Lasya Turns Divya Against Tulasi By Making Fake Promises In Intinti Gruhalakshmi 2023 January 19 Episode Preview
Gruhalakshmi Today జనవరి 19 ఎపిసోడ్:లాస్య ఉచ్చులో దివ్య.. మా అమ్మ రాక్షసి మంచిది కాదు ఆంటీ
Intinti Gruhalakshmi January 19 Today Episode: ఇంటింటి గృహలక్ష్మి సీరియల్ అంటే మామూలుగా ఉండదు మరి. తులసి కొడుకులు, కోడళ్లు, అత్తమామలు, భర్తని తన వైపు తిప్పుకోవడానికి లాస్య పథకాలు రచిస్తూ ఉంటుంది. అభి, అంకిత, దివ్య, అనసూయ ఇలా అందరూ ఓ రౌండ్ అయిపోయారు. ఇప్పుడు మళ్లీ అంతా తూచ్.. రెండో రౌంట్ అంటూ దివ్యతో మొదలుపెట్టింది లాస్య. మళ్లీ సేమ్ సీన్లు.. సేమ్ రివేంజ్లు.
Authored byశేఖర్ కుసుమ | Samayam Telugu19 Jan 2023, 12:51 pm
ఉన్నదీ పాయే ఉంచుకున్నదీ పాయే.. అన్నట్టుగా మారింది నందు పరిస్థితి. లేని ఉద్యోగం కోసం వెళ్తే.. ఉన్న కారు ఊడపీక్కున్నారు. నిన్నటి ఎపిసోడ్లో తులసి.. తెలుగు భాష గొప్పదనం గురించి చెప్పి.. బోర్డ్ మీటింగ్లో ప్రశంసలు అందుకుంది. మరో వైపు తల్లీ కూతుళ్ల మధ్య చిచ్చు పెట్టడానికి లాస్య పావులు కదుపుతోంది. దివ్యని పావులా కదుపుతూ.. తులసికి చెక్ పెట్టే ప్రయత్నం చేస్తుంది. నేటి (జనవరి 19) రాత్రి ప్రసారం కాబోయే ఎపిసోడ్లో ఏమైందంటే.. ఉద్యోగం కోసం వెళ్లిన నందు నిరాశతో వెనుతిరిగి ఇంటికి వస్తాడు. కొడుకు దగ్గరకు వెళ్లిన అనసూయ.. ‘ఏమైందిరా.. అలా ఉన్నావ్ ఏరా.. ఇక్కడ కూర్చో అని కూర్చోబెడుతుంది. ఇంతలో తులసి.. నీళ్లు తీసుకొచ్చి ఇస్తుంది. ఇంతలో అభి.. కారులో రాకుండా నడిచి వచ్చారేంటి డాడ్ అని అడుగుతాడు. దీంతో నందు కారు బ్యాంక్ వాళ్లు లాగేసుకున్నారు. నాలుగు నెలలుగా ఈఎంఐ కట్టలేదని తీసేసుకున్నారు అని చెప్తాడు. అదేంటి డాడ్.. ఇంట్రస్ట్తో కలిపి కడతానని చెప్పొచ్చు కదా అని అభి అనడంతో.. ఇంట్లో వాళ్లకే నాపై నమ్మకం లేదు.. బయట వాళ్లు నన్ను ఎలా నమ్ముతారురా.. ఇంత మంది నా వెనుక ఉన్నారు. అయినా నేను ఒంటరి వాడినే.. నేనో పిచ్చోడ్ని బాగుపడటం నాకు చేతకాదు’ అని ఎమోషనల్ అవుతాడు నందు.
నందు అంటే చేతకానివాడు.. దద్దమ్మ.. చేసింది నువ్వే కదా తల్లీ
దీంతో తులసి.. ‘నిస్వార్ధమైన ప్రేమ.. నిస్వార్ధమైన నమ్మకం.. ఎప్పటికీ మనల్ని మోసం చేయదు’ అని క్లాస్ పీకుతుంది. అంటే ఇప్పుడు ఏమంటావ్.. నాది స్వార్ధంతో కూడిన ప్రేమా? అని అడుగుతాడు నందు. ప్రతిఫలం ఆశించేది స్వార్ధపూరితమైన ప్రేమే.. కాలం కలిసి రాననప్పుడు.. ఎదగడానికి చేసే ఏ ప్రయత్నిం కలిసిరాదు. అంతమాత్రం చేత.. మనల్ని మనం చేతకాని వాడిగా ముద్ర వేసుకోకూడదు అని అంటుంది తులసి. అసలు నందు అనేవాడ్ని.. ఓ చేతకాని వాడిగా.. అసమర్ధుడిగా.. పనికి మాలిన దద్దమ్మగా.. అసమర్ధుడైన తండ్రిగా.. కొడుకుగా.. భర్తగా.. నిరూపించిందే తులసి. ఇప్పుడు ప్లేట్ తిప్పేసి.. మనల్ని మనం చేతకాని వాడిగా ముద్ర వేసుకోకూడదని క్లాస్ పీకేసింది.
నందుకి హితబోధ.. కాళ్లు పట్టి కాకా పట్టిన లాస్య
అనుభవంతో చెప్పున్నా.. జీవితంలో ఓటమి ఒక భాగం మాత్రమే అలాగని జీవితాన్ని ఓడిపోయే పరిస్థితి ఉండదు. పడ్డప్రతిసారి పైకి లేచేస్తేనే రేస్లో ఉంటాం.. ఇవి మీకు తెలియదని కాదు.. గుర్తు చేస్తున్నానంతే అని నందుకి హితబోధ చేస్తుంది తులసి. ఇక లోపలికి వచ్చి నందు కాళ్లు లాగేసి ఇబ్బంది పడుతుంటాడు. అది చూసిన లాస్య.. కాళ్లు పట్టి కాకా పట్టి లక్షన్నరకి బొక్క బొట్టే ప్రయత్నం చేస్తుంది. ‘నందూ.. మనకి ఎవరైనా లక్షన్నర అప్పు ఇచ్చే వాళ్లు ఉన్నారా? అని అడుగుతుంది. ‘నువ్ కాళ్లు పట్టినప్పుడే అనుకున్నా.. ఇలాంటి కాకా ఏదో పడతావ్ అని.. చూడు నా పర్సులో వందరూపాయిలు కూడా లేవు.. ఆటోకి డబ్బుల్లేక నడుచుకుంటూ వెళ్లి ఇదిగో ఇలా కాళ్లు పిసుక్కుంటూ ఉన్నాను’ అని అంటాడు నందు.
ఉత్తమ ఇల్లాలు అయిపోదాం అనా??
అదేంటి నందూ.. నువ్ కారులో వెళ్లావ్ కదా.. అని లాస్య అంటే... నాలుగు నెలలుగా ఈఎంఐ కట్టలేదని బ్యాంక్ వాళ్లు కారు లాగేసుకున్నారని చెప్తాడు. అలా ఎలా లాగేసుకున్నారు నందూ అని లాస్య అంటే.. కనీసం నన్నైనా వదిలారు సంతోషించు.. లక్షన్నర అప్పు ఇచ్చేవాడు ఉంటే.. నేను ఇక్కడ ఇలా తడిగుడ్డ వేసుకుని ఎందుకు ఉంటాను. అయినా నీకు ఇప్పుడు లక్షన్నర ఎందుకు? అని అడుగుతాడు నందు. దివ్య చదువుకోవడానికి ల్యాప్ లాప్ లేక ఇబ్బంది పడుతుంది.. కొత్త ల్యాప్ టాప్ కావాలని అడుగుతుంది అని అంటుంది లాస్య. వాళ్ల అమ్మని ల్యాప్ ట్యాప్ అడిగితే మధ్యలో నీకెందుకు? అని నందు అనడంతో.. తులసి కొనడం కుదరదని చెప్పిందని లాస్య చెప్పడంతో.. ‘తులసి కాదంటే.. నువ్వు ల్యాప్ ట్యాప్ ఇచ్చి.. ఉత్తమ ఇల్లాలు అయిపోదాం అనుకుంటున్నావా? కొంపతీసి నువ్ మాట ఇచ్చావా? ఏంటీ.. దారిన పోయే కంప నీకెందుకు? అని అంటాడు నందు.
నిన్ను తాకట్టు పెట్టాలి..
ఆ మాటతో నందూ.. ఆహా సూపర్.. మాజీ మొగుడుపెళ్లాలు ఒకేలా ఆలోచిస్తున్నారు కదా.. అమ్మ కొనివ్వక.. నాన్నా కొనివ్వక దివ్యకి ల్యాప్ ట్యాప్ ఎవరు కొనిస్తారు. దివ్య ఇన్నాళ్లూ చదివింది అంతా వేస్ట్ అయిపోతుంది కదా అని లాస్య అంటే.. ‘మరి నేను ఏం చేయాలి.. ఇప్పుడు డబ్బు కావాలంటే.. నిన్ను తాకట్టు పెట్టాలి.. ఉద్యోగం లేనోడికి డబ్బులు అప్పుగా ఎవరు ఇస్తాను.. నువ్ ఎదురు వచ్చావ్.. ఉద్యోగం పాయే.. కారు పాయే’ అని అలిగి లాస్య దగ్గర నుంచి వెళ్లిపోతాడు నందు. దీంతో లాస్య.. ఛా.. దివ్యకి మాట ఇచ్చాను.. మాట తప్పితే దివ్య ఎప్పటికీ నా దారిలోకి రాదు. ఏదొకటి చేసి దివ్యని నా వైపు తిప్పుకోవాలి’ అని అనుకుంటుంది లాస్య.
ఆహా తులసీ.. ఓహో తులసి.. భజన భజన
ఇక తులసి ఇద్దరి కోడళ్లకి హితోపదేశం చేస్తుంది.. సమాజాన్ని మార్చాలి.. శక్తిగా మారాలి.. ‘కలిసి రావాలంటే కూతుర్ని కనాలి.. తెలిసిరావాలంటే కొడుకుని కనాలి’.. ఈ నిజం అందరికీ తెలియాలి అంటూ మహాతల్లి ఏదేదో మాట్లాడుతుంది. ఆ తరువాత ఎప్పటిలాగే భజన.. అంకిత, శ్రుతిలు ఆహా తులసి.. ఓహో తులసి అంటూ ఆకాశానికి ఎత్తేస్తారు. ఇక లాస్య.. దివ్యకి మాటిచ్చన ప్రకారమే.. ల్యాప్ ట్యాప్ తెచ్చి దివ్య చేతిలో పెడుతుంది. ల్యాప్ ట్యాప్ చూసి సంతోషపడిపోయిన దివ్య.. అలా అన్నారో లేదో ఇలా మాట నిలబెట్టుకున్నారు కొత్త ల్యాప్ కొనిచ్చేశారు అని అంటుంది.
లాస్య బుట్టలో దివ్య..
ఆ మాటతో లాస్య.. కొత్త ల్యాప్ ట్యాప్ కొనడం వీలు కాలేదు దివ్య.. ఇది నా ల్యాప్ ట్యాప్ ప్రస్తుతానికి వాడుకో అని ఇస్తుంది. అయ్యో.. మీ ల్యాప్ ట్యాప్ వద్దు ఆంటీ.. మీ ల్యాప్ ట్యాప్ ఎందుకు? నేను సర్దుబాటు చేసుకుంటాలే.. ఫ్రెండ్స్ని అడుక్కుంటా’ అని అంటుంది. ‘నేను ఉండగా.. నువ్ ఫ్రెండ్స్ దగ్గర చేతులు చాచాల్సిన అవసరం రానివ్వను.. నీకు కొత్త ల్యాప్ ట్యాప్ కొనిచ్చేవరకూ ఈ ల్యాప్ ట్యాప్ తీసుకో’ అని అంటుంది లాస్య. ఆ తరువాత.. దివ్యని దగ్గరకు తీసుకున్న లాస్య.. ‘నువ్వంటే నాకు చాలా ఇష్టం తల్లీ.. కానీ మీ అమ్మ నాకు దూరం చేసింది. నన్ను ద్వేషించేటట్టు చేసింది’ అని అంటుంది. దీంతో దివ్య.. మీ మనసు తెలియక అలా చేశాను ఆంటీ.. ఇప్పుడు ఆలోచిస్తుంటే.. నేను అలా చేయడం తప్పనిపిస్తుంది’ అని అంటుంది.
పూర్తిగా మార్చేసిన లాస్య..
తప్పు నీది కాదు.. మీ అమ్మ నిన్న అలా చేసిందని లాస్య అనడంతో.. ‘అవును.. నాకు ఇప్పుడిప్పుడే తెలుస్తుంది.. తెలియక తప్పు చేశాను.. సారీ ఆంటీ.. మీ గురించి ఇక ఎవరు ఏం చెప్పినా వినను.. మీరు ఎలా చెప్తే అలా వింటాను ఆంటీ’ అని దివ్య అంటుంది. దీంతో లాస్య.. దివ్యని దగ్గరకు తీసుకుని ముద్దాడుతుంది. ఆ ప్రేమ చూసి మురిసిపోయిన దివ్య.. నాకు ఏం కావాలన్నా ముందు మిమ్మల్నే అడుగుతాను. నా మనసులో ఎలాంటి బాధ ఉన్నా మీతోనే పంచుకుంటాను.. మీరు చెప్పినట్టు చేస్తాను’ అని అంటుంది. అలా చేస్తే మీ అమ్మకి కోపం వస్తుంది దివ్యా అని పుల్ల పెడుతుంది లాస్య. ‘వస్తే రానివ్వండి.. మామ్ నా గురించి ఆలోచించనప్పుడు నేను ఎందుకు ఆలోచించాలి’ అని అంటుంది దివ్య.
నన్ను క్షమించండి ఆంటీ.. మా అమ్మ రాక్షసి నాకు స్వేచ్ఛ ఇవ్వడం లేదు..
ఆ మాటతో లాస్య.. నీ మాటల్లో నిజాయితీ ఉంది. కానీ ఎప్పటికైనా తల్లి ప్రేమ.. తల్లి ప్రేమే.. దూరం కావొద్దు అని అంటుంది లాస్య. ఆ మాటతో పూర్తిగా పడిపోతుంది లాస్య. ‘మిమ్మల్ని తప్పుగా అర్ధం చేసుకున్నా.. మీరంటే ఇష్టం లేని మామ్ గురించి ఎంత పాజిటివ్గా ఆలోచిస్తున్నారో.. మీలాంటి వాళ్లు చాలా తక్కువ మంది ఉంటారు. మా మామ్కి నేనంటే ఇష్టమే కానీ స్వేచ్ఛ ఇవ్వదు.. పంజరంలో పెట్టేస్తుంది. మా ఫ్రెండ్స్ అంతా మీ అమ్మ మరీ అంత కఠినంగా ఉంటారేంటి? రాక్షసిలా అని అంటారు. అంతెందుకు.. ఈరోజు నా ఫ్రెండ్ బర్త్ డే.. కానీ మామ్ ఒప్పుకోదు. వద్దని చెప్తుంది.. అడిగి తిట్లు తినడం కంటే అడగకుండా ఉండటమే మంచిది’ అని లాస్య దగ్గర తెగ బాధపడిపోతుంది దివ్య.
అమ్మ దగ్గర అబద్ధం.. బర్త్ డే పార్టీకి దివ్య.. తులసి స్కెచ్
దీంతో లాస్య.. ‘స్పెషల్ క్లాస్ అని అబద్ధం చెప్పి పార్టీకి వెళ్లిపో’ అని సలహా ఇస్తుంది. ‘వామ్మో అమ్మ దగ్గర అబద్ధం చెప్పాలా?’ అని దివ్య అనడంతో.. ‘అవసరానికి, ఆనందానికి అబద్ధం ఆడటంలో తప్పు లేదు.. నేను ఈ విషయం నువ్వు చెప్పవు.. నేనూ చెప్పను.. అమ్మకి ఎలా తెలుస్తుంది.. నువ్ పార్టీకి వెళ్లు నీకు నేను సపోర్ట్ చేస్తాను’ అని దివ్యని ఒప్పిస్తుంది లాస్య. దీంతో దివ్య.. తెగ సంతోషపడిపోతూ.. థాంక్యూ ఆంటీ అని లాస్యకి హగ్ ఇచ్చేసి వెంటనే పార్టీకి రెడీ అయ్యి వస్తానని చెప్తుంది. ఇక లాస్య అయితే.. ‘దివ్య పూర్తిగా నా ఉచ్చులో పడింది.. ఇక ఆ తులసి ఆట కట్టిస్తానంటూ పథకం రెడీ చేస్తుంది. అయితే లాస్య మాటల్ని నమ్మిన దివ్య నిండా మునిగిపోయింది. అదేంటో ఈ కింది కథనంలో చూడొచ్చు.
శేఖర్ కుసుమ సమయం తెలుగులో ప్రిన్సిపల్ డిజిటల్ కంటెంట్ ప్రొడ్యూసర్గా పని చేస్తున్నారు. ఇక్కడ సినిమా, టీవీ రంగానికి సంబంధించిన తాజా వార్తలు, స్టోరీలు అందిస్తుంటారు. ఆయనకు జర్నలిజంలో 11 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో పొలిటికల్ న్యూస్, ఎంటర్టైన్మెంట్ రంగాలకు సంబంధించి వార్తలు రాశారు.... మరిన్ని చదవండి
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.