Ennenno Janmala Bandham ఫిబ్రవరి 03: ‘చంపడానికి రెడీ.. తక్కువ అంచనా వేస్తున్నావ్ నన్ను’ మాళవికకి క్లారిటీ ఇచ్చిన అభి!

Ennenno Janmala Bandham Today: ‘ఎన్నెన్నో జన్మల బంధం’ ఉత్కంఠగా మారింది. నిన్నటి కథనంలో బ్రమరాంభిక షాకింగ్ నిర్ణయమే తీసుకుంది. అభితో గట్టిగానే మాట్లాడింది. అంతా విన్న మాళవిక బిత్తరపోయింది. ‘చూడు అభి.. వస్తువైనా మనిషైనా వాడుకుని వదిలేయడమే పాలసీ.. అవునా కాదా? వచ్చే మాగమాసం.. బహుళసుద్ధ పంచమి.. తెల్లవారు జామున మూడు గంటల పంతొమ్మిది నిమిషాలకు నీ పెళ్లి ముహూర్తం ఫిక్స్.. నీ చేతుల మీదుగా పెళ్లి చేస్తాను ఫిక్స్.. నా ఆస్తి మొత్తం నీ చేతుల్లో పెట్టేస్తా ఫిక్స్.. నువ్వు తాళి కట్టడం ఫిక్స్ .. తలంబ్రాలు పోయడం ఫిక్స్.. కానీ పెళ్లి పీటల మీద నీ పక్కన కూర్చునేది ఎవరు అనేది మాత్రం నాట్ ఫిక్స్.. ఆ కాబోయే నీ భార్య మన ఫ్యామిలీ స్టేటస్‌కి మ్యాచ్ అయ్యేలా ఉండాలి. ఈడు జోడు.. వినయం విధేయత.. అన్నీ ఉన్న ఒక కొత్త పెళ్లి కూతురు కావాలా? లేకపోతే పిల్లల్ని మొగడ్ని వదిలేసిన ఒక సెకండ్ హ్యాండ్ పెళ్లాం కావాలా? నిర్ణయం నీది..’ అంటూ తేల్చి చెప్పేస్తుంది బ్రమరాంభిక. నేటి కథనంలో ఆ మాటల్ని తలుచుకుంటూ మాళవిక తలపట్టుకుంటుంది.

మాళవిక ఏడవడం చూస్తాడు అభి. ‘బంగారం ఏం అయ్యింది బంగారం.. బాధగా ఉన్నావ్ అంటూ ఎంట్రీ ఇస్తాడు. ‘చంపెయ్ అభీ డార్లింగ్ నీ చేతులతో నన్ను చంపెయ్.. నీకోసం అన్నీ వదిలేశా..భర్తని పిల్లల్ని ఫ్యామిలీని అందరినీ వదిలేశా.. నీ కోసం నీ ప్రేమ కోసం..నీ పెళ్లాం అవ్వడం కోసం అన్నీ వదిలేశాను.. నీ కోసం అన్ని వదులుకున్నదాన్ని ఈ మాత్రం ప్రాణాలు వదులుకోలేనా? చంపెయ్ అభీ చెంపెయ్.. నీ చేతుల్తో నా మెడలో తాళి కట్టలేనప్పుడు నీ చేతులతో నా గొంతు నొక్కెయ్..’ అంటుంది మాళవిక ఏడుస్తూ. ‘చంపడానికి నేను రెడీ..కానీ నిన్ను కాదు.. నీకు నాకు మధ్య ఎవరైనా వస్తే వాళ్లని.. చావడానికైనా నేను రెడీ.. నీతో జీవితాన్ని నేను పంచుకోలేక పోతే.. ఏం అనుకుంటున్నావ్ బంగారం ఈ అభిమన్యు అంటే.. తక్కువ అంచనా వేస్తున్నావ్ నన్ను’ అంటాడు అభి.

‘తక్కువ అంచనా వేస్తున్నది నేను కదా అభి.. మీ అక్క.. మన ప్రేమని తక్కువ అంచనా వేస్తోంది. తాళికి పెళ్లికి మించిన మన బంధాన్ని తక్కువ అంచనా వేస్తోంది..’ అంటుంది మాళవిక. ‘యుద్ధం చేసి ఏనుగుని గెలవలేం బంగారం.. అంకుసంతో అదుపు చెయ్యాలి అంత వరకూ తల వంచక తప్పదు బంగారం.. నెగ్గడం కోసం తగ్గడంలో తప్పు లేదు.. మా అక్క గురించి నాకు వదిలెసెయ్. ఎప్పుడు ఎక్కడ ఎలా ఏం చేస్తానో చూస్తూ ఉండు.. కానీ ఒక్కటి మాత్రం నిజం.. నా చేతిలో ఉన్న నీ ఈ చేతిని మాత్రం ఎప్పటికీ వదలను ఇది ఫిక్స్..’ అంటాడు అభి. ‘థాంక్యూ అభీ’ అంటుంది మాళవిక సంబరంగా. మరి అభి నిజంగానే మాట మీద నిలబడతాడా లేదా చూడాలి.

మరోవైపు వేదా, యష్‌ల గొడవలు సాగుతూనే ఉంటాయి. తినకుండా పడుకున్నాడని కావాలనే ప్రేమగా పిలిచి బిర్యాని పెడుతుంది వేదా. తనని కూడా కూర్చోబెట్టి వడ్డిస్తాడు యష్. ఇక ఇద్దరూ ఒకరి మీద ఒకరు ప్రేమని చూపించుకుంటారు. ఇక రాత్రి పడుకునే ముందు అన్నింటికీ థాంక్స్ వేదా అంటాడు యష్. మురిసిపోతుంది వేదా. ఇక మరునాడు విన్నీ కాల్ చేసి.. పార్టీ ఉంది నువ్వు మీ వారిని తీసుకుని తప్పకుండా రావాలి అని చెబుతాడు. యష్ ‘నాకు కష్టం.. నువ్వు నేను రాను’ అంటూ బిల్డప్ కొడతాడు. కమింగ్ అప్‌లో.. వేదా ఒక్కర్తే.. రండి అని అడగకుండానే రెడీ అయిపోవడం చూసి బిత్తరపోతాడు యష్. కనీసం అడగటం లేదంటూ కుళ్లుకుంటాడు. ‘మీరు ఇబ్బంది పడితే నాకు ఇష్టం ఉండదు.. సరే మీరు మనసు మార్చుకుని వస్తే సంతోషిస్తా.. వెయిట్ చేస్తుంటా.. అంటూ వేదా యష్‌కి క్లారిటీ ఇచ్చి మరీ పార్టీకి బయలుదేరుతుంది. మరి యష్ కుళ్లుకోవడం ఆపి.. వేదా కోసం వెళ్తాడో లేదో చూడాలి.
మరిన్ని వివరాలు తరువాయి భాగంలో చూద్దాం! Ennenno Janmala Bandham కొనసాగుతోంది. (photo courtesy by star మా and disney+ hotstar)