానని, తన భర్త అమర్‌ వస్తేనే వస్తానని చెప్పడంతో.. సంతోషంగా తిరుగు ప్రయాణం అవుతారు సింధూ, మనోరమలు. అయితే.. చిన్నీ ఇక్కడే ఉంటే.. రమేష్‌ చంద్ర మళ్లీ మళ్లీ చిన్నీని కలవడానికి ప్రయత్నిస్తాడని, ఇంటికి తీసుకుని వెళ్లడానికి ప్రయత్నిస్తాడని ఇద్దరూ తమ తమ మనసుల్లో అనుకుంటారు.
photo courtesy star maa and hotstar

అవును పెద్దమ్మా.. అదీ నిజమే..

అయితే ఒకరి ముందు ఒకరు బయటపడకుండా.. మనోరమ సింధూతో ఇలా అంటుంది. ‘అమ్మా సింధూ.. చిన్నీకి ఇక్కడున్న ఆ ఒక్క ఆధారం లేకుండా చేసేస్తే.. అంటే వాళ్లు తనని ఆ ఇంట్లో ఉండకుండా గెంటేసేలా చేస్తే..? అప్పుడు చచ్చినట్లుగా మన ఇంటికే వస్తుందిగా’ అంటుంది. వెంటనే సింధూ.. ‘అవును పెద్దమ్మా.. అదీ నిజమే అలా చేద్దాం. అప్పుడు చచ్చినట్లుగా ఇంటికి వచ్చేస్తుంది’ అంటుంది.
photo courtesy star maa and hotstar

అమర్‌ పిలిచేదాకా రాదు..

మనసులో మాత్రం.. ‘దీనికి అసలే ఆత్మాభిమానం ఎక్కువ. ఇక్కడ ఆధారం పోతే.. ఎక్కడికో దూరంగాప పోతుంది తప్ప... ఇంటికి మాత్రం అమర్‌ పిలిచేదాకా రాదు. నిజం తెలిసేదాకా అమర్ పిలవడు..’ అనుకుంటారు ఇద్దరూ.. సరేనంటూ సింధూ కారులోపలికి వెళ్లి కూర్చుంటే.. మనోరమా.. దుర్గమ్మే చిన్నీ ఉంటున్న ఇంటి ఓనర్‌ అని అర్థం చేసుకుని.. ‘మా ఇంటి కోడల్ని మీ ఇంటి నుంచి తరిమేస్తే లక్ష ఇస్తానంటూ ఒప్పిస్తుంది.
photo courtesy star maa and hotstar

బామ్మని చూసి భయంతో..

దుర్గమ్మ సంబరంగా ఒప్పుకుంటుంది. చిన్నీని అవమానించాలని, ఇక్కడ నుంచి వెళ్లిపోయేలా చెయ్యాలని.. బస్తీలోని ఇద్దరు ఆడవాళ్లని ఉసిగొలుపుతుంది దుర్గమ్మ. వాళ్లు వెళ్లి చిన్నీని.. ‘ఏంటమ్మా ఎన్నాళ్లు ఈ బస్తీలోనే ఉంటావ్? నీ వల్ల బస్తీ ఆడవాళ్లకి చెడ్డ పేరు వస్తుంది’ అంటూ నోటికి వచ్చినట్లుగా వాగుతుంటారు. అయితే పక్కింటి బామ్మ వాళ్లకు అడ్డుపడటంతో.. దుర్గమ్మ దూరం నుంచి చూస్తూనే పక్కకు తప్పుకుంటుంది. మరిన్ని వివరాలు తరువాయి భాగంలో చూద్దాం! కోయిలమ్మ కొనసాగుతోంది.