Ennenno Janmala Bandham today: పెళ్లి చేసుకొచ్చిన అభి.. మాళవికకి మబ్బులిడిపోయే జలక్..

Ennenno Janmala Bandham May 24 episode: వేదా, యష్‌లతో ఆడుకోవాలని ప్లాన్ చేసిన అభి.. మాళవిక మెడలో తాళి కట్టకుండా అదే ముహూర్తానికి చిత్ర మెడలో తాళి కట్టాలని స్కెచ్ వేశాడు. తీరా అది దెబ్బ తినడంతో జైలుకి పోయాడు. ఈ క్రమంలోనే కమింగ్ అప్ ప్రోమో రసవత్తరంగా మారింది. అందులో ఏముంది? ఏం జరిగింది? ఇప్పుడు చూద్దాం. నేటి ఎపిసోడ్ మిస్ అయ్యి ఉంటే ఈ కింది లింక్ క్లిక్ చేయండి.
Read also: ‘ఎన్నెన్నో జన్మల బంధం’ మే 24 ఎపిసోడ్: శుభం! భ్రమరాంబికా దేవి రీఎంట్రీ.. అదిరిపోయిన సీన్స్..

ప్రోమోలో మాళవిక నవ్వుతూ హారతి పళ్లెం పట్టుకుని ఎంట్రీ ఇస్తుంది గుమ్మం దగ్గరకు. బహుశా అరెస్ట్ అయిన అభి విడుదల అయ్యి వస్తున్నాడని మాత్రమే అనుకుని ఉంటుంది. గుమ్మం దగ్గర మాళవిక హారతి పట్టుకుని నిలబడి నవ్వుతూ చూస్తుంటే.. భ్రమరాంబికా దేవి(అభి వాళ్ల అక్క) కారు దిగి గుమ్మం దగ్గరకు వస్తుంది.

కారులోంచి అభి పెళ్లి కొడుకు గెటప్‌లో దిగుతాడు. అరెస్ట్ అయినప్పుడు కూడా అదే గెటప్‌లో ఉండటంతో మాళివక దాన్ని పెద్దగా పట్టించుకోదు. సరిగ్గా అభి లోపలికి వస్తాడని మాళవిక ఎదురు చూస్తుండగా.. అభి కారులో ఉన్న వేరెవరికో చేయి అందిస్తూ కనిపిస్తాడు. అప్పుడే పెళ్లి కూతురు చేయి అభి చేతిలో పడుతుంది. నెమ్మదిగా ఆమె కారు దిగుతుంది. మాళవికకు ఫ్యూజులు ఎగిరిపోతాయి ఆమెని చూడగానే.

అభి, ఆ అమ్మాయి సంతోషంగా నవ్వుకుంటూ గుమ్మం దాకా నడిచి వస్తారు. మాళవిక ముఖంలో రంగులు మారుతూ ఉంటాయి. భ్రమరాంబికా దేవి నవ్వుతూ వాళ్లవైపే చూస్తూ ఉంటుంది. మరి మాళవిక ఏం గొడవ చేస్తుందో చూడాలి. అయితే గతంలో మాళవిక అభి మీద లివింగ్‌లో ఉన్న సరే.. పెళ్లి చేసుకోకుండా నన్ను మోసం చేశాడు అని కేసు వేయకుండా మాళవికతో సంతకాలు పెట్టించే ప్లాన్స్ చాలానే వేశారు అభి, అభి వాళ్ల అక్క భ్రమరాంబికా దేవి. మరి ఆ ప్లాన్ సక్సెస్ అయ్యిందో లేదో కూడా ప్రేక్షకులకు చూపించలేదు కానీ.. వీళ్ల ధైర్యం చూస్తుంటే.. అలాంటి కుట్ర ఏదో చేసినట్లే ఉన్నాడు.

ఈ పెళ్లితో.. మాళవికని బయటికి గెంటేయడం ఖాయం.. అదే జరిగిందే మాళవిక కొడుకు ఆదిత్యతో పాటు రోడ్డు పడిపోతుంది. రోడ్డున పడ్డాక తిరిగి యష్, వేదాలే దిక్కు అవుతారేమో. లేదంటే చిత్రతో పాటు మా పెళ్లి జరిగి ఉంటే అభి నన్నే చేసుకునేవాడు.. దీనికి కారణం మీరే.. అభిని జైలుకి పంపించి తప్పు చేశారు అంటూ వితండ వాదంతో వేదా, యష్‌ల మీద ఇంకా పగబట్టినా పడుతుంది ఈ మాళవిక. మొత్తానికి ఈ ట్విస్ట్ మాత్రం ఎన్నెన్నో జన్మల బంధం సీరియల్‌ని ఉత్కంఠగా ఆసక్తిగా మారింది.