Ennenno Janmala Bandham జూన్ 8:మాళవిక కళ్లముందే యష్ రొమాన్స్.. రెండో పెళ్లాం ముద్దులు, మొదటి పెళ్లాం నిప్పులు..

Ennenno Janmala Bandham June 8 episode: వేదా.. మాళవిక విషయంలో సులోచనను అవమానించడంతో.. సులోచనల చాలా బాధపడుతుంది. మాళవిక మాత్రం సంబరపడుతుంది. ఇక యష్.. వేదాతో.. ‘అమ్మకి వెళ్లి సారీ చెప్పు.. మాళవిక సమస్యకు మనం పరిష్కారం ఆలోచిద్దాం. వేరే ప్లాట్ తీసి.. ఆదిత్యని మాళవికని అక్కడే ఉంచుదాం’ అంటాడు. సరే అని వేదా సులోచన దగ్గరకు వెళ్లి.. సారీ చెబుతుంది. నా జీవితం గురించి ఆలోచించొద్దు.. మా బంధం మీద నాకు నమ్మకం ఉంది. నేనంటే అతడికి ప్రాణం.. నన్ను వదులుకునే పరిస్థితి రాదు.. మాళవిక గురించి భయపడొద్దు’ అని ధైర్యం చెప్పి వెళ్లిపోతుంది వేదా.

ఇక మాళవిక అద్దం మీద రెడ్ కలర్ మార్కర్‌తో.. మాళవిక, వేదా అని రాసి.. ‘మాళవికకి ఇద్దరు పిల్లలు ఉన్నారు.. వేదాకి ఒక్కరు కూడా లేరు. మాళవిక చాలా ఏళ్లు కాపురం చేసింది. వేదా ఇప్పటికి ఒక్కసారి కూడా కాపురం చెయ్యలేదు.. మాళవికకే ఈ ఇంట్లో ఉండే హక్కు అర్హత ఉన్నాయి. వేదకి లేవు అంటూ వేద పేరుని కొట్టేస్తూ రగిలిపోతుంది. ‘ఆ స్థానం నాది.. నేను లాక్కుంటాను.. ఇక్కడే ఈ ఇంట్లోనే ఉండిపోతాను. ఆదిత్య లేకుండా వీళ్లు ఉండలేరు కాబట్టి.. ఆదిత్యని నా వైపు తిప్పుకుంటే నా పని ఈజీ అవుతుంది’ అని ఫిక్స్ అవుతుంది.

ఇక మరోవైపు యష్‌కి వసంత్ కాల్ చేసి.. మా హనీమూన్ సంగతి తర్వాత.. మీరిద్దరి ఎలా ఉన్నారు.. హోటల్‌కి వెళ్లారు కదా ఆ రోజు?’అంటూ కొంటె ప్రశ్నలు వేస్తాడు. ఇక ఫోన్ చిత్ర అందుకునే సరికి అప్పడే వచ్చిన వేదాకి యష్ ఫోన్ ఇస్తాడు. చిత్రా వచ్చేటప్పుడు గుడ్ న్యూస్‌తో రావాలి మరి.. అంటుంది నవ్వుతూ. చిత్ర సిగ్గు పడి సరే అక్కా అంటూ ఫోన్ పెట్టేస్తుంది. యష్ వేదా వైపు గుర్రుగా చూస్తాడు. ‘అందరికీ గుడ్ న్యూస్ తేవాలి అంటావ్.. నాకు మాత్రం ఏ గుడ్ న్యూస్ ఉండదు’ అని శోభనం గురించి ఇన్‌డైరెక్ట్‌గా అంటాడు. ‘మీరు ఏం అడిగితే నేను కాదు అన్నాను చెప్పండి’అంటుంది వేద.

అయితే నాకు ఇప్పటికిప్పుడు లాలీపాప్ కావాలి అంటాడు యష్. ముద్దు అనే ఉద్దేశంతో. పిచ్చి వేదా కళ్లు మూసుకోమని చెప్పి నిజంగానే లాలీపాప్ తెచ్చి చేతిలో పెడుతుంది. తలకొట్టుకుంటాడు యష్. అర్థమయ్యేలా చెప్పడానికి తల ప్రాణం తోకకు వస్తుంది యష్‌కి. ఇక అర్థమయ్యాక వేదా.. యష్‌కి దొరక్కుంటా పారిపోవడం.. వేదా కోసం యష్ పరుగులు తియ్యడం అంతా రొమాంటిక్‌గా సాగుతుంది. మొత్తానికే వేదాని పట్టుకుని యష్. తన బుగ్గని చూపిస్తూ ముద్దుపెట్టమని కోరతాడు. వేదా సిగ్గు పడుతూ ముద్దు పెడుతుంది. తలుపులు తీసి ఉండటంతో ఆ సీన్ కాస్తా మాళవిక కళ్లల్లో పడుతుంది. రెచ్చిపోతుంది మాళవిక.

మనసులోనే రగిలిపోతూ నిప్పులు చెరిగేస్తుంది. మందు బాటిల్ అందుకుని తాగడం మొదలుపెడుతుంది. అభి నన్ను వదిలేయడం ఓ బాధైతే.. నేేను వదిలేసిన యష్‌తో ఆ వేదా కలిసి ఉండటం నాకు మరో బాధ అంటూ వాగుతూనే తాగుతుంది. ఇంతలో పాపం ఆదిత్య వచ్చి.. ‘అమ్మా తాగొద్దు ప్లీజ్ అమ్మా ప్లీజ్’అంటూ ఏడుస్తాడు బాగా. నిజంగా ఆదిత్యని చూస్తే జాలేస్తుంది ఆ సీన్‌లో. మరి ఇప్పుడు ఆదిత్యకు ఏం నూరిపోస్తుందో చూడాలి మరి. Ennenno Janmala Bandham కొనసాగుతోంది. మిగిలిన వివరాలు తరువాయి భాగంలో చూద్దాం. (photo courtesy by star మా and disney+ hotstar)