janaki kalaganaledu ఆగష్టు 30 ఎపిసోడ్: పండుగ పూట జానకి కన్నీళ్లు.. అందరికీ షాకిచ్చిన రామా

బుల్లితెర ప్రేక్షకుల్ని ఎంతగానో ఆకట్టుకుంటున్న ‘జానకి కలగనలేదు’ సీరియల్.. 116 ఎపిసోడ్‌కి నేడు(2021 ఆగష్టు 30)న ఎంటర్ అయ్యింది. అయితే నేటి ఎపిసోడ్ చాలా ఆసక్తిగా మారింది.

116 ఎపిసోడ్‌ హైలైట్స్..
5 లక్షల స్వీట్స్ భేరం ఫెయిల్ చెయ్యాలని.. జానకిని ఇరికించాలని మల్లిక.. వచ్చిన పనివాళ్లకి 3 వేలు చొప్పు ఇచ్చి మొత్తం 30 వేలు ఖర్చుచేసిన సంగతి తెలిసిందే. అయితే.. జానకి మాత్రం పట్టువదలని విక్రమార్కురాలై ఆ పని పూర్తి చెయ్యడంతో.. అత్తమామల మెప్పు పొందుతుంది . ఇంటికి చేరుకున్న మల్లిక.. ‘అమ్మా నా 30 వేలు నాకు కావాలి’ అని లబోదిబోమంటూ ఉంటే.. జ్ఞ‌ానాంబ ఏం అంత కొప్పలు ములిగాయి అంటూ ఎంట్రీ ఇస్తుంది. ఇక ఆ వెనుకే వచ్చిన జానకిని.. ‘అమ్మా జానకీ చాలా కష్టపడ్డావ్.. కోపంలో చాలా మాటలు అన్నాను నన్ను క్షమించు అమ్మా’ అంటుంది. ‘ఏం కాదు అత్తయ్యగారు.. మీ కోపానికి అర్థం ఉంది.. అయినా కోపంలో కూడా ప్రేమే ఉంటుందని మీ అబ్బాయి అంటూ ఉంటారు’ అంటూ ప్రేమగా మాట్లాడుతుంది. దాంతో జ్ఞానాంబ సంతోషిస్తుంది.

ఇక సీన్ కట్ చేస్తే.. మరునాడు ఉదయానే ఇంట్లో రాఖీ సంబురాల ఏర్పాట్లు చేసిన జ్ఞ‌ానాంబ అందరినీ పిలిస్తుంది. కానీ జానకి మాత్రం బాధగా తన రూమ్‌లో తన అన్నయ్యతో సరదాగా గడిపిన సందర్భాలు తలుచుకుని బాధపడుతూ ఉంటుంది. జ్ఞానాంబ జానకిని పిలుచుకురమ్మని రామాకి చెప్పడంతో.. జానకిని పిలుచుకొస్తాడు. ‘ఏంటమ్మా జానకీ డల్‌గా ఉన్నావ్’అంటే.. ఏం లేదు అత్తయ్యగారు అంటుంది కానీ బాధగానే ఉంటుంది. ఇక రామా, మల్లిక భర్త, మరో అన్నయ్యలకు రామా చెల్లలు రాఖీ కట్టేసీన్ చాలా బాగా చూపించారు.

ఆ సమయంలో రామా చెల్లెలికి చెవి కమ్మలు గిఫ్ట్‌గా ఇస్తాడు. ఇక మల్లిక భర్త ఎక్కువ డబ్బు ఇవ్వకుండా ఉండటానికి దగ్గరకు వెళ్లి నసుగుతూ ‘డబ్బు పాడు చెయ్యొద్దు’ అంటుంది. రాఖీ కట్టి నా గిఫ్ట్ ఎక్కడ అని అడిగిన చెల్లెలికి ఏదొకటి ఇద్దాం అని పర్స్ వెతుక్కుంటూ ఉంటే.. మల్లిక తన చీర కొంగుకు కట్టిన 50 రూపాయలు తీసి.. ఇదిగో నేను ఇస్తాను అంటూ అందించడం చూసి అంతా షాక్ అవుతారు. కమింగ్ అప్లో.. జానకితో అందరి ముందు మల్లిక.. ‘జానకీ మీ అన్నయ్య గుర్తొచ్చి అలా ఉన్నావ్ కదా’ అంటుంటే.. రామా వచ్చి.. మల్లికతో.. ‘జానకి గారు వాళ్ల అన్నయ్యకు రాఖీ ఎప్పుడో కట్టేశారు’ అంటూ షాకిస్తాడు. మరి దానికి ఏం వివరణ ఇస్తాడో భార్య బాధని ఎలా పొగొడతాడో చూడాలి. మరిన్ని వివరాలు తరువాయి భాగంలో చూద్దాం! ‘జానకి కలగనలేదు’ కొనసాగుతోంది.