Nirupam Paritala: డాక్టర్ బాబు బర్త్‌డే సెలబ్రేషన్స్! ఫ్యామిలీతో కలిసి.. బుల్లితెర శోభన్ బాబు న్యూ లుక్..

నిరుపమ్ పరిటాల.. ఈ పేరు బుల్లితెర ప్రేక్షకులకు సుపరిచితమే. చంద్రముఖీ సీరియల్‌తో తెలుగు ప్రేక్షకులకు పరిచయం అయిన నిరుపమ్.. కార్తీకదీపంతో డాక్టర్ బాబుగా ఎంతో మంది అభిమానాన్ని సంపాధించారు. బుల్లితెర శోభన్ బాబుగా పేరు తెచ్చుకున్న నిరుపమ్.. తన దైన శైలితో.. ఎప్పటికప్పుడు సరికొత్త పాత్రలతో అభిమానుల్ని మెప్పిస్తూనే ఉన్నారు. సీరియల్స్‌లోనే కాదు.. సోషల్ మీడియాలో కూడా అభిమానుల్ని, ఫాలోవర్స్‌ని అలరిస్తూ.. అప్ డేట్స్ ఇస్తూ.. టిక్ టాక్‌తో కామెడీ వీడియోస్ చేస్తూ.. తన మల్టీటాలెంట్‌తో మెస్మరైజ్ చేస్తుంటారు.

నిరుపమ్ బర్త్‌డే సందర్భంగా.. ఆయన భార్య మంజులా పరిటాల.. ‘హ్యాపీ బర్త్ డే మై లవ్’ అంటూ తన ‌ఇన్‌స్ట్రాగ్రామ్‌లో కొన్ని ఫోటోస్ షేర్ చేసుకున్నారు. కరోనా నేపథ్యంలో ఫ్యామిలీ మధ్యే.. సింపుల్‌గా ఆయన బర్త్‌డే సెలబ్రేషన్స్ జరిగాయి. ఆ ఫోటోస్ మంజులా షేర్ చెయ్యడంతో అభిమానులంతా ఆయన పుట్టినరోజు శుభాకాంక్షలు తెలపడంతో పాటు.. ఆయన నటించిన, జీ తెలుగు ఛానల్‌లో నేడే(ఆగస్ట్ 17) ప్రారంభమైన ‘హిట్లర్ గారి పెళ్ళాం’ సీరియల్‌కు ‘ఆల్ ది బెస్ట్’ చెబుతున్నారు. మొత్తానికి డాక్టర్ బాబు న్యూ(హిట్లర్) లుక్‌లో అదిరిపోయారంటూ అభినందనలు తెలుపుతున్నారు.

‘జీ తెలుగు’లో హిట్లర్ బాబుగా అభిమానుల ముందుకు వచ్చిన నిరుపమ్.. గతంలో కూడా జీ తెలుగులో ‘ప్రేమ’ అనే సూపర్ హిట్ సీరియల్ అందించారు. ‘స్టార్ మా’లో డాక్టర్ బాబుగా మెప్పిస్తున్న నిరుపమ్.. ‘కుంకుమ పువ్వు’ అనే మరో సీరియల్‌ కూడా చేస్తున్నారు. దాంతో ఇటు స్టార్ మా, అటు జీ తెలుగు ఛానల్స్ కూడా నిరుపమ్‌కి బర్త్ డే విషెస్ తెలిపారు. ఇక డాక్టర్ బాబు అని ముద్దుగా పిలిచే మన రౌడీ బేబీ(కార్తీకదీపం సౌర్య) కూడా అఫీషియల్‌గా బర్త్ డే విషెస్ తెలుపుతూ.. ‘హిట్లర్ గారి పెళ్ళాం’ సీరియల్‌కి ‘ఆల్‌ ది బెస్ట్’ చెప్పేసింది. మొత్తానికి డాక్టర్ బాబు కొత్త ప్రాజెక్ట్ ‘హిట్లర్ గారి పెళ్ళాం’ సూపర్ హిట్ కావాలని.. ‘సమయం’ కోరుకుంటోంది. హ్యాపీ బర్త్ డే నిరుపమ్ పరిటాల.