‘వదినమ్మ’ జూలై 13 ఎపిసోడ్: ఒక్కటైన ముగ్గురు తోటికోడళ్లు.. నానీ పెళ్లి శిల్పతోనే! రసవత్తరంగా మారిన కథనం

నాని ముందు సీత.. శిల్ప ఊసు ఎత్తడంతో ‘మాకు బ్రేక్‌ అప్‌ అయిపోయిందని చెబుతున్నానుగా’ అంటూ ఫైర్‌ కావడం, సిరి, శైలుతో పాటు అంతా షాక్‌ కావడం, అదే సమయానికి దమయంతి పెళ్లి కార్డు పట్టుకుని రావడం తెలిసిందే. ముందు వరసలో సీట్స్‌ వేయిస్తాను.. మీరు మా శిల్ప పెళ్లికి రావాల్సిందే.. మొదటి కార్డ్‌ దేవుడి దగ్గరపెట్టి రెండోకార్డ్‌ దిష్టి తీసి మీకే తెచ్చాను అంటూ వెటకారం చేస్తుంది. దాంతో రఘురాం దమయంతీ నువ్వు చేసేది బాలేదు అంటూ రివర్స్‌ అవుతాడు. నానీ కూడా ఫైర్‌ అవుతాడు. నీ కూతురికి నీ అంత పొగరే అంటూ తిట్టిపోస్తాడు. ఇక దుర్గమ్మ సీత ఇంటి కబుర్లు పట్టుకుని పార్వతమ్మకు చెప్పి సంబరపడుతుంది.

అనంతరం.. సీత నాని గురించే ఆలోచిస్తుంది. సిరి భరత్‌తో, శైలు లక్ష్మణ్‌తో శిల్ప పెళ్లికి ఒప్పుకోవడం ఏంటీ.. ఇప్పుడు నానీ పరిస్థితి ఏంటీ అని ఆలోచిస్తారు. తర్వాత సీత రఘురాంకి కాల్‌ చేసి.. శిల్ప హాస్పెటల్‌కి వచ్చి నానీని కలిసి వెళ్లిందనే విషయం చెప్పడానికి ప్రయత్నిస్తుంది. కానీ రఘురాం కోపంగా.. ఆ దమయంతికి ఎంత పొగరు..? నాని కూడా ఆ శిల్పపై కోపంగానే ఉన్నాడు.. ప్రేమ లేదు అంటూ తిట్టి పెట్టేస్తాడు. అయితే సిరి, శైలులు వినాలని సీత రఘురాంతో మాట్లాడుతున్నప్పుడు స్పీకర్‌ ఆన్‌ చేస్తే.. ఆ మాటలన్నీ నానీ కూడా వింటాడు. ‘అమ్మా అన్నయ్య సరిగ్గానే చెప్పాడు.. శిల్ప విషయం మరిచిపొండి’ అని వెళ్లిపోతాడు. అయితే సీత మాత్రం తోటికోడళ్లతో.. నానీని అలా వదిలెయ్యలేం కదా..

నిజంగానే శిల్ప ఏ పరిస్థితుల్లో పెళ్లికి ఒప్పుకుందో.. నానీని బాధని ఎలా తగ్గించాలి అంటుంది. దాంతో సిరి, శైలులు.. అక్కా మగవాళ్లంతా కోపంగా ఉన్నారు. మనం ఆడవాళ్లు.. ఈ సమస్యకు పరిష్కారం ఎలా వెతకగలం.. ఏం చెయ్యాలో తెలియకే ఇలా మాట్లాడుతున్నాం.. నువ్వు ఏం చెబితే అదిచెయ్యడానికి సిద్ధంగా ఉన్నాం.. అని మాటిస్తారు. కమింగ్‌ అప్‌లో.. శిల్ప మాటలు సీతవినే సీన్‌ రిపీట్‌ అయ్యింది. తాళి కట్టే 2 నిమిషాల ముందు నేను విషం తాగుతాను అని శిల్ప అన్న మాటలతో కథ ఉత్కంఠగా మారింది.