Mallika Conspires With Leelavathi To Insult Jnanamba At The Temple In Janaki Kalaganaledu 2023 January 19 Episode Preview
Janaki Kalaganaledu జనవరి 19 ఎపిసోడ్: జ్ఞానాంబకి ఘోర అవమానం.. వెన్నెల వచ్చేస్తోంది
Janaki Kalaganaledu Serial Today: రామా చేసిన పని వల్ల
Authored byశేఖర్ కుసుమ | Samayam Telugu19 Jan 2023, 10:56 am
నిన్నటి ఎపిసోడ్లో జానకిని జెస్సీ తండ్రి పీటర్తో పాటు అఖిల్ కూడా ఘోరంగా అవమానిస్తాడు. బాధలన్నీ దిగమింగుకుని.. భర్తగా అండగా నిలబడాలని అనుకుంటుంది జానకి. దానిలో భాగంగా.. రామా ఒప్పుకున్న కేటరింగ్ పనిలో సాయంగా అతనితో పాటు వెళ్లుంది జానకి. అయితే జానకి రామాలు వెళ్లిన గుడిలో ఫంక్షన్కే జ్ఞానాంబ, మల్లికలు రావడంతో నేటి కథనం ఆసక్తికరంగా మారింది. గుడిలో అన్నప్రాసన జరగుతుండగా.. జ్ఞానాంబని ఆహ్వానిస్తారు. సరిగ్గా అప్పుడే నీలావతి కూడా ఆ ఫంక్షన్కి వస్తుంది. నలుగురిలో జ్ఞానాంబ పరువు తీయడానికి నీలావతి వచ్చేట్టు చేస్తుంది మల్లిక. ఇక వచ్చీరావడంతోనే నీలావతి.. జ్ఞానాంబని అవమానించడం స్టార్ట్ చేస్తుంది. ఎలా ఉండేదానివి ఎలా అయ్యిపోయావ్.. కనకమహాలక్ష్మీలా ఒంటినిండా బంగారంతో ఉండేదానివి.. ఆస్తులు పోయి అప్పుల పాలయ్యారని అనుకున్నాం కానీ.. మరీ ఇంత దిగజారిపోయారని అనుకోలేదు’ అంటూ జ్ఞానాంబ పరువుని బజారున పెడుతుంది నీలావతి.
మీకు ఈ విషయం తెలియదా.. మొత్తం బయటపెట్టిన నీలావతి
ఇంతకీ ఏమైందని అక్కడికి వచ్చిన వాళ్లు అడగడంతో.. ‘మీకు ఈ విషయం తెలియదా?? ఆమె పెద్ద కొడుకు రామా చేసిన అప్పులకు ఇల్లు కూడా లాగేసుకున్నారు. ఇప్పుడు ఊరు చివర ఎక్కడో బతుకుతున్నారు. వీళ్ల ఇంటికి తాళం వీళ్లు వేసింది కాదు.. అప్పుల వాళ్లు వేసింది.. చివరికి నగలు కూడా అప్పుల వాళ్లు లాగేసుకున్నారు’ అని ఊదకొడుతూ ఉంటుంది నీలావతి. ఈ బాదుడు చాలదు అన్నట్టుగా ఇంతలో సునందాదేవి గుడిలోకి వచ్చి జానకిని చూస్తుంది. జానకి ప్లేట్లు క్లీన్ చేస్తుండగా.. ‘అది జానకే కదా.. ఎక్కడ దొరుకుతుందా? అని చూస్తున్నా.. భలే దొరికింది’ అని అనుకుంటుంది.
ఏమండీ ఐపీఎస్ గారూ.. నీ బతుకు ఇలా తగలడింది ఏంటీ??
జానకి దగ్గరకు వెళ్లి.. ఏమండీ ఐపీఎస్ గారూ.. మీ అత్త ఏమో మా కోడలు కాబోయే ఐపీఎస్ అని గొప్పగా చెప్తుంటే.. మీరేంటి? ప్లేట్లు కడుగుతున్నావ్. నీ బతుకు ఇలా తగలడింది ఏంటి? ఎంతైనా కార్పొరేటర్ని కదా.. నా పరిస్థితి ఇలా ఏడ్చిందని అడిగితే.. నా ఫ్యాక్టరీలో పని ఇచ్చేద్దాన్ని కదా అని అంటుంది సునందా దేవి. ఆమె మాటల్ని చాలాసేపు భరించిన జానకి.. గట్టిగానే కౌంటర్ ఇస్తుంది. ‘నీలాంటి వాళ్ల దగ్గర చేతులు చాపడం కంటే.. నిజాయితీగా ఏ పని చేసుకున్నా తప్పు లేదు’ అని అంటుంది జానకి. ‘నీ తల పొగరు ఏం తగ్గలేదు కదా..’ అని సునందాదేవి అనడంతో.. ‘ఆత్మాభిమానానికి తల పొగరుకి తేడా తెలియని నీకు చెప్పడం వేస్ట్.. గుడికి వచ్చావ్ కదా.. మంచి బుద్ధి ప్రసాదించు దేవుడా అని ఆ దేవుడ్ని కోరుకో’ అని క్లాస్ పీకుతుంది జానకి.
రామాని చూసేసిన జ్ఞానాంబ..
మరోవైపు జ్ఞానాంబ.. తనకి ఎదురైన అవమానం భరించలేక వెనుతిరుగుతుంది. సరిగ్గా అదే టైంకి ఎదురుపడ్డ సునందాదేవి.. ‘అరే జ్ఞానాంబ.. నువ్వు కూడా ఇక్కడే ఉన్నావా? నా కోడలు ఐపీఎస్ అవుతుందని గొప్పగా చెప్పావ్.. వాళ్లేంటి? క్యాటరింగ్ చేసుకుంటున్నారు’ అని అంటుంది. ఇంతలో నీలావతి వచ్చి.. ‘అంత బతుకు బతికి క్యాటరింగ్ చేసుకుంటున్నారా? జ్ఞానాంబకి ఎంత కష్టం వచ్చింది? అని అంటుంది. ఇంతలో రామా వచ్చి.. ‘పెద్దయ్యా భోజనానికి ఏర్పాట్లు పూర్తి అయ్యాయి’ అని అంటాడు. అక్కడ జ్ఞానాంబ-రామాలు ఒకర్నొకరు చూసుకుని షాక్ అవుతారు.
అవమానాన్ని భరించలేకపోయిన జ్ఞానాంబ
ఇంతలో జానకి కూడా వచ్చి ఈ నాటకీయంలో జాయిన్ అవుతుంది. ‘పెద్ద చిన్నా తేడా తెలియకుండా.. ఎదురుపడితే ఇలాంటి పరిస్థితులే వస్తాయి’ అని వార్నింగ్ ఇస్తుంది సునందాదేవి. ఇంతలో జ్ఞానాంబ.. స్వీట్ షాపు నుంచి ఒకామె స్వీట్ బాక్స్ తీసుకుని వచ్చి.. ఎంత దరిద్రంగా ఉన్నాయో చూడండి.. పేరు గొప్ప ఊరు దిబ్బ.. వ్యాపారం అంటే డబ్బు సంపాదించడం కాదు.. నమ్మకాన్ని నిలబెట్టుకోవాలి.. ఇంత దరిద్రంగా మీ స్వీట్స్ ఉంటాయని అనుకోలేదు.. ఛీ ఛీ ఛీ’ అని అంటుందామె. చూశావా? రోజులు ఎలా మారాయో.. అని నలుగురూ తలో మాట అంటే జ్ఞానాంబ ఆ అవమానాన్ని తట్టుకోలేక కన్నీళ్లు పెట్టుకుంటుంది.
రామా ఆవేశం.. స్వీట్ షాపులో గొడవ
దీంతో రామా.. ఆ స్వీట్ బాక్స్ తీసుకుని ఆవేశంగా తన షాప్ దగ్గరకు వెళ్తాడు. ఆ వెనుకే జానకి రామా గారూ అంటూ పరుగుపెట్టుకుని వెళ్తుంది. కానీ అప్పటికే రామా.. ఆవేశంగా వెళ్లిపోతాడు. ఆ తరువాత స్వీట్ బాక్స్ పట్టుకుని.. లోపలికి వెళ్లి స్వీట్ తిని చూస్తాడు. ఏదీ సరిగా లేకపోవడంతో.. అక్కడే ఉన్న భాస్కర్ రావుని నిలదీస్తాడు. ‘ఏంటి బాబాయ్.. స్వీట్స్ని ఇలా క్వాలిటీ లేకుండా చేస్తున్నారు’ అని అడుగుతాడు. ఆ మాటతో భాస్కర్ రావు.. రామా.. ఈ షాప్ మీది కాదు.. మాది.. అది గుర్తుపెట్టుకో అని అంటాడు. షాపు మీదైనా.. పేరు మా అమ్మది.. మీ వల్ల మా అమ్మకి చెడ్డ పేరు వస్తుంది .. మేం ఎన్నో ఏళ్లుగా సంపాదించుకున్న పేరుని చెడగొట్టొద్దు బాబాయ్’.. అని వేడుకుంటాడు రామా.
బోర్డు తీయం ఏం చేస్తావో చేసుకో..
దీంతో ఆ షాపు వాడు.. ‘రామా.. నువ్వు చెప్పినట్టు చేయడానికి మేం ఈ షాపు పెట్టలేదు.. మేం నువ్వు చెప్పినట్టు క్వాలిటీతో ఇవ్వలేం.. నీలా చేస్తే మేం కూడా నీలాగే రోడ్డున పడాలి.. నువ్ బెదిరిస్తే ఇక్కడ భయపడేవాళ్లు లేరు’ అని రివర్స్ అవుతాడు. అంటే మీరు క్వాలిటీ తో స్వీట్స్ చేయం అని అంటారు అంతేకదా? మీరు క్వాలిటీ ఇలాగే ఇస్తే.. షాప్కి ఉన్న మా అమ్మ పేరు తీసేయండి’ అని రామా వాళ్లతో గొడవ పడుతుండగా.. మేడమ్ జానకి ఎంట్రీ ఇస్తారు. ‘ఏంటి రామా.. తమాషాగా ఉందా? పేరు పెట్టమన్నదీ నువ్వే.. తీసేయమంటున్నదీ నువ్వే.. అంతా నీ ఇష్టమేనా?.. బోర్డు తీయడం కుదరదు.. ఏం చేస్తావో చేసుకో’ అని భాస్కర్ రావు రివర్స్ అవుతాడు.
అదొక్కటే పరిష్కారం రామా గారూ.. పదండీ
దీంతో జానకి.. ‘రామా గారూ జరిగింది చాలు.. అంతా మనల్నే చూస్తున్నారు.. అత్తయ్య పేరు నిలబెట్టాలంటే.. వీళ్లకి డబ్బులు ఇచ్చి షాప్ని విడిపించుకోవడం ఒక్కటే పరిష్కారం అని చెప్పి రామాని అక్కడ నుంచి బలవంతంగా తీసుకుని వచ్చేస్తుంది జానకి. మరోవైపు మల్లిక.. ఇంటికి వెళ్లిన తరువాత అందర్నీ పోగేసి.. జ్ఞానాంబకి గుడిలో జరిగిన అవమానాన్ని చెప్పి తెగ నటించేస్తుంది. ఇదంతా అక్కాబావల వల్లే.. అత్తయ్య గారిని ఎన్ని మాటలు అన్నారో అని తెగ నటించేస్తుంది మల్లిక. ఇంతలో జానకి రామాలు రావడంతో.. అక్కడే ఉన్న విష్ణు.. ఏంటి అన్నయ్యా ఇది.. నువ్ చేసిన పని వల్ల అమ్మకి ఎంత అవమానం ఎదురైందోచూశావా? అని అంటాడు.
వెన్నెల వస్తుంది అత్తయ్యా.. అందరిలో కంగారు
మీ వల్ల ఇల్లు పోయింది.. అన్నీ పోయాయి.. ఇప్పుడు మాటలు కూడా పడాలా? అని అంటాడు విష్ణు. ఇంతలో జెస్సీ వచ్చి.. ‘అత్తయ్య గారూ.. ఊరు నుంచి వెన్నెల వస్తుందట.. తీసుకుని రావడానికి అఖిల్ బస్ స్టాప్కి వెళ్లాడు’ అని అంటుంది. దీంతో జ్ఞానాంబ.. వెన్నెల వస్తుందా? ఇవన్నీ దానికి తెలిస్తే ఎంత బాధపడుతుందో.. ఇల్లు లేదని తెలిస్తే అల్లాడిపోతుంది. ఇప్పుడేం చేయాలని ఎమోషనల్ అవుతుంది జ్ఞానాంబ. ఇక రేపటి ఎపిసోడ్లో మల్లిక.. వెన్నెలకు నూరుపోస్తుంటుంది. అది విన్న జానకి.. మల్లికకు క్లాస్ పీకుతుంది. మిగిలిన వివరాలు రేపటి ఎపిసోడ్లో చూద్దాం.
శేఖర్ కుసుమ సమయం తెలుగులో ప్రిన్సిపల్ డిజిటల్ కంటెంట్ ప్రొడ్యూసర్గా పని చేస్తున్నారు. ఇక్కడ సినిమా, టీవీ రంగానికి సంబంధించిన తాజా వార్తలు, స్టోరీలు అందిస్తుంటారు. ఆయనకు జర్నలిజంలో 11 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో పొలిటికల్ న్యూస్, ఎంటర్టైన్మెంట్ రంగాలకు సంబంధించి వార్తలు రాశారు.... మరిన్ని చదవండి
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.