Drama Juniors: మాట అనేముందు ఆలోచించండి.. చేతులు జోడించి కన్నీళ్లు పెట్టుకున్న రేణూ దేశాయ్

ఆర్టిస్ట్‌లు అంటే చులకన భావం తగ్గించాలని కోరారు హీరోయిన్ రేణు దేశాయ్. తామూ మనుషులమే అని.. ఆ తరువాతే యాక్టర్స్ అని అన్నారు. తమ గురించి తప్పుగా మాట్లాడి నోటికొచ్చినట్టు మాట్లాడొద్దని ఎమోషనల్ అయ్యారు రేణూ దేశాయ్.

ఆమె జడ్జీగా వ్యవహరిస్తున్న డ్రామా జూనియర్స్ ప్రోమో విడుదల చేయగా.. స్టేజ్‌పైనే భావేద్వేగానికి గురయ్యారు రేణూ.. ఆమెతో పాటు ప్రముఖ సింగర్ సునీత కూడా ఎమోషనల్ అవుతూ కనిపించారు.

తాజా ప్రోమోలో రేణు దేశాయ్ ఏమన్నారంటే.. ‘మేం ముందు మనుషులం.. ఆ తరువాతే ఆర్టిస్ట్‌.. ఒక మాట అనేముందు ఆలోచించండి.. దయచేసి ఆర్టిస్ట్‌ల గురించి తప్పుగా మాట్లాడటం ఆపేయండి.. వారి గురించి తప్పుడు రాతలు రాయొద్దు. మీ అందరికీ చాలా సిన్సియర్‌గా రిక్వెస్ట్ చేస్తున్నా’ అంటూ చేతులు జోడిస్తూ కన్నీళ్లు పెట్టుకుంది రేణూ దేశాయ్.

కొత్త హంగులతో డ్రామా జూనియర్స్ - ది నెక్స్ట్ సూపర్ స్టార్ గా ఏప్రిల్ 11 వ తేదీ రాత్రి 8 గంటలకు ప్రారంభమైంది. న్యాయనిర్ణేతలుగా తెలుగు చలనచిత్ర పరిశ్రమలో ప్రముఖ దర్శకుడు, రచయిత, సంగీతదర్శకుడు, నటుడు ఎస్. వి. కృష్ణారెడ్డి వ్యవహరిస్తున్నారు. తెలుగు టెలివిజన్ లోని షోకి జడ్జిగా రావడం ఆయనకి ఇదే తొలిసారి. ఆయనతో పాటు రేణు దేశాయ్, సింగర్ సునీతలు జడ్జీలుగా వ్యవహరిస్తున్నారు. యాంకర్ రవి ఈ కార్యక్రమాన్ని హోస్ట్ చేస్తున్నారు.