వీడిదంతా నాన్న పోలికే.. నిన్న తిట్లు ఇవాళ డాన్స్లు..
నిన్నేమో తిట్లు.. ఇవ్వాల డాన్స్లు వీడిదంతా నాన్న పోలికే.. నిమిషంలో ఫైర్ బ్రాండ్ అవుతాడు.. అరనిమిషంలో కూల్ అవుతాడు.. ఏం మనుషులో ఏంటో అని లాస్య అనుకుంటుంటే.. ‘అదే ఉమ్మడి కుటుంబం అంటే.. ఇక్కడ బంధాలు అనుబంధాలే శాశ్వతం’ అని నందు అంటాడు. అక్కడ సీన్ కట్ చేస్తే.. లక్కీ కేఫ్ దగ్గర తేలుతారు వీళ్లంతా. కొత్త కేఫ్ రిబ్బన్ కటింగ్కి అంకిత తల్లి గాయిత్రి కూడా వస్తుంది. రిబ్బన్ కటింగ్ కూడా పెట్టారంటే.. ప్రారంభోత్సవం భారీగానే ప్లాన్ చేసినట్టు ఉన్నారు. వీఐపీని ఎవరినైనా పెట్టారా? అని వెటకారంగా అంటుంది గాయిత్రి. ఆ మాటతో అంకిత.. ‘అలాంటి ఇలాంటి వీఐపీ కాదు.. పేరు వినగానే పూనకాలు వచ్చేస్తాయి’ అంటుంది.
ఓపెనింగ్కి ఐశ్వర్యరాయ్, చిరంజీవి.. ప్చ్
అమ్మబాబోయ్.. అంత పూనకాలు రప్పించే వీఐపీ ఎవరై ఉంటారని గాయిత్రి ఆశ్చర్యంగా చూస్తుంటే.. ‘మనిషిని చూడగానే ఊపొస్తుంది.. ఆయన మాట వినగానే ప్రాణమే లేచి వస్తుంది’ అని ప్రేమ్ బీభత్సమైన ఇంట్రడక్షన్ ఇస్తుంటే.. కొంపతీసి చిరంజీవి గారిని పిలిచారా? ఏంటి అని అడుగుతుంది గాయిత్రి. ఒక్కచిరంజీవిని పిలిస్తే ఏం బాగుంటుందని.. ఐశ్వర్యరాయ్ని కూడా పిలిచాం అని అంటుంది తులసి. అవునా.. మరి కనిపించరే అని లాస్య అంటే.. ‘వాళ్లు ఎవరో కాదు.. అత్తయ్య మామయ్యలే’ అని అంటుంది తులసి. అంటే పరంధామయ్య చిరంజీవి.. అనసూయ ఐశ్వర్యరాయ్ అన్నమాట.. బాగుందమ్మా తులసీ.. నువ్వు ఏదంటే అది కానియ్ కానియ్.
చేయి చూశావా ఎంత రఫ్గా ఉందో..
ఇక రిబ్బన్ కట్ చేయండి అని నందు అనడంతో.. తులసి దగ్గరుండి మరీ అత్తమామలతో రిబ్బన్ కటింగ్ చేయిస్తుంది తులసి. ఇంతలో ప్రేమ్.. ‘చిరంజీవి గారూ.. రిబ్బన్ కటింగ్ చేసేముందు.. ఒక్క డైలాగ్ చెప్పండి అని అంటే.. మిగిలిన రోత బ్యాచ్ కూడా చెప్పాలి.. చెప్పాలి అని అంటాడు.. దీంతో పరంధామయ్య.. మెగాస్టార్ లెవల్లో ‘చేయి చూశావా? ఎంత రఫ్గా ఉందో రప్ఫాడించేస్తా’ అని డైలాగ్ చెప్తాడు.. ఆ తరువాత ఆహా.. ఏం చెప్పారు ఏం చెప్పారు అంటూ తులసి బ్యాచ్ తెగ చప్పట్లు కొట్టేస్తాడు.
పరంధామయ్య, అనసూయల రిబ్బన్ కటింగ్..
ఈ నాటకీయం తరువాత.. పరంధామయ్య, అనసూయలు రిబ్బన్ కటింగ్ చేస్తారు. ఇక తులసిని పిలిచిన అనసూయ వచ్చి కొబ్బరికాయ కొట్టమని అంటుంది. దీంతో లాస్య కల్పించుకుని.. లక్కీ కేఫ్ ఓనర్ నందు.. నేను ఆమె భార్యని.. కొబ్బరికాయ కొట్టాల్సింది నేను.. ఆ తరువాత కొబ్బరికాయ నందు కొట్టాలి.. ఆ తరువాతే గెస్ట్లు అని అంటుంది. లాస్య చెప్పింది నిజమే.. తొలి కొబ్బరికాయ ఆమెతోనే కొట్టనీయండి అత్తయ్యా అని అంటుంది తులసి.
మా ఆయన గురించి నాకంటే నీకే ఎక్కువ ఆరాటంగా ఉందే..
దీంతో లాస్య.. కొబ్బరికాయ తీసుకుని తులసి దగ్గరకు వచ్చి.. ‘హడావిడిలో పడి నువ్వు ఒక విషయం మర్చిపోతున్నావ్. నువ్వు నందుకి మాజీ పెళ్లానివి. మీకు విడాకులు అయ్యి ఏడాది అవుతుంది అని అంటుంది. ‘నువ్వు గుర్తు పెట్టుకోవాల్సింది మా విడాకులు గురించి కాదు.. నీ పెళ్లి గురించి.. అయినా కొబ్బరికాయ గురించి తలుచుకోవాల్సింది ఈ విషయం కాదు.. మీ ఆయనకి మంచి జరగాలని కోరుకో’ అని అంటుంది తులసి. ఆ మాటతో లాస్య.. ‘మా ఆయన గురించి నాకంటే నీకే ఎక్కువ ఆరాటంగా ఉంది’ అని లాస్య కౌంటర్ ఇస్తుంది. నీ మైండ్ సెట్ని దేవుడు కూడా మార్చలేడు అని అంటుంది తులసి.
ఒక్కదెబ్బకి రెండు ముక్కలు.. లాస్య సంతోషం
ఇక లాస్య కొబ్బరి కాయ కొడుతుండగా.. కొబ్బరికాయ ఒక్కదెబ్బకే పగలాలి.. అప్పుడే ఈ లక్కీ కేఫ్కి లక్ కలిసి వస్తుంది అని అంటాడు ప్రేమ్. దీంతో లాస్య.. అనుమానంగానే కొబ్బరికాయ కొడుతుంది. అయితే ఒక్క దెబ్బతో కొబ్బరికాయ రెండు ముక్కలౌతుంది. దీంతో లాస్య సంతోషానికి అవధులు ఉండవు. ఆ తరువాత నందు కొబ్బరికాయ కొడతాడు. ఇక తులసి కూడా కొబ్బరికాయ కొట్టి దేవుడ్ని లాభం కలగాలని కోరుకుంటుంది. ఇక లోపలికి వెళ్లిన తరువాత మరో నాటకీయం. దేవుడికి దీపం పెట్టడానికి అంకిత, శ్రుతిలను పిలుస్తుంది తులసి. దీంతో లాస్య అక్కడ నుంచి పక్కకి వెళ్లిపోతుంది.
డాక్టర్ ఉద్యోగం మానేసి.. సైకిల్పై ఇడ్లీలు అమ్మకో అభీ
ఇక అభిని పక్కకి తీసుకుని వెళ్లిన గాయిత్రి.. నేను చెప్పింది ఏం చేశావ్.. నా కూతురితో కలిసి నా ఇంటికి ఎప్పుడు వస్తున్నావ్’ అని అడుగుతుంది. ‘ఏం చేయను ఆంటీ.. అంకిత నా మాట వినడం లేదు.. అలాగని నేను మొండిగా మారితే.. అంకిత మరింత మొండిగా మారుతుంది’ అని అంటాడు. ఆ మాటతో గాయిత్రి.. ‘అయితే ఒక పని చెయ్.. డాక్టర్ ఉద్యోగం మానేసి.. ఒక సైకిల్ కొనుక్కో.. దానికి ఇడ్లీ క్యాన్ కట్టుకుని ఇడ్లీలు అమ్ముకో.. మీ నాన్న కేఫ్కి మ్యాచ్ అవుతుంది’ అని హేళనగా మాట్లాడుతుంది గాయిత్రి.
కలిసిపోయిన బావబామ్మర్ధి..
ఇంతలో తులసి తమ్ముడు దీపక్.. హాయ్ బావగారూ అని నందుని పలకరిస్తాడు. బామ్మర్దిని ప్రేమగా రిసీవ్ చేసుకుంటాడు నందు. నా పిలుపుని మన్నించి వచ్చినందు థాంక్స్ దీపక్.. ఆరోజు హాస్పటల్లో నిన్ను కొట్టాను సారీ అని అంటాడు నందు. అవి గుర్తు చేయొద్దు బావగారూ.. ఒక్కక్షణం ఉండలేను. కానీ మా అక్క పిలిచింది కాబట్టి వచ్చాను.. మీకోసం మా అమ్మ పచ్చళ్లు.. మసాలా పొడిలు పంపించింది అని ఇస్తాడు దీపక్. వాటిని చూసి మా అత్తయ్యది కూడా తులసిలా పెద్ద మనసు అని అంటాడు నందు. మా అక్కలా ఈ లోకంలో ఎవరూ ఉండరు. నిజానికి మా అమ్మకి మీరంటే కోపం.. కానీ మా అక్క ఎదుగుదల చూసి మీపై కోపాన్ని మర్చిపోయింది’ అని అంటాడు. ఇంతలో తులసి రావడంతో.. దీపక్ లాంటి తమ్ముడు ఉండటం నీ అదృష్టం అని అంటాడు నందు. ఇక లాస్యలో విషం నింపే ప్రయత్నం చేసింది గాయిత్రి. ఆ వివరాలు ఈ కింది లింక్లో చూడొచ్చు.
Read Also: లాస్యా!! మీ మొగుడితో తులసి జింతాక్.. జింతాక్.. కేఫ్లో అక్రమసంబంధం.. గాయిత్రి చిచ్చు