Devatha సెప్టెంబర్ 16 ఎపిసోడ్: దేవుడమ్మని రుక్కు గురించి ఆరా తీసిన రమ్య.. ఊహించని రచ్చ

బుల్లితెర ప్రేక్షకుల్ని ఎంతగానో ఆకట్టుకుంటున్న ‘దేవత’ సీరియల్.. నేడు(2021 సెప్టెంబర్ 16)న 337 ఎపిసోడ్‌కి ఎంటర్ అయ్యింది.

337వ ఎపిసోడ్‌ హైలైట్స్..
పిల్లల్ని పార్క్‌కి తీసుకుని వెళ్లాలని మాదవ ఆశపడి.. పొలం పనులు త్వరగా పూర్తి చేసుకుని.. తండ్రి రామ్మూర్తి, రాధలతో కలిసి ఇంటికొస్తాడు. అయితే తల్లి ఇంట్లో పనులు చేసుకుంటూ ఉంటుంది. ‘పిల్లలు ఇంకా లేవలేదు.. గదిలోనే ఉన్నట్లున్నారు అనడంతో గదిలోకి వెళ్లి దుప్పటి లాగితే.. దుప్పటి కింద పిల్లోలు ఉన్నాయి. అది చూసి రాధ, రామ్మూర్తి, మాదవ, మాదవ తల్లి షాక్ అవుతారు. ఇంట్లో ఇంటి బయట వెతికేస్తారు. కానీ ఎక్కడా పిల్లలు కనిపించకపోయేసరికి.. ‘పిల్లలు ఎక్కడున్నారో నాకు అర్థమైంది.. నేను తీసుకొస్తాను’ అని చెప్పి.. ‘ఈరోజు నేనో ఆ ఆఫీసరో తేలిపోవాలి’ అనుకుంటూ ఆవేశంగా బయలుదేరతాడు.

ఇక వ్రతంగా చక్కగా పూర్తి చేసుకున్న సత్య.. మొదటి వాయనం అక్కకు ఇస్తాను అంటుంది. ఆదిత్యకు రుక్కు గుర్తొచ్చి బాధగా చూస్తూ ఉంటే.. ‘ఆదిత్యా ఏం అంటావ్’ అంటుంది సత్య. ఈ సమయంలో రుక్కుని ఎందుకు గుర్తు చేసింది సత్యా అని దేవుడమ్మ బాధపడుతూ ఉంటే.. ఆదిత్య మాత్రం.. నవ్వుతూనే.. ‘వెళ్లి ఇచ్చిరా’ అంటాడు. సత్య వెళ్తుంది. రుక్కు ఫొటో ఉన్న గది తలుపు తీసి.. దన్నం పెట్టుకుని.. తనకు ఆ జీవితం ఇచ్చినందుకు కృతజ్ఞతలు చెప్పుకుంటుంది. ఇంతలో రమ్యకు ఫోన్ రావడంతో అటుగా వెళ్లి మాట్లాడుతూ రుక్కు ఫొటో చూసి షాక్ అవుతుంది. ఫోన్ పెట్టేసి.. సత్య ముందు నిలబడి.. ‘ఆమె ఎవరు’ అంటుంది. ‘మా అక్క అనగానే.. ‘ఆమె మీ అక్కా’ అంటుంది ఆశ్చర్యంగా. ‘ఎందుకంత ఆశ్చర్యం’ అంటుంది సత్య. ఏం లేదు అని మాట దాటేస్తుంది. ‘రండి వాయనం తీసుకుందురుగానీ.. అని సత్య వెళ్లగానే.. తన ఫోన్ తీసి.. రుక్కు ఫొటోని ఫొటో తీస్తుంది.

అంతా వాయనాలు పుచ్చుకునే హడావుడిలో, సెల్ఫీలు దిగే సంబరాల్లో ఉండగా.. రమ్య బయటికి వచ్చి దేవుడమ్మని ‘ఆంటీ మీతో మాట్లాడాలి.. ఒకసారి ఇలా వస్తారా’ అంటూ రుక్కు ఫొటో ఉన్న రూమ్‌కి తీసుకుని వెళ్లి ఆమె ఎవరు అంటుంది. ‘తన గురించి మరిచిపో.. ఎవరి అడగొద్దు.. తన కారణంగా మేము చాలా ఇబ్బందులు పడ్డాం.. ఇప్పుడిప్పుడే తేరుకుంటున్నాం.. తన గురించి ఇంకెవరినీ అడగొద్దు’ అని చెప్పి అక్కడ నుంచి వెళ్లిపోతుంది. దాంతో రమ్య అనుమానం మరింత బలపడుతుంది. (మొత్తానికీ దేవుడమ్మ చెప్పిన సమాధానంతో రాధపై కచ్చితంగా మరింత చెడు అభిప్రాయం కలుగుతుంది రమ్యకు.)

ఇక కమింగ్ అప్‌లో.. మాదవ కారు వేగంగా ఆదిత్య ఇంటి ముందు ఆగుతుంది. ‘రేయ్ ఆఫీసర్’ అని అరవగానే.. అంతా బయటికి వస్తారు. మాదవని చూసి దేవుడమ్మ షాక్ అవుతుంది. పిల్లలపై మాదవ అరుస్తూ.. ‘ఎలా వచ్చారు మీరు ఒంటరిగా’ అంటాడు. సరిగ్గా అప్పుడే కొట్టడానికి అడుగులు ముందుకు వేస్తుంటాడు మాదవ. దాంతో ఆదిత్య మాదవ కాలర్ పట్టుకుని ఆపతాడు. దాంతో ఇక రచ్చ పెద్దది కాబోతుంది. మరిన్ని వివరాలు తరువాయి భాగంలో చూద్దాం! devatha కొనసాగుతోంది.