Guppedantha Manasu ఆగష్టు 12: వసుని ఇంటికి తీసుకొచ్చేసిన రిషి.. ‘ఎండీగా రాజీనామా చేస్తా’

గత ఎపిసోడ్‌లో ‘ఆఖరిసారి మిమ్మల్ని చూడాలని ఉంది’ అని వసు మెసేజ్ చేస్తే.. రిషి ఏదో ఊహించుకుని వసు ఉండే బస్తీకి పరుగుతీస్తాడు. ఈ క్రమంలోనే నిన్న ఏం జరిగిందో చూశాం.

‘నా బాధని ఆ చందమామకు చెప్పుకుంటున్నాను.. మీ కథే చెబుతున్నాను సార్.. అంటే.. నేను చెబితే మీరు వినరు కదా.. అందుకే విశాలమైన ఆకాశానికి చెబుతున్నాను..’ అంటుంది వసు కూల్‌గా. ‘ఆ మెసేజ్‌లు ఏంటీ? ఆఖరి సారి అంటే ఏంటీ? నేనెంత భయపడ్డానో తెలుసా?’ అంటాడు రిషి ఆవేదనగా. ‘భయమెందుకు సార్? నేను చనిపోతా అనుకున్నారా? నిజానికి నాకు మీతో మాట్లాడాలని అనిపించింది. మీరు ఎటు రారని ఇక్కడికి వచ్చి కూర్చున్నాను..’ అంటుంది వసు. ‘నేను రాను అని నువ్వు ఎలా డిసైడ్ అవుతావ్’ అంటాడు రిషి కోపంగా. ‘మీరు అంతకుముందు రిషి సార్ కాదు సార్.. మీరు మారిపోయారు..’ అంటుంది వసు బుంగమూతి పెట్టి. (ఈ సంభాషణ నిన్నటి చివరి భాగంలో.. నేడు మొదటి భాగంలో కొనసాగింది)
Read alsO: వంటలక్క వచ్చేసింద్రోయ్.. ఓ రేంజ్‌లో రీ ఎంట్రీ ప్రోమో.. కోమాలో నుంచి లేచింది

525 ఎపిసోడ్‌ హైలైట్స్..
‘మారిపోయాను మారిపోయాను అనడం కాదు.. మనిషి అన్నాక మార్పు సహజం. అయినా ఏంటినువ్వు? అని తిట్టేస్తాడు. అప్పుడే వసు.. ‘సార్.. మీకు గుర్తు ఉందా? సాక్షీని నన్ను మీరు మూడు ప్రశ్నలు వేశారు.. మనిషి ఎలా ఉండాలి అని. ఆ రోజు చెప్పిన సమాధానం నా మనసులో లేదు.. నా మనసులో మరో సమాధానం ఉంది. మనిషి ఎలా ఉండాలంటే మీలా ఉండాలి అనుకున్నాను.. అదే నమ్మాను.. అయినా నా మనసులో ఇంకా చాలా ఉన్నాయి.. మీరు తెలుసుకునే ప్రయత్నం చేయట్లేదు’ అంటుంది వసు. అలా వసు మాట్లాడుతూనే ఉంటే.. ‘నిన్ను ఇలా కాదు.. మారు మాట్లాడకుండా నాతో’ అని చేయి పట్టుకుని లాక్కెళ్లి కారులో కూర్చోబెడతాడు.

డైరెక్ట్‌గా ఇంటికి తీసుకొస్తాడు. అప్పటికే రిషి ఎక్కడికి వెళ్లాడని కంగారు పడుతున్న మహేంద్ర, జగతీలు.. వసుని చూసి షాక్ అవుతారు. ‘తను ఇక్కడే ఉంటుంది. ఆ ఏర్పాట్లు చూడండి’ అనేసి వెళ్లిపోతాడు రిషి. మరునాడు నిద్రలోంచి గౌతమ్ రిషిని లేపుతాడు. ‘నైట్ వసుధారనీ..’ అని సాగదీస్తాడు గౌతమ్. నేనే తీసుకొచ్చాను అంటాడు రిషి. ఆ సమాధానం సాక్షీ గుమ్మం దగ్గర నుంచి వింటుంది. ‘మంచిపని చేశావ్ రిషి.. నేనే లగ్నపత్రిక రాసుకునే టైమ్‌కి పిలుద్దాం అనుకుంటున్నా.. నువ్వు బాగానే పిలిచావ్’ అంటూ ఎంట్రీ ఇస్తుంది. చాలా అందంగా రెడీ అయ్యి ఉంటుంది సాక్షీ.

ఇక దేవయాని ఎంట్రీ ఇచ్చి. .‘రిషి నువ్వు ఎక్కడికి బయటికి వెళ్లొద్దు.. చాలాపనులు ఉంటాయి.. ఏదైనా పని ఉంటే గౌతమ్ చేస్తాడు’ అంటుంది. సరేనంటాడు రిషి. ఇక బయట వసు అయితే.. గౌతమ్‌కి పూల దండలు కట్టడంలో హెల్ప్ చేస్తుంది. వసు అంత యాక్టివ్‌గా ఉండటం చూసి జగతి, గౌతమ్ వాళ్లు షాక్ అవుతారు. దేవయాని అయితే.. వసు ఉండటం అవసరమా? పంపించేద్దాం అని సాక్షీతో అంటే.. ‘తను మన కళ్లముందే పడి ఉండాలి ఆంటీ’ అని వసుని పంపడానికి ఇష్టపడదు.

ఇక మహేంద్ర.. ఏవో రెండు ప్యాకింగ్ బాక్స్‌లు తెచ్చి.. ‘రిషీ ఇవి నువ్వే ఆర్డర్ ఇచ్చావా?’ అంటూ రిషి రూమ్‌కి వెళ్తాడు. ‘అవును డాడ్.. ఇప్పుడు ఓపెన్ చేయొద్దు.. తర్వాత చేద్దాం..’ అని లాక్కుని పక్కనపెడతాడు. ‘ఎవరికి రిషి పెళ్లి కూతురుకా’ అంటాడు కోపంగా మహేంద్ర. సమాధానం ఇవ్వకుండా మౌనంగా ఉంటాడు రిషి. దాంతో పెళ్లి నిర్ణయం మార్చుకోమని మరోసారి ఒత్తిడి తెస్తాడు మహేంద్ర.

‘రిషీ ఈ నిర్ణయం వల్ల.. నీ జీవితాన్ని పోగొట్టుకుంటున్నావ్.. తిరిగి దీన్ని మార్చలేవు.. ఆన్‌లైన్‌లో షాపింగ్స్ కూడా చేస్తున్నావా? ఏంటి రిషి ఇది.. ఇప్పుడైనా నీ మనసు మార్చుకో ప్లీజ్’ అంటాడు మహేంద్ర. ‘డాడ్ నేను ఎండీగా రాజీనామా చేస్తా.. మీరు కాలే‌జ్‌కి ఎండీగా ఉంటారా?’ అంటాడు రిషి. ‘దీనికి దానికి సంబంధం ఏంటీ రిషి’ అంటాడు మహేంద్ర. ‘డాడ్ నేను ఎండీగా నిలబడి.. నిర్ణయాలను వెనక్కి తీసుకోకూడదు. ఆదర్శంగా ఉండాల్సిన నేను ఇలా నిర్ణయాలు మార్చుకోకూడదు.. మీరు కాలేజ్‌కి ఎండీగా ఉండండి.. నేను నా నిర్ణయం గురించి ఆలోచిస్తాను’ అంటాడు రిషి. ‘ఆ అర్హతే నాకుంటే నిన్ను ఎందుకు కూర్చోనిస్తాను రిషీ’ అంటాడు మహేంద్ర.

అప్పుడే జగతి వస్తుంది. సేమ్ ప్రశ్న జగతీని కూడా అడుగుతాడు. దానికి జగతి.. ఎమోషనల్‌గా సమాధానం ఇస్తుంది. ‘ఒక బిడ్డని చూసుకుని రావడానికి పనికి రాని నేను.. ఒక బంధం మోయలేని నేను ఆ బాధ్యతలు మోయలేను సార్.. కాలేజ్ అంటే కుర్చీలు, బెంచీలు, బ్లాక్ బోర్డులు మాత్రమే కాదు.. ఎందరో భవిష్యత్.. అది నా వల్ల కాని పని’ అంటుంది జగతి. మరిన్ని వివరాలు తరువాయి భాగంలో చూద్దాం! Guppedantha Manasu కొనసాగుతోంది.
Read alsO: వంటలక్క వచ్చేసింద్రోయ్.. ఓ రేంజ్‌లో రీ ఎంట్రీ ప్రోమో.. కోమాలో నుంచి లేచింది