Devatha సెప్టెంబర్ 30 ఎపిసోడ్: ‘నాన్నమ్మా నువ్వు చెప్పాలనుకున్నది దీనిలో రాయి’ చిన్మయి ఐడియా అదుర్స్

దేవత సీరియల్‌లో జానకీకి పక్షవాతం రావడం.. మాధవ మరింత ముర్ఖంగా మారడంతో కథనం ఉత్కంఠగా మారింది. సత్యకు రాధ మాటివ్వడం.. మాటిచ్చిన తర్వాత కూడా.. ఆదిత్య కోసం దేవితో ‘పెద్ద డాక్టర్‌ని తీసుకునిరమ్మంటూ’ కబురు పంపించడం ఏంటీ? అనే అనుమానం సత్యకు కలగడం.. ఇలా కథనం అన్నివైపులా రసవత్తరంగా సాగుతోంది. ఈ క్రమంలోనే నేటి హైలైట్స్ చూద్దాం.

664వ ఎపిసోడ్‌ హైలైట్స్..
ఇక జానకీకి జ్యూస్ తాగిస్తుంది రాధ. అది గమినించిన రామ్మూర్తి రాధకు చేతులు లెత్తి దన్నం పెడుతాడు. ‘నీ రుణం ఎలా తీర్చుకోగలను’ అంటూ కన్నీళ్లు పెట్టుకుంటాడు. అప్పుడే ‘మీరు చేసిన దానికంటే కాదండి.. నా తల్లికి ఇలా అయితే వదిలేసి పోతానా..?’ అంటుంది రాధ. మొత్తానికీ.. రామ్మూర్తి ‘అమ్మా రాధా.. ఈ క్షణం నీకు మాటిస్తున్నా.. ఏదైనా అడుగు.. నీకు ఏదైనా చేయడానికి నేను సిద్ధమే’ అంటాడు. ‘అడిగే సమయం వచ్చినప్పుడు తప్పకుండా అడుగుతాను.. ఆ దినం కాదు అనకుంటే చాలు’ అంటుంది రాధ.

సీన్ కట్ చేస్తే.. దేవి, ఆదిత్యలు పెద్ద డాక్టర్ కోసం తిరుగుతూ ఉంటారు. సత్య అదే విషయం గురించి రగిలిపోతుంది. దేవుడమ్మ వస్తే.. ‘ఆ రాధక్క దేవిని ఎందుకు ఆదిత్య దగ్గరకు పంపించాలి. పెద్ద డాక్టర్ కావాలంటే.. ఆ ఇంట్లో మాధవ బావగారు, రామ్మూర్తి గారు ఉండనే ఉన్నారుగా.. ఆదిత్యనే ఎందుకు పిలవాలి’ అంటుంది. అయ్యో సత్యా.. నువ్వు మరీ ఎక్కువగా ఆలోచిస్తున్నావ్. .ఆదిత్య అంటే ఆఫీసర్ పెద్దపెద్దవాళ్లంతా తెలుస్తారనే ఆ అమ్మాయి అలా చేసి ఉంటుంది’ అంటుంది దేవుడమ్మ. ‘నేను ఎందుకు బాధపడుతున్నానో మీకు తెలియదు లెండీ’ అనుకుంటుంది సత్య మనసులో.

ఇక జానకీ.. రాధతో ఏదో చెప్పడానికి ప్రయత్నిస్తుంది. కానీ చెప్పలేకపోతుంది. అది చూసిన చిన్మయి వెంటనే లోపలికి పరుగున వెళ్లి.. పెన్ను పుస్తకం తెచ్చి.. ‘నాన్నమ్మా నువ్వు చెప్పాలి అనుకున్నది ఇందులో రాయి’అంటుంది. అదివినేస్తాడు మాధవ. పరుగున వచ్చి.. ‘అమ్మని ఇబ్బంది పెట్టకండి’ అంటూ అడ్డుపతాడు కానీ.. చిన్మయి, రాధలు.. ‘ఇది మంచి ఐడియానే కదా.. నువ్వు రాయమ్మా’ అనడంతో.. మాధవ భయపడుతూ ఉంటాడు ఏం రాస్తుందో ఏంటో అని. మొత్తానికీ జానకీ రాయడానికి ప్రయత్నిస్తుంది కానీ.. రాయలేక పెన్ పట్టుకోలేక ఇబ్బంది పడుతుంది.

ఇక ఆదిత్య, దేవిలు.. పెద్ద డాక్టర్‌ని తీసుకొస్తారు.ఆమె జానకీని గమనించి.. వారం రోజుల్లో నయం చేస్తాను అని మాటిస్తుంది. సీన్ కట్ చేస్తే.. జానకీని మాధవ మళ్లీ బెదిరిస్తూ ఉంటాడు. ‘నువ్వు వాళ్లకి నిజం చెప్పాలని ప్రయత్నిస్తే.. వాళ్లకీ ఇది పరిస్థితి వస్తుంది’ అంటూ గట్టిగానే వార్నింగ్ ఇస్తాడు. మరిన్ని వివరాలు తరువాయి భాగంలో చూద్దాం! devatha కొనసాగుతోంది.