Janaki Kalaganaledu ఫిబ్రవరి 08 ఎపిసోడ్: జానకికి స్నానం చేయించేపనిలో రామా.. ఎవరైనా చూస్తే బాగోదండీ.. వాటే రొమాన్స్

జానకి రాత్రి మొత్తం నిద్రపోకుండా.. లడ్డూలు చేస్తుంది. మలయాళం గురకపెట్టి నిద్రపోతుంటాడు. ఇంతలో రామా వచ్చి.. ఏంటి జానకి గారూ.. రాత్రి మొత్తం నిద్రపోకుండా మీరొక్కరే లడ్డూ చుట్టారా? అని అడుగుతాడు. మరి ఆర్డర్ తెల్లారేసరికి ఇవ్వాలంటే.. లడ్డూలు చుట్టాలి కదా.. అయినా ఒక్కరాత్రి నిద్రపోకపోతే ఏం కాదులెండీ’ అని అంటుంది జానకి. ఇంతలో గోవిందరాజులు వచ్చి.. మలయాళంని తన్ని మరీ నిద్రలేపుతాడు. ‘నాకు నిద్రపట్టదు యో.. నిద్ర ఎలా పట్టేసింది యో’ అని అంటే.. నిన్ను లేపడం కంటే 70 కేజీల లడ్డూలు చేయడమే ఈజీ అనుకుని ఉంటుందిరా.. అందుకే లేపలేదు’ అని అంటాడు గోవిందరాజులు. ఇంతలో వెన్నెల వచ్చి.. సారీ వదినా.. నిద్ర ఆపుకోలేకపోయాను. పడుకున్నాను అని అంటుంది. రాత్రి మొత్తం మీ వదన నిద్ర పోకుండా 70 కేజీలు లడ్డూలు చుట్టి ప్యాకింగ్ చేసింది.. సారీ జానకి గారూ.. అని అంటాడు రామా. పర్లేదండీ.. పగలు మీరు కష్టపడితే నేను రాత్రి కష్టపడుతున్నాను.. మీరు వెళ్లి ఆర్డర్ రెడీ అని ఫోన్ చేయమంటుంది జానకి.