Krishna Mukunda Murari ఏప్రిల్ 12: ఆవేశంలో మురారీ షర్ట్ పట్టుకున్న కృష్ణ.. ‘గౌతమ్ పెళ్లి జరిపించే తీరతా’

Krishna Mukunda Murari Today: సీరియల్‌ 127 ఎపిసోడ్‌లోకి అడుగుపెట్టింది. ఓ వైపు మురారీకి.. తను కృష్ణకు మాటిచ్చినట్లు.. పెళ్లి చెయ్యాల్సింది గౌతమ్‌కి అని తెలుసు కానీ.. అందులో పెళ్లి కూతురు నందిని అని తెలియదు. ఈ క్రమంలోనే మురారీ రెచ్చిపోయి.. ఆదివారం ముహూర్తం బాగుంది అంటూ పెళ్లికి ఆ రోజు ఫిక్స్ చేసేస్తాడు. ఇక భవానీ దేవి.. ఈశ్వర్ ప్రసాద్‌లు కూడా అదే ఆదివారం నందినికి శాంతి కొడుకుతో పెళ్లి చెయ్యాలని ఫిక్స్ అవుతారు. పైగా కృష్ణకు తెలిస్తే పెళ్లి ఆపేస్తుంది.. అబ్బాయి డబ్బు కోసం చేసుకుంటున్నాను అనుకుంటుంది కాబట్టి.. కృష్ణకు.. రేవతికి తెలిస్తే రేవతి కృష్ణకు నిజం చెప్పేస్తుంది కాబట్టి.. రేవతికీ నిజం చెప్పొద్దు అని ముకుందకు, మురారీకి ముందే చెబుతారు. పెళ్లి పనులన్నీ మురారీ, ముకుందలకే అప్పగిస్తారు.

ఈ క్రమంలోనే మురారీకి టెన్షన్ మొదలైంది. గౌతమ్‌కి ఆదివారం మీ పెళ్లి చేస్తానని మాట ఇచ్చి ఇంటికి వచ్చేసరికి.. భవానీ దేవి చేయబోతున్న నందిని పెళ్లి కూడా అదే రోజు అని తెలిసి బిత్తరపోతాడు. ఇప్పుడు కృష్ణకు ఏం చెయ్యాలి.? పెద్దమ్మకు ఏం చెప్పాలి? ఎవరికి ఇచ్చిన మాట నిలబెట్టుకోవాలి? అని తలపట్టుకుంటాడు. ఇంతలో కృష్ణ దెయ్యం పట్టిన దానిలా ప్రవర్తిస్తూ.. ‘నేను బైరాగినీ’ అంటుంది. మురారీ నవ్వుకుంటూ వచ్చి.. అస్సలు భయపడడు. ‘ఏసీపీ సార్... మీరు నన్ను గెస్ట్ హౌస్‌లో కావాలనే భయపెట్టారని నాకు తెలుసు.. పైగా ఇప్పుడు నేను భయపెడుతుంటే భయపడరా?’ అంటూ కాసేపు ఏడుపు ముఖం పెడుతుంది.

ఆ సమయంలోనే తనకు నడుము నొప్పి వచ్చిందని నాటకం ఆడి కాసేపు మురారీని ఏడిపిస్తుంది. మురారీ అలా వెళ్లగానే.. లేచి తీన్ మార్ స్టెప్స్ వేస్తూ.. మురారీకి దొరికేస్తుంది. ఇక ‘నన్నే ఏడిపిస్తావా?’ అంటూ మురారీ వెంటపడతాడు. ఇక మురారీ మనసులో.. ‘పెద్దమ్మా వాళ్లు ఆదివారం ఏ సమయంలో పెళ్లి ఫిక్స్ చేశారో తెలుసుకోవాలి.. అప్పుడు నాకు కాస్త అవకాశం ఉంటుంది. ఇక్కడ నందు పెళ్లి ఉదయాన్నే అయితే.. సాయంత్రానికి గౌతమ్ పెళ్లి చేసెయ్యొచ్చు’ అని ఫిక్స్ అయ్యి.. భవానీ వాళ్ల దగ్గరకు వెళ్లి.. ఏ టైమ్‌కి పెళ్లి అంటాడు. మధ్యాహ్నం ఒంటిగంటకు అని చెబుతారు వాళ్లు.

ఇక పైకి వచ్చిన మురారీ.. కృష్ణతో... ‘నేను గౌతమ్‌కి ఇచ్చిన మాట నిలబెట్టుకోలేను కృష్ణా.. ఆ రోజు నాకు చాలా ముఖ్యమైన పని ఉంది’ అంటాడు. ‘అయ్యో మీరు మగాళ్లే.. నాకు తెలుసు.. మీరు మాట మీద నిలబరని.. ఏది ఏమైనా గౌతమ్ పెళ్లి నేను చేసి తీరతాను..’ అంటూ ఏడుపు ముఖంతో గోలగోల చేస్తుంది. ‘కృష్ణా ప్లీజ్ ఆగు.. సరదగా అన్నాను.. నేను ఆ పెళ్లి చేస్తాను.. అది సరే.. ఏ టైమ్‌కి ముహూర్తమో.. ఫిక్స్ చేయించాడా? పంతులు దగ్గరకు గౌతమ్ వెళ్లాడా? అంటాడు మురారీ. ‘వెళ్లాడు ఏసీపీ సార్.. ఆదివారం చేద్దాం అని మీరు చెప్పగానే.. మధ్యాహ్నం ఒంటి గంటలకు మంచి ముహూర్తం ఉందట.. పంతులు చెప్పారట..’ అంటుంది. వెంటనే టింగ్ మని కిందకు కుప్పకూలినట్లు కూర్చుండిపోతాడు మురారీ. రెండు పెళ్లిళ్లు ఒకే ముహూర్తం కావడంతో బిత్తరపోతాడు మురారీ.

ఇక కమింగ్ అప్‌లో..
మంచం మీద ఉన్న మురారీ షర్ట్‌ని కృష్ణ ఆవేశంగా పట్టుకుంటుంది. ‘మీరు అలా చేస్తారని నాకు తెలుసు.. కానీ మీరు మోసం చేశారు’ అంటూ ఆవేశంగా మురారీ కాలర్ లేని చొక్కాని లాగి పట్టుకుంటుంది. అది మరి ఏం మోసం? ఎందుకు చేశాడు? అనేది తరువాయి భాగంలో తెలియాల్సిందే. ‘కృష్ణ ముకుంద మురారి’ కొనసాగుతోంది. (photo courtesy by star maa and disney+ hotstar)