Ennenno Janmala Bandham జూన్ 1: మాళవిక వంకర బుద్ధి.. అనుకున్నంత జరిగింది.. కీలక మలుపు

Ennenno Janmala Bandham June 1 episode: మాళవికకు మజ్జిగ తాగించి.. కోలుకునేలా సేవలు చేస్తుంది వేదా. యష్ కన్నీళ్లు పెట్టుకుంటూ ఉంటే మాలనీ వెళ్లి ఓదారుస్తుంది. ‘తట్టుకోలేకపోయానమ్మా.. నా కొడుకు చెత్తకుప్ప పక్కనా.. అలా.. అసలు తట్టుకోలేకపోయానమ్మా.. అసలు తను ఆడదేనా? తనని తెచ్చుకుని ఇంట్లో పెట్టుకుని సేవలు చేస్తున్నాం ఇంతకన్నా కర్మ ఏమైనా ఉంటుందా? అంటాడు యష్ ఆవేశంగా తల్లితో. ‘అదికాదు యష్.. మాళవిక ఎలాంటిదైనా కావచ్చు.. అలా వదిలేయలే కదా.. నువ్వు మన ఆదిత్య కోసం ఆలోచించు..’ అంటూ సర్దిచెబుతుంది.

ఇక మరునాడు ఆదిత్యతో కలిసి అంతా టిఫిన్ తింటుంటే.. వేదా ఆదిత్యని ఆరా తీస్తుంది. అసలేం జరిగింది నాన్నా.. అంటూ. దాంతో ఆదిత్య జరిగింది అంతా చెబుతాడు. దాంతో యష్, వేదా, మాలనీ అంతా అభిపై కోపంతో రగిలిపోతారు. వాడికి బుద్ధి చెప్పాల్సిందే’ అంటుంది వేద. దాంతో వేదని తీసుకుని యష్.. అభి ఇంటికి వెళ్లి అభిని చితక్కొట్టేస్తాడు. దాంతో నీలాంబరి.. యష్‌ని తోసేసి.. అభికి అడ్డం నిలబడుతుంది. దాంతో వేదా.. ‘నువ్వు ఆడదానివే కదా.. అభి చేసిన దుర్మార్గాల గురించి నీకు తెలుసా?’ అంటూ తిట్టిపోస్తుంది.

‘చాలు అవన్నీ నాకు చెప్పొద్దు.. నేను చెప్పేది విను.. అంత పెద్ద కేసు నుంచి క్షణాల్లో విడిపించాను అభిని.. అది నా బ్యాగ్రౌండ్. మళ్లీ అభి జోలికి వస్తే ఊరుకునేది లేదు చెబుతున్నా..’ అంటూ నీలాంబరి పొగరు చూపిస్తుంది వేదా ముందు. దాంతో అభి రక్తం తుడుచుకుంటూ.. ‘శభాష్ బంగారం.. నువ్వు సూపర్ అంతే.. నాకు సపోర్ట్‌గా ఉన్నందుకు థాంక్స్’ అంటాడు నీలాంబరి భుజంపై చేయి వస్తూ. దాంతో యష్ కోపంగా.. ‘రేయ్ నువ్వు ఎవరితోనైనా ఉండు.. ఎవరినైనా పెళ్లి చేసుకో కానీ.. నా కొడుకు రక్తం కళ్లు చూశావ్.. వచ్చి నాలుగు ఇచ్చాను.. ఇంకోసారి నా కుటుంబం జోలికి కానీ నా కొడుకు జోలికి కానీ వస్తే నేనేం చెయ్యాలో అది చేస్తాను.. పదా వేదా..’ అంటూ వెళ్లబోతాడు యష్.

‘హలో యష్.. కుటుంబం అంటే.. ఎవరు మిస్టర్ యశోధర్.. మాళవికనా? తనని నువ్వు ఎందుకు వదిలేశావో నేనూ అందుకే వదిలేశాను బ్రో.. తనని కట్టుకుని బాధపడేకంటే వదిలేసి సుఖపడదామనే నీలాంబరిని చేసుకున్నాను.. అదొక రాంగ్ క్యారెక్టర్..’ అంటాడు అభి కూల్‌గా. దాంతో వెంటనే వేదా ఆవేశంగా అభిపై చేయి లేపి ఆగుతుంది. ‘ఛీ.. ఎవరిది రాంగ్ క్యారెక్టర్.. మరి నీ క్యారెక్టర్ ఏంటీ? నీలాంటి వాళ్లు ఉండటం వల్లే మోసపోయిన ఆడవాళ్లంతా బ్యాడ్ క్యారెక్టర్‌గా మిగిలిపోతున్నారు..’ అంటూ అరుస్తుంది కోపంగా. ‘వేదా వదిలేయ్.. వీడ్ని ఎన్ని కొట్టినా.. ఎంత చెప్పినా బుద్ధి రాదు.. రేయ్ మళ్లీ ఏమైనా పిచ్చి వేషాలు వేస్తే చావు దెబ్బే..’ అనేసి వేదని తీసుకుని యష్ వెళ్లిపోతాడు.

కమింగ్ అప్‌లో..
మాళవిక తేరుకుని కోలుకుని గోడ మీదున్న వేదా, యష్‌ల ఫొటోలు చూసి రగిలిపోతూ ఉంటుంది. ‘నా జీవితం ఇలా తయారు అవ్వడానికి కారణం వీళ్లే’ అంటూ రగిలిపోతుంది. ఇంతలో ఆదిత్య వచ్చి. .‘వేదా ఆంటీ చాలా మంచిది..’ అనడంతో.. ‘అసలు మన బతుకులు రోడ్డు పడటానికి కారణం కూడా ఈ వేదానే..’ అంటూ బాగా ఎక్కిస్తుంది. మరోవైపు యష్ వేదాతో.. ‘ఇప్పుడు నాకు చాలా సంతోషంగా ఉంది.. ఆదిత్య మన కళ్లముందే మన ఇంట్లో తిరుగుతున్నాడు..’ అని సంబరంపడుతుంటే.. ‘మీ ఇద్దరినీ కలిసే బాధ్యత నాది..’ అంటూ వేదా.. యష్‌కి మాటిస్తుంది. ఓ వైపు మాళవిక తన కొడుకు ఆదిత్య మనసులో.. వేదా మీద పగను పెంచుతోంది. మరోవైపు వేదా ఆదిత్యని యష్‌ని ఒక్కటి చెయ్యాలని తపిస్తోంది. చూడాలి మరి ఏం జరుగుతుందో. Ennenno Janmala Bandham కొనసాగుతోంది. మిగిలిన వివరాలు తరువాయి భాగంలో చూద్దాం. (photo courtesy by star మా and disney+ hotstar)