Jabardasth Promo: రోజా ‘జబర్దస్త్’ రీ ఎంట్రీ.. లేటెస్ట్ ప్రోమోలో మంత్రిగారి పంచ్‌లు

అదేంటి మొన్ననే కదా.. జబర్దస్త్‌కి రోజా టాటా బై బై చెప్పేశారు. ఎన్నాళ్ల గానో ఊరిస్తున్న మంత్రి పదవి రోజాని వరించడంతో ఆమె జబర్దస్త్‌కి గుడ్ బై చెప్తూ ఎమోషనల్ అయ్యారు. సినిమాలు, టీవీ షోలు అంటే తనకి ఇష్టం అని.. అయినా మంత్రిగా అదనపు బాధ్యతలు ఇవ్వడం వల్ల ఇకపై జబర్దస్త్‌లో కనిపించనని.. సినిమాల్లో కూడా చేయనని చెప్తూ కన్నీళ్లు పెట్టుకున్నారు రోజా.

ఆ తరువాత ఆమెకు మల్లెమాల వారు శాలువా కప్పి సత్కరించి జబర్దస్త్ నుంచి పంపేశారు. ఇక ఇన్నేళ్లుగా జబర్దస్త్ జడ్జీతో ఉన్న అనుబంధాన్ని పంచుకుంటూ టీం లీడర్లతో పాటు.. జబర్దస్త్‌లో కనిపించే కమెడియన్లు భావోద్వేగానికి గురయ్యారు. ఇక రోజా జబర్దస్త్‌ నుంచి క్విట్ కావడంతో ఆమె ప్లేస్‌లో ఇంద్రజ కూడా ఎంట్రీ ఇచ్చారు.

అయితే కొద్దిసేపటి క్రితం వచ్చేవారానికి సంబంధించి జబర్దస్త్ ఎపిసోడ్ ప్రోమో విడుదల కాగా.. అందులో జడ్జీ సీటులో రోజా కనిపించి సర్ ప్రైజ్ చేశారు. ఎప్పటిలాగే నవ్వులు పూయిస్తే.. పంచ్‌లు వేస్తూ సందడి చేశారు రోజా. అయితే జబర్దస్త్‌కి గుడ్ బై చెప్పేసి మళ్లీ ఈ రీ ఎంట్రీ ఏంటి? అనే సందేహాలు ఆడియన్స్‌లో కలుగుతున్నాయి. కాకపోతే ఈ ప్రోమో కొత్త ఎపిసోడ్‌కి సంబంధించినదే అయినప్పటికీ.. షూటింగ్ చాలా రోజుల క్రితం చేసి ఉండొచ్చు. అందుకే మంత్రి గారు మళ్లీ జబర్దస్త్‌లో కనిపించి ఉండొచ్చు. మొత్తానికైతే మంత్రి రోజా రీ ఎంట్రీ ప్రోమో అయితే ఫుల్ ఫన్‌తో నిండిపోయింది. రాకెట్ రాఘవ స్కిట్‌తో అదరగొట్టేశాడు.

జబర్దస్త్ తాజా ప్రోమో కోసం ఇక్కడ క్లిక్ చేయండి..