Krishna Mukunda Murari మే 20: ముకుందను ఇంట్లోంచి పంపించేందుకు రేవతి ప్లాన్.. రొమాంటిక్ కృష్ణ

Krishna Mukunda Murari 2023 May 20 Episode: మురారీ, కృష్ణలు ఇంకా ఇంకా దగ్గరైపోతున్నారు. ప్రపోజ్ చేసుకోవాలని మధుకర్ చెప్పడంతో.. కృష్ణకి మురారీ ఐ లవ్యూ అని ప్రపోజ్ చేస్తాడు. ‘ఎక్కడ దూరం అయిపోతావోనని ముందే చెప్పేస్తున్నా అంటూ క్లారిటీ కూడా ఇస్తాడు. దాంతో కృష్ణ మురిసిపోయి ఐ టూ లవ్యూ అంటుంది. మొత్తానికీ ఇద్దరి మనసులే కాదు ఇకపై తనువులు కూడా ఏకమయ్యే సమయం వచ్చేసినట్లే ఉంది.

ఇక రేవతి.. జరిగిన దాని గురించి ఆలోచిస్తూ ఉంటుంది. ‘ఐ లవ్యూ ముకుందా.. నేను నిన్ను వదిలిపెట్టను’ అని అంటోందని మధుకర్ తనకు చెప్పిన మాటల్నే తలుచుకుంటూ అల్లాడిపోతుంది. ‘భవానీ అక్క లేదు కాబట్టి.. ఈ ముకుంద మరింత తెగించినట్లు ఉంది. నేనే ఏదొకటి చేసి తనని పుట్టింటికి పంపించెయ్యాలి’ అనుకుంటుంది. ఇంతలో ముకుంద అటుగా వెళ్తుంటే.. వెంటనే తన ఆలోచనను అమలు చేసే ప్రయత్నం చేస్తుంది. ‘అమ్మా ముకుందా.. ఏ తండ్రికి మాత్రం బాధ ఉండదు.. మీ నాన్నగారు మాటల్లో న్యాయం ఉంది. ఎంతకాలం ఇలానే కూతురు జీవితం బాగుపడుతుందని ఎదురు చూస్తాడు. అందుకే ఓ పని చెయ్ ముకుందా.. ఎలాగో ఆదర్శ్ తిరిగి వస్తాడనే నమ్మకం మా అందరిలో ఉంది కాబట్టి.. నువ్వు అప్పటి దాకా మీ నాన్నగారికి బాధ కలగకుండా మీ నాన్నగారి కళ్లముందే ఉండు’ అంటూ తెలివిగా చెబుతుంది. అయితే ముకుందకు విషయం అర్థమైపోతుంది.

నన్ను ఇంట్లోంచి పంపించాలని ఇలా అంటున్నారా చిన్న అత్తయ్యా.. అనుకుంటూ.. లేదు అత్తయ్యా ప్రతీక్షణం నా జీవితం నాశనం అయిపోయిందని నా తండ్రి బాధపడే కంటే.. నేను ఇక్కడుండటమే మంచిది కదా? అయినా విడాకులు ఇప్పిస్తాను అన్న మనిషి దగ్గరకు వెళ్తే.. నేను ఇంకా ఇంకా ఈ ఇంటికి దూరం అయిపోతాను కదా.. అది నాకు ఇష్టం లేదు’ అని అంతకన్నా తెలివిగా సమాధానం చెప్పి లోపలికి వెళ్లిపోతుంది ముకుంద. ఏం చేయలేక రేవతి అల్లాడిపోతుంది.

మరోవైపు మధుకర్ ఫుల్‌గా తాగేసి.. తండ్రి ప్రసాద్‌తో వాదించుకుంటూ.. ఇంట్లో అందరినీ పిలుస్తాడు. సరదగా ఆటలాడదాం అంటూ కృష్ణ చేతిలో ఫూల్ అవుతాడు కూడా. తర్వాత ఇంట్లో ఉన్న ఆడవాళ్లందరికీ ఒక గేమ్ చెబుతాడు. అదేంటంటే.. చేతులకు గోరింటాకు ఉందనుకుని.. బయటికి వెళ్తున్న తన భర్తకు బొట్టు ఎలా పెడతారు? అని అడుగుతాడు. వెంటనే కృష్ణ చేతుల్ని వెనక్కి పెట్టుకుని.. తన నుదుటున ఉన్న కుంకుమతో మురారీ ముఖంలో ముఖం పెట్టి మురారీ నుదుటున బొట్టు పెట్టేస్తుంది. అది చూసిన ముకుంద రగిలిపోతుంది.

ఇక కమింగ్ అప్‌లో అయితే.. మురారీ కుల్ఫీ తింటూ ఉంటాడు. కృష్ణ బై చెప్పి ఆసుపత్రిలోకి వెళ్తుంది. ఇక ఏ పేషెంట్‌ని చూసినా.. ఏ డాక్టర్‌ని చూసినా.. కృష్ణకు మురారీనే కనిపిస్తాడు. చాలా రొమాంటిక్‌గా మురారీ దగ్గరకు వస్తుంటే.. కృష్ణ తెగ సిగ్గు పడుతూ ఉంటుంది. చివరిలో మురారీ నిజంగానే వచ్చినట్లు కిస్ చేయబోతున్నట్లు ఉంటుంది ఆ సీన్. మరి మురారీ నిజంగానే వచ్చాడా? లేక కృష్ణ కలా అనేది తెలియాల్సి ఉంది. ఏది ఏమైనా ఇద్దరి మధ్య రొమాంటిక్ సీన్స్ బుల్లితెరను హీటెక్కించబోతున్నాయి. Krishna Mukunda Murari ‘కృష్ణ ముకుంద మురారి’ కొనసాగుతోంది. మరిన్ని వివరాలు తరువాయి భాగంలో చూద్దాం! (photo courtesy by star maa and disney+ hotstar)