Guppedantha Manasu Serial Today Promo: రిషి, వసుధారలకు చెక్ పెట్టాలని ఎప్పటి నుంచో స్కెచ్‌లు వేస్తూనే ఉంది దేవయాని. అయితే ఇప్పుడు సీరియల్‌లోకి కొత్త విలన్ వచ్చాడు. వచ్చీ రావడంతోనే ఈ రాజారాణిలకు చెక్ పెట్టేశాడు. ఇంతకీ ఆ విలన్ ఎవరో నేటి ప్రోమోలో చూద్దాం.
అబ్బబ్బా... ఇది కదా అసలు ట్విస్ట్ అంటే అనేట్టుగా నేటి ‘గుప్పెడంత మనసు’ సీరియల్ ప్రోమో వదిలారు. వసు-రిషిల మధ్య క్యూట్ లవ్ స్టోరీతో పాటు.. మదర్ అండ్ ఫాదర్ సెంటిమెంట్ ‘గుప్పెడంత మనసు’ సీరియల్‌కి ప్రధాన బలం. ముఖ్యంగా రిషి, వసు, జగతి, మహేంద్ర పాత్రలు తమ అద్భుత నటనతో జీవించేస్తున్నారు.
Samayam Teluguగుప్పెడంత మనసు ప్రోమో
అంగట్లో అన్నీ ఉన్నా అల్లుడి నోట్లో శని అన్నట్టుగా.. మంచి కథ, కథనం, అద్భుతంగా నటీనటులు ఉన్నా.. ఈ సీరియల్ ఒక్కోసారి అద్భుతం అన్నట్టుగా పీక్స్‌కి వెళ్తుంది.. అదే సందర్బంలో ఇదేం సోదిరా బాబూ అనేట్టుగా పరమబోరింగ్‌గా మారుతుంది.
కాగా.. ఇప్పుడు ఏమాత్రం బోరింగ్ లేకుండా చేయడానికి ఓ కొత్త విలన్‌ని పరిచయం చేస్తూ పగిలిపోయే ప్రోమో వదిలారు. నిజానికి ఈ సీరియల్‌లో దేవయాని విలనిజం పండిస్తున్నా.. ఆమెది పూర్తి స్థాయిలో ప్రతినాయక అని అనలేం. అంతకు ముందు వసు బావ ఉన్నా.. అతను కూడా పూర్తి స్థాయిలో విలన్ కాలేకపోయాడు.
ఇప్పుడు ఆ లోటు తీర్చుతూ ఓ కొత్త విలన్‌ని పరిచయం చేశారు. వసు, రిషిలు ఓ గదిలో బంధించిన విలన్.. వాళ్లకి చెక్ పెట్టాడు. ఎవరు సార్ వాళ్లు? అని వసుధార అడిగితే.. ‘వాళ్లు ఎవరో నాకు తెలుసు వసుధార’ అని రిషి చెప్తున్నాడు. అంటే కాలేజ్ విషయంలో జరిగిన రివేంజ్ స్టోరీ అర్ధం అవుతోంది. రాజా రాణి.. ఇద్దరూ భలే దొరికారని ఆ విలన్ కుట్ర పన్నుతున్నాడు. ఇంతకీ ఆ విలన్ ఎవరు? గతంలో మెడికల్ కాలేజ్ గురించి డిస్కషన్ చేసిన వ్యక్తినా? లేదంటే.. పేపర్స్ దొంగతనం చేసిన ధర్మరాజా? లేదంటే వసు బావనా? లేదంటే వీళ్లెవరూ కాకుండా కొత్త విలన్ రాబోతున్నాడా? అనే సందేహాలు వ్యక్తం అవుతున్నాయి. వాయిస్ చూస్తే మాత్రం ఇంతకు ముందు చూసినట్టుగా కానీ.. విన్నట్టుగా కానీ లేదు. వాయిస్‌ది ఏముందిలే కానీ.. మార్చేస్తూ ఉంటారు. బట్.. ఈ విలన్ మాత్రం ఏదో కొత్త క్యారెక్టర్ మాదిరిగానే ఉంది.
మొత్తానికి తాజా ప్రోమోతో ‘గుప్పెడంత మనసు’ సీరియల్‌కి మంచి బూస్టింగ్‌గా మారింది. ఇక పడుతూ లేస్తూ సాగుతున్న ‘గుప్పెడంత మనసు’ సీరియల్‌కి మాత్రం ఫ్యాన్ బేస్ బాగా ఎక్కువే. ముఖ్యంగా మహిళా ప్రేక్షకులతో చాలామంది ప్రేమికులకు కూడా ‘గుప్పెడంత మనసు’ సీరియల్‌ని బాగా ఇష్టపడుతున్నారు. బోరింగ్ అనిపిస్తున్న టైంలో ఈ ట్విస్ట్ సీరియల్‌ని గాడినపెట్టేట్టుగానే ఉంది. ముఖ్యంగా రిషి వర్సెస్ విలన్ మధ్య యాక్షన్ ఎపిసోడ్‌ని కోరుకుంటున్నారు ప్రేక్షకులు. మరి ఆ లోటు తీర్చుతారేమో చూడాలి.
View this post on Instagram A post shared by STAR MAA (@starmaa)
శేఖర్ కుసుమ సమయం తెలుగులో ప్రిన్సిపల్ డిజిటల్ కంటెంట్ ప్రొడ్యూసర్‌గా పని చేస్తున్నారు. ఇక్కడ సినిమా, టీవీ రంగానికి సంబంధించిన తాజా వార్తలు, స్టోరీలు అందిస్తుంటారు. ఆయనకు జర్నలిజంలో 11 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో పొలిటికల్ న్యూస్, ఎంటర్‌టైన్మెంట్ రంగాలకు సంబంధించి వార్తలు రాశారు.... మరిన్ని చదవండి
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
