Krishna Mukunda Murari: ‘బంగారం లాంటి మొగుడొచ్చాడే’ కృష్ణ సంబరం.. అత్తకి ముద్దులు.. తండ్రికి కృత‌జ్ఞతలు..

Krishna Mukunda Murari May 6 Episode: మురారీ కృష్ణలు కపుల్ స్వీట్ తింటూ సంబరపడతారు. ఇక ఇంటి దగ్గర ముకుంద మురారీ వాళ్ల కోసం ఎదురు చూస్తూ మెడ మీద అటు ఇటు తిరుగుతుంటే.. కారు ఆగుతుంది ఇంటి ముందు. కృష్ణ జాగ్రత్తగా దిగి కారు ఎక్కి కూర్చుంటుంది. మీరు దింపితేనే దిగుతాను అని పట్టుబడుతుంది. దాంతో మురారీ సంబరంగా దగ్గరకు వెళ్లి రొమాంటిక్‌గా కిందకు దించుతాడు. ఆ సమయంలో ఆ సీన్ చూసి రగిలిపోయిన ముకుంద.. కిందకు వెళ్లిపోతుంది. ఇక కృష్ణ, మురారీలు లోపలికి వస్తూ ఉంటే.. కృష్ణ గడప తగిలి పడబోతుంది. వెంటనే మురారీ పట్టుకుంటాడు. ఇద్దరూ కళ్లల్లోకి చూసుకుంటూ మురిసిపోతారు. అదంతా చూసి.. రేవతి చాలా ముచ్చటపడుతుంది. మెట్ల మీద నుంచి చూస్తున్న ముకుంద రగిలిపోతుంది.

ఇక మురారీ పైకి వెళ్లిపోతే.. కృష్ణ రేవతి దగ్గరకు వెళ్తుంది. దగ్గరకు వెళ్లి అత్తయ్యా అని పిలుస్తుంది. అప్పటికే ముకుంద రగిలిపోతూ తన రూమ్‌లోకి వెళ్లిపోవడంతో చుట్టూ చూసుకుని.. లటుక్కుని బుగ్గ మీద ముద్దు పెట్టేస్తుంది. ‘అద్భుతమైన కొడుకుని కన్నారు అత్తయ్యా’ అంటూ సిగ్గు పడుతూ అక్కడి నుంచి తుర్రుమంటుంది. రేవతి కూడా సిగ్గుపడుతుంది ఆ సీన్‌లో. ఆ సీన్ భలే ఉంటుంది.

ఇక మరునాడు ఉదయాన్నే కృష్ణ తన తండ్రి ఫొటో ముందు నిలబడి.. చాలా ఎమోషనల్‌గా మాట్లాడుతుంది. ఆ సమయంలో అక్కడ ఎవరూ ఉండరు. ‘నాన్నా కోపం ధ్వేషం అపనమ్మకం.. ఇలాంటివన్నీ మనసులోంచి చెరిగిపోతే ఆ మనసు ఎంత నిర్మలంగా మారుతుందో అంత ప్రశాంతంగా మారింది నా మనసు. అన్ని విషయాల్లో నచ్చే ఏసీపీ సార్ ఒక్క విషయంలోనే ఎందుకు ఆ తప్పు చేశారా అని.. గుర్తొచ్చినప్పుడల్లా బాధపడేదాన్ని.. మీ ప్రాణానికి పోవడానికి కారణం ఆయనే అన్న భ్రమలో ఇంతకాలం బతికాను.. ఇన్ని రోజులు అలాంటి మనిషితో నా పెళ్లి జరిగింది అన్న బాధ నన్ను వదిలిపెట్టలేదు.. కానీ మీ నిర్ణయం ఎంత సరైనదో.. మీరు ఎంత దూరం ఆలోచించి మా పెళ్లి జరిపించారో ఇవాళ పూర్తిగా అర్థమైంది.

ఆయన వ్యక్తిత్వం ఆయన సంస్కారం నాకు ఎంతో ఉన్నతంగా కనిపిస్తున్నాయి ఇప్పుడు నేను ఎన్నో సార్లు ఆయన్ని ఒక హంతుకుడిలా చూసినా కూడా ఆ ముఖంలో బాధ కనిపించేదే తప్ప.. ఏనాడు ఎదురు తిరిగి నిజం చెప్పడానికి ప్రయత్నించలేదు.. నేను ఇప్పుడు చాలా అపరాధభావంతో ఉన్నాను నాన్నా.. కాళ్ల మీద పడి క్షమాపణలు చెప్పాలనేంత ఉద్వేగంతో ఉన్నాను.. కానీ నా పశ్చాత్తాపాన్ని నా మాటలతో కాదు నా చేతులతో చూపిస్తాను.. అంత స్వచ్ఛమైన మనిషికి సింపుల్‌గా సారీ చెప్పడం కన్నా నా కృతజ్ఞ‌తలను తెలుపుతాను.. నువ్వే కరెక్ట్ నాన్నా.. నేనే రాంగ్.. ఒక మంచి మనిషి చల్లని నీడలో ఉండే అదృష్టాన్ని కలిగించావ్.. నీకు సెల్యూట్’ అంటూ సెల్యూట్ చేస్తుంది కృష్ణ చాలా ప్రేమగా.

ఇక ఇంతలో మురారీ వస్తే.. మురారీకి విషయం చెప్పకుండా ప్రేమగా చాలా దగ్గర మనిషిలా మాట్లాడుతుంది. ‘ఇది ప్రేమే అని చెప్పొచ్చుగా కృష్ణా’ అని అల్లాడిపోతాడు మురారీ మనసులో. ఇక కృష్ణ బయటికి వెళ్లడంతో కృష్ణ తండ్రి ఫొటోని చూస్తూ.. ‘గురువుగారు కృష్ణ నన్ను ప్రేమిస్తున్నా అని చెబుతుందేమో అని ఎంతో ఆశతో ఉన్నాను.. కానీ ఆ మాట తప్ప అన్నీ చెబుతుంది.. ఇవాళ్ల కూడా నాతో చాలా దగ్గరగా వచ్చింది. ఇదంతా ఏంటో అర్థం కావట్లేదు.. బహుశా పెద్దమ్మా మాట్లాడట్లేదన్న లోటు తెలియకుండా ఉండటానికి ఇలా ప్రవర్తిస్తుందో ఏమో?’ అని తలపట్టుకుంటాడు. Krishna Mukunda Murari ‘కృష్ణ ముకుంద మురారి’ కొనసాగుతోంది. మరిన్ని వివరాలు తరువాయి భాగంలో చూద్దాం! (photo courtesy by star maa and disney+ hotstar)

Read Also: ‘ఇంటింటి గృహలక్ష్మి’ మే 06 ఎపిసోడ్: జైల్లో ఊచలు లెక్కపెడుతున్న నందు.. దివ్య శోభనం మళ్లీ పాయే