Karthika Deepam Serial ట్విస్ట్: మోనిత విజయం పక్కా.. ‘అయ్యో దీపక్కా’

గత ఎపిసోడ్‌లో మోనితకి అప్పారావు నిజం చెబుతాడు. కోటేష్‌ తీసుకుని వెళ్లిన బాబు.. కార్తీక్‌ దగ్గర పెరుగుతున్నాడని మోనిత తెలుసుకుంటుంది. అది అలా ఉండగా అప్పారావు సౌందర్య ఇంటికి వచ్చి.. శ్రీవల్లి, కోటేష్‌ల ఫొటోలు చూపించడంతో.. సౌందర్యకు కూడా నిజం తెలుస్తుంది. అదే నిజాన్ని నేటి కథనంలో ఆనందరావు ముందు బయటపెడుతుంది సౌందర్య. ఈ తరుణంలో నేటి కథనం ఉత్కంఠగా మారింది.

ప్రోమో హైలైట్స్‌..
సౌందర్య, ఆనందరావు సోఫాలో కూర్చుని ఉండగా.. దీప వాళ్లతో మాట్లాడుతూ ఉంటుంది. ఇంతలో కార్తీక్‌ వచ్చి.. ‘మమ్మీ.. మోనిత బాబుని ఎత్తుకుని వెళ్లిన సీసీ ఫుటేజ్‌.. నీ దగ్గర ఉందట కదా? బాబుని వెతికి తెచ్చి ఇస్తానని మోనితకి మాటిచ్చాను..’ అనే సరికి సౌందర్య, ఆనందరావుల ఫ్యూజులు ఎగిరిపోతాయి.

సీన్‌ కట్‌ చేస్తే.. బయట హిమ, సౌర్యలు ఆనంద్‌ని ఆడిస్తూ ఉంటారు. సరిగ్గా అప్పుడే వచ్చిన మోనిత.. ‘ఎవరీ బాబు?’ అంటుంది ఏం తెలియనట్లుగా వాళ్లతో.. ‘మా తమ్ముడు..’ అని హిమ అనగానే.. మోనిత నవ్వుకుంటూ హిమ నుంచి బలవంతంగా తనుఎత్తుకునే ప్రయత్నం చేస్తుంది. ఆనంద్‌ని లాక్కుంటుంది. సరిగ్గా అప్పుడే దీప అడ్డుపడుతుంది. బాబుని మోనిత చేతుల్లోంచి తను లాక్కుంటుంది. ’వీడు మా బంగారు కొండ..’అంటుంది దీప మోనితతో.. ‘ఎవరి బిడ్డనో తెచ్చుకుంటేనే ఇంతగా చూసుకుంటున్నారంటే నా బాబుని ఇంకెంత ప్రేమగా చూసుకుంటారో’ అంటుంది మోనిత వెటకారంగా నవ్వుతూ. ‘నోరుముయ్‌ వీడు మా బిడ్డ..’ అంటుంది దీప కోపంగా. దాంతో మోనిత నవ్వుతుంది. ‘ఎందుకు నవ్వుతున్నావ్‌?’అంటుంది దీప కోపంగా.. ‘అయ్యో దీపక్కా..’ అంటుంది మోనిత మళ్లీ నవ్వుతూ.. మొత్తానికీ మోనిత విజయం దిశగా అడుగులు వేస్తున్నట్లే కనిస్తోంది.

ఇటు మోనితకి.. అటు సౌందర్యకు నిజం తెలియడంతో కథనం ఉత్కంఠగా మారిపోయింది. మోనిత మాత్రం అనుకున్నట్లే.. ‘ఆపరేషన్‌ బ్లడ్‌ రిలేషన్‌’(నేటి కథనంలో మోనిత ఈ కొత్త నాటకానికి పెట్టిన పేరు) ప్రకారం.. బాబుతో దీప కుటుంబం అనుబంధాన్ని పెంచుకుంటూ ఉంటే.. అదే అనుబంధాన్ని అడ్డుపెట్టుకుని ఇంట్లోకి అడుగుపెట్టాలని ప్లాన్‌ చేస్తోంది మోనిత. మరి ఏం జరుగుతుంది అనేది రసవత్తరంగా మారింది. నిజంగానే ఈ సీన్, దీప డైలాగ్స్‌ వింటుంటే.. ప్రేక్షకులకు కూడా ఒకటే అనిపిస్తుంది.. ‘అయ్యో దీపక్కా’ అని.

Read Also: ఫిబ్రవరి 23 ఎపిసోడ్: ‘ఆనంద్ మోనిత కొడుకు’ నిజం చెప్పిన సౌందర్య.. హడలిపోయిన ఆనందరావు