Krishna Mukunda Murari మార్చి 22: కృష్ణపై మురారీ ఉగ్రరూపం.. చేయి పట్టి, అధికారం చూపిస్తూ..

Krishna Mukunda Murari Today: సీరియల్‌ 111 ఎపిసోడ్‌లోకి అడుగుపెట్టింది. ఓవైపు కృష్ణ ఆసుపత్రిలో గౌతమ్ కోసం చాలా వెతుకుతుంది. సీనియర్ డాక్టర్ పరిమళని కూడా ఆరా తీస్తుంది. దాంతో పరిమళ.. కృష్ణని తప్పుగా అర్థం చేసుకుని.. తన అనుమానాన్ని మురారీకి ఫోన్ చేసి చెబుతుంది. ‘నీ భార్యని కాస్త అదుపులో పెట్టుకో.. నాకంటే ముందు ఆసుపత్రికి వచ్చి.. గౌతమ్ కోసం వెయిట్ చేస్తుంది నీ భార్య.. అసలు ఆ గౌతమ్ ఓ తాగుబోతు.. రోగ్’ అంటూ చెప్పి ఫోన్ పెట్టేస్తుంది. ఇక కృష్ణ ఆసుపత్రిలో ఆగకుండా.. ఆటోలు పట్టుకుని.. ఆ ఊరంతా గౌతమ్ కోసం ఆరా తీస్తూ.. వెతుకుతూ ఉంటుంది. ఇంతలో మురారీ కృష్ణకు కాల్ చేయడంతో.. ‘ఏసీపీ సార్.. నేను ఆటోలో ఉన్నాను.. గౌతమ్ సార్‌ ఇంటిని వెతుకుతున్నాను.. మీ పోలీస్ పోర్ట్ ఉపయోగించి నాకు హెల్ప్ చేస్తారా’ అంటుంది. మురారీకి ఇంతా తిక్క రేగుతుంది. ఫోన్ కట్ చేసేస్తాడు.

ఇక రాత్రి అయినా మురారీ, కృష్ణ రాలేదని ఎదురు చూస్తుంటారు ఇంట్లో వాళ్లంతా. అప్పుడే మురారీ వస్తాడు. చాలా నీరసంగా దిగులుగా కనిపించడం చూసి.. ఏం అయ్యింది అంటూ ఆరా తీస్తుంది భవానీ. స్టేషన్‌లో వర్క్ ప్రెజర్ అని అబద్దం చెప్పి పైకి వెళ్లిపోతాడు మురారీ. కాఫీ పట్టుకుని వెళ్తుంది రేవతి. ఇక మురారీ మాత్రం.. సడన్‌గా కృష్ణలో వచ్చిన మార్పు గురించి.. గౌతమ్ గురించి ఆలోచిస్తూ ఉంటాడు. ఇంతలో కృష్ణ వస్తుంది. లోపలికి రాగానే.. ముకుంద కూల్‌గా.. ‘ఏంటి కృష్ణా.. గడువు అన్నావ్ కదా.. ఉంటున్నావా వెళ్తున్నావా?’ అంటుంది వెటకారంగా. దాంతో రేవతి కోపంగా.. ‘నువ్వు పుట్టింటికి వెళ్లిపోతే రావడానికి చాలా కష్టపడింది. తిరిగివస్తే సంతోషించింది. అలాంటి మనిషినేనా నువ్వు ఇలా అడిగేది?’ అంటూ నిలదీస్తుంది. ఇక రచ్చ రేగిపోతుంది.

‘నేనేం నా ఆడబడుచు మీద ప్రయోగాలు చేయలేదు.. తప్పులు చేయలేదు..’ అంటూ ముకుంద రేవతి మీద రివర్స్ అయిపోతుంది. ఇక ఈశ్వర్(మురారీ తండ్రి).. ‘అందుకే ముందు వెనుకా చూసుకుని పెళ్లిళ్లు చేసుకోవాలి’ అంటూ రెచ్చిపోతాడు కృష్ణ గురించి. ‘మరి ముందు వెనుకా చూసుకునే కదా ముకుందని ఆదర్శ్‌కి ఇచ్చి పెళ్లి చేశారు.. ఏమైంది అంటూ రేవతి అరుస్తుంది. దాంతో భవానీ.. ‘రేవతీ’ అని గట్టిగా అరుస్తుంది. ఇక రేవతి ఏడుస్తూ.. కృష్ణతో.. ‘కృష్ణా.. వెళ్లిపోవడమే పరిష్కారమా? పోనీ పెద్ద అత్తయ్యకు క్షమాపణలు అడుగు’ అంటుంది రిక్వస్ట్‌‌గా. ‘తప్పు చేయకుండా క్షమాపణలు అడగలేను.. నేను రేపు వెళ్లిపోతాను’ అనేసి ఆవేదనగా లోపలికి వెళ్లిపోతుంది.

కమింగ్ అప్..నేను వెళ్లాలి.. అంటుంది కృష్ణ. వెళ్లు కానీ తిరిగి రాకు అంటుంది భవానీ కోపంగా. ‘భార్యగా నేను అడిగిన ఒక చిన్న సహాయం కూడా చేయలేరా?’ అంటుంది కృష్ణ ఎమోషనల్‌గా మురారీతో. ‘చేస్తాను.. ఎక్కడికి వెళ్తున్నావో చెప్పు.. ఎందుకు వెళ్తున్నావో చెప్పు..’ అంటాడు మురారీ దగ్గరకంటూ వస్తూ. ‘నేనొక పని మీద గౌతమ్ సార్‌ని కలవడానికి వెళ్తున్నాను’ అంటుంది కృష్ణ. ‘అస్సలు పంపిచను’ అంటాడు మురారీ కోపంగా. ‘నాకు వ్యక్తిగత స్వేచ్ఛ ఉంది.. నేను వెళ్తున్నాను’ అంటూ కృష్ణ ముందుకు అడుగులు వేయబోతుంది. మురారీ వెంటనే చేయి పట్టుకుని ఆపేస్తాడు. ఆ తర్వాత ఆ చేతిని మరింతగా బిగిస్తాడు. పాపం కృష్ణ.. మురారీ చేతుల్లోంచి విడిపించుకోవడానికి చాలా ట్రై చేస్తుంది కానీ.. విడిపించుకోలేకపోతుంది. నొప్పితో అల్లాడుతుంది. ఇంకా ఇంకా బిగించినట్లుగా పట్టుకుని కోపంగా చూస్తుంటాడు మురారీ. అంతా షాక్ అయ్యి చూస్తుంటారు. తరువాయి భాగంలో మరిన్ని వివరాలు చూద్దాం! Krishna Mukunda Murari ‘కృష్ణ ముకుంద మురారి’ కొనసాగుతోంది. (photo courtesy by star maa and disney+ hotstar)