Guppedantha Manasu నవంబర్ 10 ఎపిసోడ్: ‘నన్ను వదిలి శిరీష్‌ని ఎలా పెళ్లి చేసుకుంటావ్..’ వసు ముందు బయటపడిన రిషి

బుల్లితెర ప్రేక్షకుల్ని ఎంతగానో ఆకట్టుకుంటున్న ‘గుప్పెడంత మనసు’ సీరియల్.. నేడు(2021 నవంబర్ 10)న 288 ఎపిసోడ్‌కి ఎంటర్ అయ్యింది.

288వ ఎపిసోడ్‌ హైలైట్స్..
మొత్తానికీ పుష్ప ‘ఆర్టికల్ నేను రాయలేదు.. వసుధర రాసింది’ అని చెప్పడంతో ఆఫీస్ బాయ్‌ని పిలిచి.. వసుధరని పిలవమంటాడు. వసు వస్తుంది. ‘రండీ యూత్ ఐకాన్ గారు అని మొదలుపెట్టి.. ‘అంతా నీ ఇష్టమేనా.. మరి నాకేం విలువుంది? అసలు నా మాటకేం విలువంది.’ అంటూ కోపంగా రగిలిపోతాడు. అటు జగతి, ఇటు మహేంద్ర రిషిని ఆపే ప్రయత్నం చేస్తారు. తనని రాయమన్నది మీమే అని చెప్పినా వినిపించుకోడు. పాపం వస్తు బిక్క ముఖం వేసి బాధగా నిలబడిపోతుంది. నైట్ ఇద్దరూ ఒక గురించి ఒకరు ఆలోచిస్తూ ఉంటారు. ‘అసలు రిషి సార్‌కి ఏం అయ్యింది’ అని వసు.. ‘తప్పు అంతా నీదే వసుధరా.. పెళ్లి చేసుకుంటున్నావ్ కదా.. కానీ నేను మీ మీద అంతగా కోప్పడాల్సింది కాదేమో’ అని రిషి తెగ మథనపడుతుంటారు.

వసు బాధని చూసిన జగతి.. ఓదార్చి భోజనానికి తీసుకుని వెళ్తే.. మహేంద్ర మాత్రం రిషి పక్కనే కూర్చుని.. సద్దిచెప్పే ప్రయత్నం చేస్తుంది. అయితే రిషి మాత్రం మనసులో ఏం లేనట్లు.. తను చేసింది ఏం తప్పు కాదు అన్నట్లుగా మాట్లాడటంతో మహేంద్ర మనసులో మథనపడతాడు. ‘ఈ రిషి మనసు విప్పి ఎప్పుడు బయటపడతాడో.. అసలు కొరకరాని కొడుకువిరా నువ్వు’ అనుకుంటాడు మనసులో నవ్వుకుంటూ.. మొత్తానికి వసు రిషి కోసం, రిషి వసు కోసం ఆలోచించే సీన్ చాలా ఎమోషనల్‌గా ఉంటుంది.

కమింగ్ అప్‌లో..
‘ఈ మధ్య నువ్వు అన్నీ చెప్పింది వినడం లేదు.. చేసేది చెప్పడం లేదు..’ అంటాడు రిషి కోపంగా.. ‘సార్ నేనేం చెప్పలేదు సార్ మీకు?’ అని వసు అడగడంతో.. ‘ఎప్పటికీ నువ్వు నా పక్కనే ఉండాలని డైరెక్ట్‌గా ఇన్ డైరెక్ట్‌గా చెప్పాను.. అది వినిపించుకోకుండా అన్నీ మరిచిపోయి ఆ శిరీష్‌ని పెళ్లి చేసుకుంటున్నావ్ చూడు..’ అని రిషి అనగానే వసు షాక్ అయిపోతుంది. వెంటనే రిషి వసు చెయ్యి పట్టుకుని.. ‘చెప్పు వసుధరా.. ఆ శిరీష్‌ని పెళ్లి చేసుకుంటున్నాను అని నాకు ఒక్క మాటైనా చెప్పావా? లేదు కదా.. ఎందుకు చెప్పలేదు?’ అని రిషి వసుని చేయ్యి పట్టుకుని కదిలిస్తూ నిలదీస్తుంటే వసు షాక్‌లో ఏం మాట్లాడకుండా అలానే చూస్తూ ఉండిపోతుంది. మరిన్ని వివరాలు తరువాయి భాగంలో చూద్దాం! Guppedantha Manasu కొనసాగుతోంది.