Guppedantha Manasu సెప్టెంబర్ 7 ఎపిసోడ్: లోకాన్ని మరచిన జంట.. షాక్‌లో జగతి

బుల్లితెర ప్రేక్షకుల్ని ఎంతగానో ఆకట్టుకుంటున్న ‘గుప్పెడంత మనసు’ సీరియల్.. నేడు(2021 సెప్టెంబర్ 7)న 236 ఎపిసోడ్‌కి ఎంటర్ అయ్యింది.

236వ ఎపిసోడ్‌ హైలైట్స్..
వసు శిరీష్‌లు డాన్స్ ప్రాక్టీస్ చేస్తుంటే ఎంట్రీ ఇచ్చిన మిస్టర్ ఇగో.. వసు ఆపొద్దు చెయ్యి అంటాడు. కానీ వసు సరిగా చెయ్యలేక ఇబ్బంది పడుతుంది. అది చూసి శిరీష్ ఏం అయ్యింది అంటాడు. స్టెప్స్ మరిచిపోవా అంటాడు. లేదు అంటుంది వసు. మళ్లీ ప్రాక్టీస్ చేద్దాం మరిచిపోయి ఉంటావ్ అని శిరీష్ అనడంతో.. రిషి కలుగజేసుకుని.. ‘తను మరిచిపోలేదు అంటుందిగా’ అనడంతో.. శిరీష్ డాన్స్ గురించి మీకు తెలియదు సార్ అనడంతో మిస్టర్ ఇగోకి ఇగో పొడుకొస్తుంది. నాకు తెలుసు అంటూ వాదనకు వస్తాడు. దాంతో మీరు రెండు స్టెప్స్ వెయ్యండి అంటాడు శిరీష్ నవ్వతూ. వద్దు అని వెనుదిరుగుతాడు రిషి. దాంతో ‘తను క్లాసికల్ డాన్సర్ కాబట్టి.. మీరు మీ వల్ల కాదు అనుకుంటున్నారా’ అంటాడు శిరీష్ ఇగోని కెలుకుతూ..

దాంతో మ్యూజిక్ ప్లేచెయ్యండి.. నాకు స్టెప్స్ నేర్పించండి.. అంటాడు రిషి.. చిన్న చిన్న స్టెప్స్ వసు సాయంతో చూపించగానే మిస్టర్ ఇగో వసు చెయ్యి అందుకుంటాడు. మొదట బయపడిన వసు.. మాత్రం.. రిషి చేయిపట్టుకోగానే లోకాన్నే మరిచిపోతుంది. రిషి కళ్లల్లోనే చూస్తూ ప్రేమగా తాకుతూ మనసులోతుల్లోంచి తన్నుకొచ్చే అలజడిలో లోయాన్నే మరిచిపోయి ప్రేమ మైకంతో డాన్స్ చేస్తారు. వాళ్లు అలా ఒకరి కోసం ఒకరు అన్నట్లుగా డాన్స్ చేస్తుంటే.. మహేంద్ర విస్తుపోతాడు. డాన్స్ అయిపోయినా వసులో అలజడి ఆగదు. అదే డాన్స్ గుర్తొస్తూ ఉంటుంది.

జగతితో మహేంద్ర ఈ సంతోషాన్ని పంచుకుంటే జగతి ఆలోచనలో పడుతుంది. రిషి డాన్స్ చేస్తానంటే.. వసు ఎందుకు ఒప్పుకుంది? అంటే వసు మనసులో ఏం ఉంది?’ అంటూ ఆలోచిస్తుంది. ఇక వసు ఇంటికి వెళ్లిపోతుంది ఆటోలో. అయితే వసుకి ఆటో డ్రైవర్ దగ్గర నుంచి దారిలో పోయే మనుషులు వరకూ అందరూ రిషిలానే కనిపిస్తారు. నవ్వుతారు. పలకరిస్తారు. కొంటెగా చూస్తుంటారు. పదే పదే ఆ డాన్సే గుర్తొస్తుంది. వసు అదే ఆలోచనలో ఉండగా జగతి కాల్ చెయ్యడం చూసి రిషి సార్ అని కనిపిస్తుంది. వెంటనే లిఫ్ట్ చేసి సార్ అంటుంది. జగతి షాక్ అవుతుంది. ‘డాన్స్ చేశారా మీరు? నా క్యాబిన్‌కి రా’ అంటుంది. ‘మేడమ్ నాకు తలనొప్పిగా ఉంది.. నేను ఇంటికి వెళ్తున్నా’ అని ఫోన్ పెట్టేస్తుంది.

ఇక మిస్టర్ ఇగో వసు కోసం రెస్టారెంట్‌కి వెళ్తే వసు రాలేదని తెలుస్తుంది. అప్పటి నుంచి ఫోన్ ట్రై చేస్తూనే ఉంటాడు కానీ వసు మాత్రం అదే ఆలోచనలో ఉండగా మిస్టర్ ఇగో చాలా సార్లు తన ఊహల్లో కనిపిస్తూ మాయవవుతూ ఉంటాడు. జగతి, మహేంద్ర కూడా రెస్టారెంట్‌లో కాఫీ తాగుతూ వసు, రిషిల డాన్స్ గురించే మాట్లాడుకుంటారు. ఇక కమింగ్ అప్‌లో.. జగతి ఫొటో ఆల్బమ్‌లో రిషి ఫొటో చూస్తూ మురిసిపోతుంది.. ఇంతలో ‘ఈ పొగరుతో అనవసరంగా డాన్స్ చేశానా? రేపటి నుంచి చులకనగా చూస్తుందా’ అనుకుంటూనే మిస్టర్ ఇగో వసుకి కాల్ చేస్తాడు. వసు లిఫ్ట్ చేసి మాట్లాడుతుంది. మరిన్ని వివరాలు తరువాయి భాగంలో చూద్దాం! Guppedantha Manasu కొనసాగుతోంది.