Krishna Mukunda Murari మే 1: అడ్డంగా ఇరుక్కున్న ముకుంద.. కృష్ణ బిత్తరపోయే మాట

Krishna Mukunda Murari May 1 Episode: నందిని పెళ్లి గౌతమ్‌తో చేయడంతో ఇంట్లో అంతా మురారీ, కృష్ణలతో మాట్లాడటం లేదు. ఈ క్రమంలోనే నేటి కథనం ఆసక్తిగా మారింది. ఓ వైపు భవానీ.. మురారీతో మాట్లాడకుండా ఉండలేక.. మాట్లాడలేక అల్లాడిపోతూ ఉంటుంది. ఇక ముందు అయితే.. మురారీకి మెసేజ్ చేస్తుంది కలుద్దాం అని. ‘వద్దు నువ్వు నా కారణంగా ఇబ్బందుల్లో పడొద్దు.. జాగ్రత్తగా ఉండు.. నాతో మాట్లాడటానికి ట్రై చేయొద్దు’ అంటూ క్లారిటీగా మెసేజ్ చేస్తాడు మురారీ. ఇక నందిని పెళ్లి అయిపోయింది.. దీన్ని నేను సెలబ్రేట్ చేసుకోవాలి అనుకుంటూ కృష్ణ డాన్స్ చేస్తుంది పాటలు పెట్టుకుని. మురారీ రావడం చూసి దాన్ని డాన్స్ ఆపేస్తుంది. పాటలు ఆపేస్తుంది. అయితే మురారీ దగ్గరకు వచ్చి పాటలు పెట్టి.. తను కూడా డాన్స్ చేయడంతో.. కృష్ణ కూడా డాన్స్ చేస్తుంది.

తర్వాత ఒకరి డాన్స్‌ని ఒకరు పొగుడుకుంటారు. ‘ఏసీపీ సార్.. నేను అన్నింట్లోనూ ఫస్టే తెలుసా.? స్కూల్లో స్పెషల్ డేస్‌కి నేను డాన్స్ చేసేదాన్ని చాలా.. తెలుసా?’ అంటూ చెప్పుకుంటుంది. ‘నువ్వు చాలా డైనమిక్‌గా ఉంటావ్ కృష్ణా.. ఎందుకంటే నువ్వు ఓ పోలీయాన కూతురివి.. మరో పోలీసు ఆయనకి భార్యవి..’ అనేస్తాడు మురారీ. ఆ మాటలకు కృష్ణ కాస్త ఎమోషనల్‌గా ఫీల్ అవుతుంది. ‘నిజమే కదా కృష్ణా.. నేను కట్టిన తాళి నీ మెడలో ఉంది.. అప్పుడు నువ్వు నా భార్యవే కదా?’ అనేస్తాడు మురారీ. దాంతో కృష్ణ మారు మాట్లాడకుండా అక్కడ నుంచి వెళ్లిపోతుంది.

ఇక మరోవైపు.. ముకుంద మెట్లు దిగి కిందకు వస్తున్న మురారీతో మాట్లాడటానికి ట్రై చేస్తుంది. ‘ఏం బాధపడొద్దు మురారీ.. కృష్ణ వల్లే ఇలా జరిగింది. త్వరలోనే పెద్ద అత్తయ్య నిన్ను క్షమిస్తారు’ అంటూ చెబుతూ ఉంటుంది. అప్పుడే ‘ముకుందా..’ అని పెద్దగా అరుస్తుంది రేవతి. అప్పటికే ఆ అరుసుకుని కృష్ణ బయటికి వస్తుంది. ‘ఈ ఇంట్లో ఆంక్షల గురించి తెలిసే మాట్లాడుతున్నావా? అంటుంది దగ్గరకు వెళ్లి. ‘అంటే అత్తయ్యా.. అది మురారీ చాలా బాధపడుతున్నాడు కదా అని.. ఓదారుస్తున్నా’ అంటుంది ముకుంద. ‘ఓదార్చడానికి ధైర్యం చెప్పడానికి వాడికో పెళ్లాం ఏడ్చింది.. ఏదైనా ఉంటే ఆ ఎడ్డి ముఖంది చూసుకుంటుంది’ అంటుంది రేవతి కోపంగా. ‘అడవి పిల్ల, తింగరి పిల్ల ఈ సిరీయస్‌లో ఎడ్డి ముఖం అని చేర్చేశారా? అయ్యో’ అని తలగోక్కుంటుంది కృష్ణ.

‘అత్తయ్యా మురారీకి ఈ పరిస్థితి రావడానికి కారణం కృష్ణేనని మీకు తెలిసే మాట్లాడుతున్నారా? అంటుంది ముకుంద రేవతీతో కోపంగా. ‘ఏం చేసింది నా కోడలు.. నందుకి నచ్చినవాడితో పెళ్లి చేసింది. కాపురాలు కూల్చలేదు.. కాపురాల్లోకి తొంగి చూడలేదు. అయినా నా కోడలు చేసి మంచి అక్క ఎప్పటికైనా గుర్తిస్తుంది’ అంటుంది రేవతి కోపంగా. ‘అయితే మీరు కృష్ణతో మాట్లాడొచ్చు.. కానీ నేను మురారీతో మాట్లాడకూడదా?’ అంటుంది ముకుంద కోపంగా. ఇంతలో కృష్ణ వాళ్ల దగ్గరకు వచ్చి..‘అత్తయ్యా దేనికి ఇంత గొడవ..? ముకుంద మాట్లాడితే సంతోషిచాలి కానీ కోప్పడితే ఎలా? కనీసం తనైనా మనకు సపోర్ట్ ఉంటుంది కదా?’ అంటుంది.

ఇదో ఎడ్డి ముఖం దొరికింది నా ప్రాణానికి.. అంటూ చేయి లేపి ఆగుతుంది రేవతి కోపంగా. బిత్తరపోతుంది కృష్ణ. ‘ఎక్కడి వాళ్లు అక్కడే ఉండి.. ఎంతలో ఉండాలో అక్కడే ఉండండి.. వెళ్లండి’ అని తిట్టేస్తుంది రేవతి. దాంతో మురారీ, కృష్ణ వెళ్లిపోతారు. వెంటనే ముకుంద.. మనసులో ‘నా నుంచి మురారీ దూరం కావడానికి ఇదో అవకాశం అని అనుకుంటున్నారేమో.. అలా ఎప్పటికీ కాదు.’ అని రగిలిపోతుంది. ఇకకాసేపటికి భవానీకి జ్వరం వచ్చేస్తుంది. డాక్టర్‌కి కాల్ చేస్తే ఎంత సేపటికి లిఫ్ట్ చేయడు. దాంతో ఈశ్వర్, ప్రసాద్ వాళ్లు టెన్షన్ పడుతూ ఉంటారు. ముకుంద మాత్రం మురారీ, కృష్ణలు ఎక్కడికి వెళ్లారా? అని ఆలోచిస్తూ వెతుకుతూ ఉంటుంది. ఈశ్వర్, ప్రసాద్‌లు మాత్రం మరో డాక్టర్‌కి కాల్ చేసి.. అతడి రాకకోసం వెయిట్ చూస్తూ ఉంటారు. Krishna Mukunda Murari ‘కృష్ణ ముకుంద మురారి’ కొనసాగుతోంది. మరిన్ని వివరాలు తరువాయి భాగంలో చూద్దాం! (photo courtesy by star maa and disney+ hotstar)