Krishna Mukunda Murari మే 18: మధుకర్ కంట అసలు నిజం.. ‘మురారీతో పెళ్లి చేయి నాన్నా’ ముకుంద క్లారిటీ

Krishna Mukunda Murari 2023 May 18 Episode: ‘కృష్ణ ముకుంద మురారి’ సీరియల్‌లో.. భవానీ దేవి కొన్ని రోజుల పాటు ఆశ్రమానికి వెళ్లాలని నిర్ణయించుకుంది. సరిగ్గా భవానీ దేవి వెళ్లబోతుంటే.. ముకుంద తండ్రి ఎంట్రీ ఇవ్వడం.. నా కూతురు ఎంతకాలం ఇలా నరకం అనుభవిస్తూ ఉంటుంది.? ఇంక చాలు.. నా కూతురికి విడాకుల పిటీషన్ వేస్తాను.. త్వరలో విడాకులు వచ్చేస్తాయి.. మా ఇంటికి తీసుకుని వెళ్లిపోతాం’ అంటూ షాకిస్తాడు . అయితే భవానీ దేవి, మురారీ, రేవతి అంతా షాక్ అవుతారు. ఇక భవానీ దేవి అయితే.. ‘నేను తిరిగి వచ్చే వరకూ టైమ్ ఇవ్వండి’ అని రిక్వస్ట్‌గానే మాట్లాడుతుంది. ఇక సరే అని ముకుంద తండ్రి వెళ్లిపోతాడు. ఆ తర్వాత భవానీ దేవి ఆశ్రమానికి వెళ్లిపోతుంది. అయితే అదే విషయం గురించి.. ఇటు మురారీ.. అటు ముకుంద ఇద్దరూ ఆలోచిస్తూ ఉంటారు.

మురారీ టెన్షన్ పడుతూ ఉంటే.. ముకుంద వచ్చి.. బౌ అంటూ బెదరగొడుతుంది. భయపడ్డారు కదా అంటూ నవ్వుతుంది. ‘అల్లరి కృష్ణా.. పెద్దమ్మ వెళ్లే టైమ్‌కి ముకుంద వాళ్ల నాన్న వచ్చి అంతగొడవ చేస్తే నువ్వు ఎలా హ్యాపీగా ఉన్నావ్?’ అంటాడు. ‘అయ్యో ఏసీపీ సార్.. ఆ గొడవ మన వల్లా కాదు.. మనం కారణం కాదుగా.. ఎందుకు టెన్షన్. అయినా ఆయన రావడంలో అలా మాట్లాడటంలో ఏం తప్పులేదు కదా.. ఏ ఆడపిల్ల తండ్రి అయినా అలానే ఆలోచిస్తాడు. అలాగే మాట్లాడతారు. ఆదర్శ్ కోసం ప్రయత్నాలు కూడా ఆగిపోయినట్లే అనుమానంగా ఉంది నాకు. ఇక ఓ తండ్రికి ఏం నమ్మకం ఉంటుంది అతడు తిరిగి వస్తాడని..? మీరే ఆలోచించండి’ అంటూ మురారీని మరింత ఆలోచనల్లో పడేసి వెళ్లిపోతుంది కృష్ణ.

మరోవైపు ముకుంద.. జరిగిందే తలుచుకుని ఆలోచించి ఆలోచించి తండ్రి దగ్గరకు వెళ్లి.. ‘నాన్నా ఓ పెళ్లి అయిన కూతురు అప్పుడప్పుడూ చుట్టపు చూపుకే రావాలి. పర్మెనెంట్‌గా ఉండటానికి కాదు. నేను ప్రేమించిన మురారీ నన్ను మోసం చేయలేదు. మాట ఇచ్చినట్లే మాట మీదే ఉన్నాడు. తన జీవితంలో మరో ఆడది లేదు. కృష్ణ కేవలం ఒప్పంద ప్రకారమే వచ్చింది. ఆదర్శ్ ఎలాగో రాడు కాబట్టి.. మీరే నాకు మురారీకి పెళ్లి చెయ్యాలి. మా పెళ్లికి మురారీ అయితే ఒప్పుకోడు. మీరే ఒప్పించాలి.. నాకు విడాకు ఇప్పించి.. మరో పెళ్లి చేస్తే నా జీవితంలో ముగ్గురు మగాళ్లు ఉంటారు. అది అసహ్యంగా లేదా నాన్నా.. వద్దు.. మీ ప్రయత్నాలన్నీ ఆపెయ్యండి. కృష్ణ ఇంట్లోంచి వెళ్లగానే మురారీని ఒప్పించి.. మా పెళ్లికి ఏర్పాట్లు చేయండి. అప్పుడే ఆదర్శ్‌కి విడాకులు ఇస్తాను’ అంటూ తండ్రికి షాకిచ్చి వెళ్లిపోతుంది ముకుంది.

ఇక కాసేపటికి మురారీ వర్క్ చేసుకుంటూ ఉంటే.. డిన్నర్ టైమ్‌కి.. కృష్ణ ఇడ్లీ తెచ్చి.. పని చేసుకుంటున్నారు కదా.. చేసుకోండి.. నేను తినిపిస్తాను అంటూ తినిపిస్తూ ఉంటుంది. అది చాలా రొమాంటిక్‌గా. ఆ సీన్ మధుకర్ కంట పడటంతో.. ఫోన్ కెమేరా ఆన్ చేసి.. ఫొటోలు తీస్తూ.. వాళ్ల దగ్గరకు వెళ్లి క్లోజప్‌లో కృష్ణ మురారీకి తినిపించడం ఫొటోలు తీస్తాడు. వీడియోలు తీస్తాడు. ఇక అప్పుడే మీరు చాలా అన్యూన్యంగా క్యూట్‌గా ఉంటారు కాబట్టి.. లవ్ ప్రపోజల్ చేసుకోండి.. ఓ వీడియో రీల్ చేసి పోస్ట్ చేస్తాను.. ప్లీజ్ ప్లీజ్ అంటూ బతిమలాడేస్తాడు. దాంతో కృష్ణ, మురారీల మనసుల్లో కోటి వీణలు మోగుతూ ఉంటాయి.

కమింగ్ అప్‌లో.. మురారీతో ముకుంద మాట్లాడటం మధుకర్ దూరం నుంచి చూస్తూ వాళ్ల మాటలు వింటూ ఉంటాడు. ఐ లవ్యూ మురారీ.. నేను నిన్ను సొంతం చేసుకోవడానికి జీవితాంతం తపిస్తూనే ఉంటాను అని వాదనకు దిగుతుంది ముకుంద మురారీతో. వాళ్ల మాటలు వినేసిన మధుకర్.. రేవతిని తీసుకొచ్చి వినిపించే ప్రయత్నం చేయడమే ట్విస్ట్‌గా మారింది. చూడాలి మరి ఏం జరగనుందో. Krishna Mukunda Murari ‘కృష్ణ ముకుంద మురారి’ కొనసాగుతోంది. మరిన్ని వివరాలు తరువాయి భాగంలో చూద్దాం! (photo courtesy by star maa and disney+ hotstar)