Karthika Deepam Serial ట్విస్ట్: డబ్బావాలాగా మారిన వంటలక్క.. గుండెలవిసేలా ఏడుస్తున్న కవలలు

బుల్లితెర ప్రేక్షకుల్ని ఎంతగానో ఆకట్టుకుంటున్న ‘కార్తీకదీపం’ సీరియల్.. నేడు(2021 మే 8)న 1034 ఎపిసోడ్‌కి ఎంటర్ అయ్యింది. అయితే రేపటి ప్రోమోలో అదిరిపోయే ట్విస్ట్ ఉంది. Karthika Deepam మే 8 ఎపిసోడ్: డాక్టర్ బాబుకి తెలియకుండా మోనిత మరో కుట్ర! ‘నేను నిన్ను కలిసినట్లు కార్తీక్‌కి చెప్పకు..’
ప్రోమో హైలైట్స్..
‘అమ్మ లేకపోవడమేంటీ అంతా చూశారా?’ అంటుంది శ్రావ్య పిల్లలతో. ఆదిత్య కూడా షాక్ అవుతాడు. ‘అంతా చూశాం పిన్నీ..’ అని హిమ చెప్పడంతో.. ‘అమ్మ లేకపోవడమేంటీ? ఎక్కడికి వెళ్లి ఉంటుంది? ఎవరికీ చెప్పకుండా?’ అని ఆదిత్య ఆలోచనలో పడతాడు. సీన్ కట్ చేస్తే.. వంటలక్క శ్రీరామ్ నగర్ బస్తీలోని తన పాత ఇంటి ముందు వారణాసీ ఆటోలోంచి దిగుతుంది. వారణాసి, దీప అక్కడే ఉండగా సరోజక్క అక్కడికి వచ్చి అనుమానంగా చూస్తూ.. ‘ఏంటిది దీపా?’ అంటుంది.

వెంటనే వంటలక్క ధీనంగా.. ‘తిరుగు ప్రయాణం..’ అని సమాధానం ఇస్తుంది. ‘నువ్వు ఇంక ఈ బస్తీకే తిరిగి రావు అనుకున్నాను..’ అని సరోజక్క అనగానే.. దీప బాధగా.. ‘ఇదేకదా నాకు పుట్టిళ్లు..’ అంటుంది. వెంటనే దీప వారణాసితో.. ‘వారణాసీ నువ్వు వెళ్లి బాక్స్‌లు ఎవరెవరికీ కావాలో కనుక్కో..’ అని పంపిస్తుంది. బ్యాగ్ తీసుకుని ఇంటి తలుపులు తీసుకుని ధీనంగా అటుగా అడుగులు వేస్తుంది.

దీప ఆ ఇంట్లో అడుగుపెడుతున్న సమయంలోనే.. సౌందర్య ఇంట్లో పిల్లలు దీప కోసం వెతికి వెతికి అలసిపోతారు. కార్తీక్ రావడంతో.. ‘డాడీ..’ అని పరుగున కార్తీక్ గుండెలపై వాలి బాగా ఏడుస్తారు. పిల్లలు కార్తీక్ గుండెలపై వాలి ఏడుస్తుంటే.. దీప మాత్రం ఆ ఇంటినే పరిశీలనగా చూస్తూ నిలబడే సీన్ కథను ఉత్కంఠగా మార్చింది. మొత్తానికీ దీప వంటలక్కగా ప్రయాణం మొదలుపెట్టింది. మరి వేడి సెగ తగలకూడదని డాక్టర్స్ చెబుతుంటే.. దీప మళ్లీ మళ్లీ అదే పని చేస్తుంది. ఈ క్రమంలో దీప ఆరోగ్యం ఏ అవుతుందో? దీప ఏం అయిపోతుందోనన్న ఉత్కంఠ కూడా రెట్టింపు అవుతోంది. చూద్దాం ఏం జరగనుందో.