Devatha జనవరి 24 ఎపిసోడ్: నిజం తెలుసుకుని కుమిలిపోయిన రాధ.. దేవిని తీసుకెళ్లే ప్రయత్నంలో ఆదిత్య

గత ఎపిసోడ్‌లో రాధ ఆదిత్య ఆఫీస్‌కి వెళ్లి మరీ ‘నా పిల్లల జోలికి రావద్దు.. దేవిని కలవద్దు’ అని చెబుతుంది. అప్పుడు వాళ్ల మాటలు వినడానికి రమ్య ప్రయత్నిస్తుంది కానీ.. వినిపించదు. మరోవైపు రాధ ఆ ఆఫీస్ నుంచి బయటికి వెళ్తుంటే.. సూరి(ఆదిత్య బాబాయ్) రాధని చూస్తాడు కానీ రామ్మూర్తి కోడలే అనుకుంటాడు. తను ఎందుకు నిన్ను కలవడానికి వచ్చింది? అని ఆదిత్యని సూరి అడిగితే.. ‘ఏవో ఆడవారి సమస్యలు చెప్పుకోవడానికి వచ్చింది’ అంటూ మాట దాటేస్తాడు. ఇక సత్యని మాధవ కడిగిపారేస్తాడు. ‘నువ్వు నాకు ఇచ్చిన మాటేంటి? చేస్తున్నది ఏంటీ? ఆ ఆదిత్య నా పిల్లల జోలికి రావద్దు అని చెబితే చేస్తాను అని మాటిచ్చావ్.. ఇప్పుడు నువ్వు ఏం చెయ్యలేకపోతున్నావ్’ అంటూ ఫైర్ అవుతాడు. అదే సీన్ నేటి కథనంలో కంటిన్యూ అయ్యింది.
‘దేవత’ మన రుక్కు(రాధ) రేర్ ఫొటోస్.. ముఖాముఖి అందమే చూడనా.. ఆయువే చాలునా?

448వ ఎపిసోడ్‌ హైలైట్స్..
‘అసలు నువ్వు నన్ను రాధని ఒకటి చేస్తాను అన్నావ్.. అది ముఖ్యమా.. లేక ఆదిత్య పిల్లల్ని చూడకుండా కలవకుండా ఉండటం ముఖ్యమా అంటే.. నాకు మాత్రం ఆదిత్య దూరంగా ఉండటమే ముఖ్యం.. అప్పుడే మేమంతా సంతోషంగా ఉండగలం.. వద్దు ఆ ఆదిత్య నా పిల్లల జోలికి రావద్దు’ అంటూ సత్య మీద కూడా అరిచేసి వెళ్లిపోతాడు మాధవ. దాంతో సత్య బాధగా.. ‘పాపం ఆదిత్య పిల్లలకు దూరం చెయ్యాలని ఈ బావ ఎందుకు ఇంత పంతం పట్టారు?’ అని బాధపడుతూ రాధ దగ్గరకు వెళ్తుంది.

‘అక్కా బావ చూడు అక్కా.. ఎలా మాట్లాడుతున్నారో. నువ్వైనా చెప్పు కదా.. పిల్లల్ని ఆదిత్యని దూరం చేయొద్దని నువ్వైనా చెప్పు’ అంటే రాధ కూడా కళ్లనిండా నీళ్లతో మాధవ చెప్పిన సమాధానమే చెబుతుంది. పిల్లలకి దూరంగా ఉండమని నువ్వైనా నీ భర్తకు చెప్పుకో అనే అరుస్తుంది. అయితే సత్య చాలా ఎమోషనల్ అయిపోతూ.. ‘దేవి విషయంలో ఆదిత్యని నేను కూడా మార్చలేకపోతున్నాను.. దానికీ ఓ కారణం ఉంది.. ఆదిత్యలో ఏదో లోపం ఉంది అక్కా.. అందుకే మాకు ఇప్పట్లో పిల్లలు పుట్టరు అని డాక్టర్ చెప్పారట.. ఆ రోజు నేను కడుపుతో ఉన్నాను అన్నాను కాది అది నిజం కాదు అక్కా.. నేను తల్లిని కాదు.. కాలేను కూడా. అందుకే అప్పటి దాకా పిల్లల్ని ఆదిత్యకు దూరం చేయొద్దు’ అని ఎమోషనల్‌గా రిక్వస్ట్ చేస్తుంది. రాధ షాక్ అయిపోతుంది. ‘ఏం అంటున్నావ్?’ అని ప్రశ్నల మీద ప్రశ్నలు వేస్తుంది కానీ.. సత్య ఒకే మాట చెబుతుంది. లోపం ఆదిత్యలో అని. దాంతో సత్య వెళ్లగానే రాధ ఏడుస్తుంది. డాక్టర్ సరిగా చెప్పలేదా లేక పెన్విటీ ఏదైనా దాస్తున్నాడా? పెన్విటీకి లోపం ఉంటే దేవమ్మ ఎలా పుడుతుంది? అని తనలో తనే చాలా కుమిలిపోతుంది.

ఇక సీన్ కట్ చేస్తే.. దేవుడమ్మ గుడి నుంచి ఇంటికి వచ్చి.. పంతులు గారు ఓ పూజ చెప్పారు.. దాంతో నాకు నమ్మకం కలిగింది మీకు పిల్లలు పుడతారని.. గుడిలో పూజ చేసి.. ఉగ్గు గిన్నె ఎవరైనా పిల్లలతో హుండీలో వేయించాలట.. అలా చేస్తే పిల్లలు పుడతారట..’ అంటుంది సత్య, ఆదిత్యలతో. దాంతో ఆదిత్య అలానే కానిద్దాం అమ్మా.. ఎవరైనా పిల్లలు ఎందుకు మన దేవి ఉంది కదా.. తనతో వేయిద్దాం.. దేవిని నేను తీసుకొస్తాను’ అంటూ దేవిని అలా అయినా చూడొచ్చనే ఆశతో సంబరపడతాడు. దేవుడమ్మ మాత్రం.. దేవిని తీసుకుని రావడానికి మాధవ ఒప్పుకోడు కదా అని ఆలోచిస్తుంటే.. ఆదిత్య మాత్రం నమ్మకంగా నేను తీసుకొస్తాను అంటున్నాడు. దాంతో మరోసారి కథనం రసవత్తరంగా మారింది. మరిన్ని వివరాలు తరువాయి భాగంలో చూద్దాం! devatha కొనసాగుతోంది.