Vadinamma జూలై 30 ఎపిసోడ్: నానీ-శిల్పల రొమాన్స్‌ షురు.. ప్లాన్ మార్చిన దమయంతి

బుల్లితెర ప్రేక్షకుల్ని ఎంతగానో ఆకట్టుకుంటున్న ‘వదినమ్మ’ సీరియల్.. 608 ఎపిసోడ్‌కి నేడు(2021 జూలై 30)న ఎంటర్ అయ్యింది. అయితే నేటి ఎపిసోడ్ చాలా ఆసక్తిగా మారింది.

608 ఎపిసోడ్‌ హైలైట్స్..
శిల్పా-నానీలతో శోభనానికి ముందు ఆడించే ఆటలు ఆడిస్తూ సంబరాల్లో ఉంటారు సీత కుటుంబం. రెండు సార్లు శిల్ప నెగ్గితే.. మూడోసారి నానీనే శిల్పని గెలిపిస్తాడు బిందెలో ఉంగరం గేమ్‌లో. ఇక కిరణ్ రగిలిపోతూ.. ‘నేను ఈ ఘోరం చూడలేదు’ అంటూ బ్యాక్ సర్దుకుంటూ ఉంటే.. దమయంతి వచ్చి.. ‘ఎందుకురా.. ఎక్కడికిరా.. నేను తగ్గానంటే ఎలా నమ్ముతున్నావ్??’ అంటూనే.. ఈ శోభనం ఎట్టిపరిస్థితుల్లోనూ జరగుదు నువ్వు భయపడు అంటూ మాటిస్తుంది.

ఇక నానీని, శిల్పని శోభనానికి రెడీ చేస్తుంటారు. శిల్ప ఒంటరిగా ఉన్నప్పుడు దమయంతి ఇచ్చి.. ‘నీకో జోక్ చెప్పానా.. ఈ శోభనం జరగకూడదు.. కుక్కకు మాంసం ముక్క వేసేంత వరకే మనవైపు చూస్తుంది. వేస్తే చూడదు.. అర్థమైందా నేను చెప్పింది.. ఈ పాలు తాగించు.. నాకు పెళ్లి తర్వాత ఇచ్చిన మాట మరిచిపోయావా? నేను చెప్పినట్లు చెయ్యకపోతే ఇదే మనం చూసుకోవడం చివరిది అవుతుంది’ అంటూ గట్టిగానే బెదిరిస్తుంది. దాంతో శిల్ప తలొంచుతుంది. సరే నువ్వేం చెబితే అదే చేస్తాను అంటుంది.

తీరా గదిలోకి వెళ్లాక.. నానీతో చాలా ప్రేమగా, రొమాంటిక్‌గా మారిపోతుంది. నానీ ఆనందానికి అవధులే ఉండవు. కమింగ్ అప్‌లో దమయంతి.. ‘దేవుడా.. ఆ శిల్పని నమ్ముకుంటే పని అయ్యేలా లేదు. కొంప ములిగేలా ఉంది..’ అనుకుంటూ టెన్షన్ పడుతుంటే.. ఆమె కళ్లకు గాఢ నిద్రలో ఉన్న తన భర్త రాజశేఖర్ కనిపిస్తాడు. వెంటనే ప్లాన్ మార్చేస్తుంది. ‘ఏమండీ’ అంటూ గావుకేక పెడుతుంది. గదిలోని శిల్పా, నానీ ఉలిక్కిపడి చూస్తారు. మొత్తానికి ఆల్ రెడీ రాజశేఖర్ నిద్రమాత్రలు కలిపిన జ్యూస్ తాగాడు కాబట్టి.. లేపినా లేవడు. హాస్పెటల్ డ్రామాతో ఈ శోభనాన్ని ఆపే తీరుతుంది దమయంతి. మరిన్ని వివరాలు తరువాయి భాగంలో చూద్దాం! ‘వదినమ్మ’ కొనసాగుతోంది.