Vadinamma జూలై 27 ఎపిసోడ్: నానీ కాళ్లు కడిగిన బావమరిది కిరణ్, సీత-రఘురాంల బంధానికి అగ్నిపరీక్ష

బుల్లితెర ప్రేక్షకుల్ని ఎంతగానో ఆకట్టుకుంటున్న ‘వదినమ్మ’ సీరియల్.. 604 ఎపిసోడ్‌కి నేడు(2021 జూలై 27)న ఎంటర్ అయ్యింది. అయితే నేటి ఎపిసోడ్ చాలా ఆసక్తిగా మారింది.

604 ఎపిసోడ్‌ హైలైట్స్..
మొత్తానికి పగబట్టిన దమయంతి సీత ఇంటికి వెళ్లి.. నేను మారాను.. నా కూతురి కోసం తగ్గాను అనడంతో కథనం ఉత్కంఠగా మారింది. కూతురితో ప్రేమగా మాట్లాడి.. ‘సాయంత్రానికి అమ్మాయిని మా అల్లుడ్ని తీసుకుని మా ఇంటికి వచ్చెయ్యండి.. గతంలో జరిగింది ఏదీ గుర్తు పెట్టుకోకండీ’ అంటూ రిక్వస్ట్ చేసి వెళ్తుంది దేవయాని. దాంతో సీతతో సహా అంతా హ్యాపీ ఫీల్ అవుతారు. సీత సంబరంగా రఘురాంకి ఫోన్ చేసి.. దమయంతి వచ్చిందని ఆమె చెప్పిన సంగతి చెప్పి సంబరపడుతుంది. రఘురాం భరత్‌కి ఫోన్ చేసి చెబుతాడు.

ఇక అంతా కలిసి సాయంత్రానికి దమయంతి ఇంటి ముందు దిగుతారు. శిల్ప సంతోషానికి అవధులు ఉండవు. నానీ కూడా కాసేపట్లో శోభనం అంటూ శైలు, సిరి ఏడిపించడంతో సిగ్గుపడతారు. అందరినీ సంతోషంగా ఆహ్వానిస్తుంది దమయంతి. అయితే శైలు అందరిని ఒక్క నిమిషం అని ఆపి.. బావమరిది నానీ కాళ్లు కడగాలి అనడంతో కిరణ్ రగిలిపోతాడు. చచ్చినా కడగను అంటూ ఫైర్ అయ్యి అక్కడ నుంచి వెళ్లిపోతాడు. దాంతో దమయంతి కిరణ్‌ని బతిమలాడి తీసుకొచ్చి నానీ కాళ్లు కడిగిస్తుంది. దాంతో అంతా ఫుల్ హ్యాపీ అవుతారు. భరత్, లక్ష్మణ్‌లు వీడియోలు ఫోటోలు తీయ్యడంతో కిరణ్ చాలా అవమానంగా ఫీల్ అవుతాడు.

ఇక భోజనాలు ఏర్పాట్లు చేస్తుంది దమయంతి. అక్కడ కూడా ఒకరికి ఒకరు తినిపించుకోవాలి. భార్య భర్తకు భర్త భార్యకు తినిపించాలి అని శైలు మెలిక పెట్టడంతో.. దమయంతి విసుక్కుంటుంది లేకి బుద్దులు అని మనసులో తిట్టుకుంటుంది. చేసేది లేక అంతా సిగ్గు పడుతూ తినిపించుకుంటే.. దమయంతి మాత్రం అయిష్టంగానే భర్త చేత్తో పెట్టిన స్వీట్ తింటుంది. ఇక కమింగ్ అప్‌లో మరో కేక్ షురు చేస్తుంది సిరి. ఏదో ఒకటి భార్యకు ముఖ్యమైన వస్తువుని ఒక చోట దాస్తారు. అది భర్తే వెళ్లి తీసుకుని రావాలి.. అంటూ ఏదో కొత్త గేమ్ చెబుతుంది . దాంతో సీత కళ్లకు గంతలు కట్టుకున్న రఘురాం.. ‘నువ్వు ఓడిపోతే ఇన్నేళ్ల మన బంధం ఓడిపోయినట్లే’ అంటూ ఎమోషనల్‌గా డైలాగ్ చెబుతుంది. దాంతో రఘురాం కూడా అంతే ఎమోషనల్‌గా.. ‘ఇది నేను సీత మెడలో వేసిన మూడుముళ్ల బంధానికి పరీక్ష’ అంటాడు. దాంతో కథనం ఆసక్తిగా మారింది. మరిన్ని వివరాలు తరువాయి భాగంలో చూద్దాం! ‘వదినమ్మ’ కొనసాగుతోంది.