Mounaragam Telugu Serial Written Update 26 November 2019; Sarayu To Create Troubles
‘మౌనరాగం’ నవంబర్ 26 ఎపిసోడ్ : ప్రమాదంలో అమ్ములు! సీనయ్య లేని సమయంలో అంకిత్..
భరత్ మూర్ఖుడిలా మారిపోయాడు. అంకిత్ని చంపడమే లక్ష్యంగా ప్రయత్నాలు చేస్తున్నాడు. అయితే వాటిని అమ్ములు తిప్పికొడుతోంది. తెలుగు ప్రేక్షకులని ఎంతగానో ఆకట్టుకుంటున్న మౌనరాగం (నవంబర్ 26) ఎపిసోడ్ హైలైట్స్లో ఏం జరిగిందో మీ సమయంలో మీకోసం.
Authored byశేఖర్ కుసుమ | Samayam Telugu10 Mar 2022, 10:05 pm
భరత్ మూర్ఖుడిలా మారిపోయాడు. అంకిత్ని చంపడమే లక్ష్యంగా ప్రయత్నాలు చేస్తున్నాడు. అయితే వాటిని అమ్ములు తిప్పికొడుతోంది. తెలుగు ప్రేక్షకులని ఎంతగానో ఆకట్టుకుంటున్న మౌనరాగం (నవంబర్ 26) ఎపిసోడ్ హైలైట్స్లో ఏం జరిగిందో మీ సమయంలో మీకోసం.
గత ఎపిసోడ్లో ఏం జరిగిందంటే...
స్నేహ లంగా ఓణీ కట్టుకుని.. భరత్ దగ్గరకు వస్తుంది. ‘ఎలా ఉన్నాను భరత్? చాలా బాగున్నానా?’ అంటూ ప్రేమగా హగ్ చేసుకుంటుంది. స్నేహని వెనుక నుంచి చూసిన వసంత.. అమ్ములు అనుకుంటుంది. అయితే బయట అమ్మలు బట్టలు ఆరేయడం చూసి.. షాక్ అయిన వసంత..‘అంటే లోపల భరత్ని హగ్ చేసుకుంది ఆ స్నేహానా..’ అనుకుంటూ తండ్రి సీనయ్యని బలవంతగా ఆ రూమ్కి తీసుకుని వెళ్లి.. లోపలికి తోసి.. ‘బుక్ చేసేశాను’ అనుకుంటుంది. అయితే సమస్యని ముందే గుర్తించిన అమ్ములు.. భరత్ దగ్గర ఉన్న స్నేహని పంపించి సీనయ్యని మాయచేస్తుంది. సీన్కట్ చేస్తే.. సీనయ్య వసంతని తిట్టి వెళ్లిపోతాడు. ‘అదేంటి? నువ్వు నన్ను కాపాడావ్? మనసు మార్చుకున్నావా? నన్ను ప్రేమిస్తున్నావా?’ అంటాడు భరత్. ‘లేదు నేను కాపాడింది నీ కోసం కాదు. స్నేహ కోసం. తను సమస్యల్లో పడకూడదని కోరకుంటున్నాను’ అంటుంది అమ్ములు.
భరత్ చుక్కల్లో చంద్రుడట..
కాంతమ్మ చుట్టూ.. లక్కీ, అమ్ములు, వసంత, స్నేహా అందరినీ కూర్చోబెట్టుకుని ఆవకాయ ముద్దలు కలిపి పెడుతుంది. లక్కీ తింటుంది కానీ ధీనంగా ఏదో ఆలోచిస్తూ ఉంటుంది. సీనయ్య, నీలవేణి నవ్వారు మంచం బిగిస్తూ ఉంటారు. కాంతమ్మతో స్నేహ.. ‘అబ్బా చాలా బాగుంది నాన్నమ్మ గారూ.. ఇది మీ చేతి మహిమ అయ్యుంటుంది’ అంటూ నవ్వుతుంది. దాంతో వసంత వెటకారంగా.. ‘అంతలేదు.. ఆవకాయ అనేది మామిడితో రుచి వస్తుంది’ అంటూ గాలి తీసేస్తుంది. ఇంతలో భరత్ కూడా వచ్చి.. ‘అమ్మమ్మగారూ నాకు పెట్టండి’ అనడంతో కాంతమ్మ ప్రేమగా భరత్కి తినిపిస్తుంది. ‘భరత్ బాబు ఇంత మంది ఆడపిల్లల్లో మీరు భరత్ చుక్కల్లో చంద్రుడులా ఉన్నారు’ అంటుంది కాంతమ్మ నవ్వుతూ.
పూజకు పర్మీషన్.. లక్కీ ఫుల్ హ్యాపీ
లక్కీ బాధగా బయటికి వెళ్లి ఆలోచించుకుంటుంది. అది గమనించిన అమ్ములు వెనుకే వెళ్లి ఏం జరిగింది అంటూ ఆరా తీస్తుంది. దాంతో లక్కీ.. ‘వదినా అది నేను చక్రీ బాగుండాలంటే సుబ్రమణ్యస్వామి పూజ చేయాలట. పంతులు గారు చెప్పారట. అదే విషయం మా అన్నయ్య చెప్పాడు. ఒకవేళ ఇక్కడ చేయడం కుదరకపోతే అక్కడికి రమ్మందట మా అమ్మ. కానీ.. ఏం చేయాలో ఎలా చెప్పాలో అర్థం కావట్లేదు’ అంటుంది బాధగా. ఇంతలో లోపలి నుంచి వచ్చిన నీలవేణి.. ‘ఏం బాధపడకమ్మా.. ఆ పూజేదో ఇక్కడే చేసుకోండి’ అనడంతో లక్కీ హ్యాపీ ఫీల్ అవుతుంది. ‘థ్యాంక్స్ అత్తయ్యా.. ఇప్పుడే విషయం అమ్మకు చెబుతాను. అన్నయ్యని వీలుంటే రమ్మంటాను’ అంటుంది.
సమాచారం కోసం వసంతకు ఫోన్ చేసిన సరయూ
‘ఏంటో ఏం అర్థం కావట్లేదు అటు మరిది(భరత్) గారు చూస్తే.. స్నేహ చుట్టూ తిరుగుతున్నాడు. ఇటు అంకిత్ అమ్ములు లవ్ చేసుకుంటున్నారు. పాపం మరి సరయూ పరిస్థితి ఏంటీ?’ అనుకుంటూ ఉండగా సరయూ వసంతకు కాల్ చేస్తుంది. ‘లక్కీ, చక్రీలు సుభ్రమణ్యస్వామి అభిషేకం చేయబోతున్నారని’ వసంత ద్వారా తెలుసుకున్న సరయూ.. ‘రేపు నేను నా బావా కలిసి వస్తాం’ అని చెబుతుంది. ‘సరే వచ్చేటప్పుడు కొంత డబ్బు తేమ్మా.. కష్టంగా ఉంటుంది’ అంటుంది వసంత ‘ఎవరు ఎలా పోతే నాకెందుకు’ అనుకుంటూ మనసులో..
అంకిత్, సరయూల ఎంట్రీ..
ఉదయాన్నే నాగేంద్రుడికి పూజ ప్రారంభించారు సీనయ్య కుటుంబం. మొదట అమ్ములు పట్టుతో.. సీనయ్య, నీలవేణి అభిషేకం చేస్తారు. తర్వాత లక్కీ, చక్రీలు చేసుకుంటారు. ఇంతలో సీనయ్యకి ఫోన్ వస్తుంది. ’ఇప్పుడు కుదరదురా పూజలో ఉన్నాను’ అన్న అవతల వ్యక్తి ఒప్పుకోకపోవడంతో.. తప్పనిస్థితిలో ‘ఇప్పుడే వస్తాను.. పిల్లలు చేత పూజ చేయించు నీలవేణి’ అంటూ అక్కడ నుంచి బయలుదేరతాడు సీనయ్య. అదే టైమ్కి అంకిత్, సరయూలు ఎంట్రీ ఇస్తారు. అప్పటిదాకా అంకిత్ ‘సీనయ్య కన్నుగప్పి ఎలా ఉండాలో ఏంటో?’ అని ఆలోచిస్తాడు. సీనయ్య వాళ్లని చూడకపోవడంతో ఊపిరి పీల్చుకుంటాడు అంకిత్.
అమ్ములుకి సరయూ చురకలు
సరయూ రావడమే స్నేహని చూసి.. ‘ఇదేనా స్నేహా అంటే.. ఆ వసంత చెబితే ఏదో గొప్ప హీరోయిన్లా ఉంటుందనుకున్నాను’ అనుకుంటంది. ఒకరికొకరు పరిచయం చేసుకుంటాడు స్నేహ, సరయూలు. ఆ టైమ్లో కూడా వెటకారంగా.. సరయూ.. ‘అంకిత్కి కాబోయే భార్యను నేను’ అంటూ అమ్ములుకి అర్థమయ్యేలా మాట్లాడుతుంది. ఇంతలో వసంత నవ్వుతూ.. ‘ఈ మాట మా చక్రీగాడి పెళ్లి అప్పటి నుంచి చెబుతున్నావ్’ అని పైకి అనేసి.. ‘అయ్యో పైకి అనేశానా?’ అంటూ మనసులో అనుకోవడం కామెడీ ఉంటుంది.
అంకిత్, అమ్ములు కలిసి పూజలో అభిషేకం
‘పిన్నీ(నీలవేణి)గారు నేను(సరయూ), బావ(అంకిత్) కలిసి అభిషేకం చేయొచ్చా?’ అంటుంది సరయూ. అందుకు నీలవేణి సరే అనడంతో.. ‘అమ్ములు నీది చాలా లక్కీ హ్యాండ్ కదా.. ఆ పాలు నీ చేత్తో మాకు ఇవ్వు’ అంటుంది వెటకారంగా.. అమ్ములు చేసేది లేక పాలని అందివ్వబోతుంది. అయితే కాలు స్లిప్ అయ్యి.. అమ్ములు పడిపోబోతుంటే.. అంకిత్ పట్టుకుంటాడు. అదే టైమ్లో ఇద్దరి చేతుల మీదుగా పాలు దేవుడి మీద పడి అభిషేకం జరుగుతుంది. దాంతో సరయూ, భరత్లతో పాటూ అక్కడున్నవాళ్లంతా షాక్ అవుతారు. అంకిత్ హ్యాపీ ఫీల్ అవుతాడు.
భరత్ చేతికి చిక్కిన అమ్ములు..
ఉయ్యాల మీద కాంతమ్మ ఎక్కి ఊగడంతో వసంత ఆమెని ఆటపట్టిస్తుంది. ‘అభిషేకం చేసి ఇలా ఊగడం ఆనవాయితి.. అంతా ఊగండి’ అంటుంది నీలవేణి. సరే అంటూ అంతా రెడీ అవుతారు. అయితే సరయూ కావాలనే ఓ ఫిటింగ్ పెడుతుంది. ‘పెళ్లి అయిన లక్కీని చక్రీ ఊయల ఊపాలి.. అమ్ముల్ని భరత్ ఊపాలి.. తర్వాత అంకిత్ నన్ను ఊపుతాడు’ అంటుంది. దాంతో లక్కీని చక్రీ ఊపుతాడు. తర్వాత అమ్ములు తప్పని స్థితిలో ఊయల మీద కూర్చుంటుంది. భరత్..‘భలే చిక్కావే.. ఇక పెళ్లీ మీటలు మీద కూడా ఇలాగే చిక్కుతావ్. కానీ ఇప్పటికీ అప్పటికీ ఒక్కటే తేడా? ఏంటంటే ఇప్పుడు చూస్తున్న నీ ప్రియుడు అప్పటికి ఉండదు’ అంటాడు.
అమ్ములు మడ్డర్కి సరయూ ప్లాన్
అమ్ములు కూర్చున్న ఊయలను భరత్ వేగంగానే ఊపుతున్నాడు. అమ్ములు అయిష్టంగానే నవ్వుతుంది. భరత్ తన ఆలోచనల్లో తను ఉంటాడు. అంకిత్కి ఆ సీన్ అస్సలు నచ్చదు. అయినా తప్పనట్లుగా చూస్తుంటాడు. ఇంతలో సరయూ మనసులో.. ‘ఊగవే ఊగు.. కాసేపట్లో ఆ కొమ్మ విరిగిపోతుంది. కింద పడి నువ్వు గిల గిలా కొట్టుకోవడం కళ్లారా చూస్తాను’ అనుకుంటూ ఉంటుంది. మరిన్ని వివరాలు తరువాయి భాగంలో చూద్దాం! మౌనరాగం కొనసాగుతోంది.
శేఖర్ కుసుమ సమయం తెలుగులో ప్రిన్సిపల్ డిజిటల్ కంటెంట్ ప్రొడ్యూసర్గా పని చేస్తున్నారు. ఇక్కడ సినిమా, టీవీ రంగానికి సంబంధించిన తాజా వార్తలు, స్టోరీలు అందిస్తుంటారు. ఆయనకు జర్నలిజంలో 11 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో పొలిటికల్ న్యూస్, ఎంటర్టైన్మెంట్ రంగాలకు సంబంధించి వార్తలు రాశారు.... మరిన్ని చదవండి
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.