Guppedantha Manasu డిసెంబర్ 6: జగతికి బ్రేక్స్ వేసేసిన దేవయాని! పట్టలేని ఆనందంలో రిషిధార..

ఓ వైపు రిషి.. నిజం తెలుసుకున్నాడు. గౌతమ్‌ని క్షమించి.. తిరిగి ఇంటికి తీసుకొస్తాడు. ఈ క్రమంలోనే నేటి కథనం ఆసక్తిగా మారింది. దేవయాని గట్టి స్కెచ్చే వేసింది. జగతీ ఆ వసుధార పరిస్థితి ఏంటీ..? ఇల్లు వాకిలీ, సొంతవాళ్లని వదిలి వచ్చేసిన వసుధార.. ఏదో చదివి గెలిచింది. ఇక తనని అలా వదిలేస్తారా? వాళ్ల అమ్మానాన్నలతో మాట్లాడి విషయాన్ని ఓ కొలిక్కి తేవాలని నీకు అనిపించలేదా?’ అంటుంది దేవయాని కావాలనే. ‘అక్కయ్యా ఇవన్నీ రిషీ అనుమతి తీసుకుని కదా చేయాల్సింది?’ అంటుంది జగతీ. ‘అబ్బో చెప్పావులే జగతీ.. జరిగినవన్నీ రిషి పర్మీషన్ తీసుకున్నాకే జరిగాయా ఏంటీ?’ అంటూ జగతీలో ఆలోచన పుట్టిస్తుంది. అదే సీన్ నేటి కథనంలో కంటిన్యూ అయ్యింది.

624వ ఎపిసోడ్‌ హైలైట్స్..
దేవయాని.. జగతీని ఆలోచించుకోనీకుండా.. ‘చూడు జగతీ.. రిషి తల్లిగా నువ్వు తప్పించుకున్నా నాకు తప్పదుగా.. ఆ వసుధార ఊరు వివరాలు.. అవీ నాకివ్వు.. నేను చూసుకుంటాను.. నేను వెళ్లి.. వాళ్లతో మాట్లాడి వస్తాను’ అంటుంది. అయితే జగతీ మౌనంగా ఉండటంతో.. దేవయాని.. కూల్‌గా.. ‘సరేలే జగతీ నేను వెళ్తున్నా.. నీకు ఏమైనా కావాలా?’ అంటుంది. ‘వద్దు థాంక్స్ అక్కయ్యా మీ ప్రేమకి’ అంటుంది జగతీ. ‘ఇప్పుడు ఏం చేశావ్ జగతీ.. నా ప్రేమను.. ముందు ముందు బోలెడంత ప్రేమని చూస్తావ్’ అంటూ వెటకారంగా మాట్లాడి అక్కడి నుంచి పోతుంది దేవయాని. ఆ మాటలకు జగతి భయపడుతుంది. ‘అక్కయ్యా ఏం చేయబోతున్నారో?’ అని టెన్షన్ పడుతుంది.

ఇక సీన్ కట్ చేస్తే.. వసు కోసం రిషి వెతుక్కుంటూ రూమ్‌లోకి వెళ్లేసరికి.. వసు ఎప్పటిలానే రిషి కోసం మాట్లాడుకుంటూ రిషికి అడ్డంగా దొరికేస్తుంది. రిషి సార్‌కి కోపం ఎక్కువే.. అసలు జగతీ మేడమ్‌కి కానీ.. మహేంద్ర సార్ కానీ కోపం లేకుండా రిషి సార్‌కి అంత కోపం ఎలా వచ్చిందో ఏమో. . వాళ్ల తాతగారికి ఉందేమో అని తనలో తానే మాట్లాడుకుంటూ.. ఇస్త్రీ చేసుకుంటూ ఉంటుంది. రిషిని చూసి షాక్ అవుతుంది. దగ్గరకు వచ్చిన రిషికి.. అనుకోకుండా ఇస్త్రీ పెట్టి తగిలి చేయి కాలితే.. అల్లాడిపోతుంది వసు. ప్రేమగా రిషి చేతిని తీసుకుని ఉదుతూ బాధపోగొట్టే ప్రయత్నం చేస్తుంది.

ఇక మరోవైపు మహేంద్రకు మినిస్టర్ గారు కాల్ చేసి.. ‘సార్ మహేంద్ర గారు.. జరిగింది తెలిసింది.. ఆసుపత్రిలో ఉండగానే వద్దాం అనుకున్నాను. కానీ.. కుదరలేదు.. ఇప్పుడు జగతీ గారికి ఎలా ఉంది?’ అంటాడు. ఫర్వాలేదు సార్ త్వరలోనే కోలుకుంటారు అంటాడు మహేంద్ర. ‘మహేంద్ర గారు.. ఎప్పటిలానే వనభోజనాలు ఏర్పాటు చేస్తున్నాను.. స్టూడెంట్స్, మీ కుటుంబం అంతా కలిసి రావాలి’ అంటూ ఆహ్వానిస్తాడు. ‘సరే.. కానీ జగతీకి నాకు..’ అని మహేంద్ర.. మాట పూర్తి కాకుండానే మినిస్టర్.. ‘కాస్త మనసుకి ప్రశాంతంగా ఉంటుంది కదా.. జాగ్రత్త రండి మహేంద్రా..’ అంటాడు. సరే అంటాడు మహేంద్ర.

ఇక ఫణేంద్ర దగ్గరకు వెళ్లి ఈ విషయం చెబుదాం అనుకునేలోపు.. ఫణేంద్ర.. ‘మహేంద్రా.. మన వసుధార టాపర్ అయినందుకు మనం స్టూడెంట్స్ అందరికీ పార్టీ అయినా ఇచ్చాం కాదుగా’ అంటాడు. ‘అదే అన్నయ్యా మీతో మాట్లాడాలని వచ్చాను.. మినిస్టర్ గారు వనభోజనాలు ఆహ్వానించారు. అక్కడే స్టూడెంట్స్‌కి పార్టీ ఇస్తే సరిపోతుంది కదా?’ అంటాడు. అదే బెటర్.. ఈ విషయం రిషితో చెబుదాం అనుకుంటూ రిషి దగ్గరకు వెళ్తారు. రిషి కూడా హ్యాపీ గా ఫీల్ అవుతాడు. వసుకి వెంటనే మెసేజ్ పెడతాడు. జగతీ గదిలో ఉన్న వసు.. ‘మేడమ్.. మనం అందరం.. వనభోజనాలకి వెళ్తున్నాం.. హ్యాపీగా ఎంజాయ్ చేద్దాం’అంటూ మాట్లాడుతుంటే ఎంట్రీ ఇస్తుంది దేవయాని.

‘అందరూ అంటావేంటీ వసుధారా.. జగతీ ఈ పరిస్థితుల్లో ఎక్కడికి వస్తుంది. రాదు.. అందుకు రిషినే కాదు.. నేను కూడా ఒప్పుకోను.. బయట చలి పెరిగిపోయింది. ఇలాంటి పరిస్థితుల్లో జగతీ రావడానికి వీల్లేదు’ అంటూ షాకిస్తుంది. జగతీ కూడా పాపం.. ‘నిజమే వసు... నేను రానులే’ అనేస్తుంది. అంతా గుమ్మం దాకా వచ్చిన మహేంద్ర, గౌతమ్‌లు వినేస్తారు. ‘జగతీ రాకపోతే నేను రాలేదు గౌతము..’ అంటాడు మహేంద్ర. దాంతో మహేంద్రను పక్కకు లాగిన గౌతమ్.. ‘అరే మీరు లేకపోతే ఎలా అంకుల్’ అంటాడు. ‘వదినగారు ఫిక్స్ చేసేశారు కదా.. గౌతమ్ మార్చలేం.. అయితే అక్కడ వసు, రిషీల ఆనందానికి ఈ దేవయాని వదిగారు అడ్డుపడతారు.. ఆపడానికి నేను జగతీ ఉండమనే బాధ ఎక్కువగా ఉంది గౌతమ్’ అంటాడు మహేంద్ర నెమ్మదిగా. మరి ఏం నిర్ణయిస్తారో చూడాలి.

ఇక వసు.. జగతీ ముందే కూర్చుని.. కబుర్లు చెబుతూ.. ఒక్కో డ్రెస్ చూపిస్తూ ఎలా ఉంది? అని అడుగుతూ ఉంటుంది. ఇంతకీ అవన్నీ రిషి పంపిస్తున్న ఆన్ లైన్ డ్రెస్‌లే. నీకు ఏదైనా బాగానే ఉంటుంది వసు అని జగతీ అంటుంటే.. ‘ఒకటి కూడా ఈ పొగరుకి నచ్చడం లేదేంటి.. రిప్లై ఇవ్వడం లేదు’ అని తిట్టుకుంటూ ఉంటాడు మిస్టర్ ఇగో. మరిన్ని వివరాలు తరువాయి భాగంలో చూద్దాం! Guppedantha Manasu కొనసాగుతోంది. (photo courtesy by star మా and disney+ hotstar)

• Read more Cinema News and Telugu News, TV News