Guppedantha Manasu డిసెంబర్ 10: జగతీ, వసులిద్దరూ శత్రువులైపోయారుగా! దేవయాని గూడుపుఠాణి

‘గుప్పెడంత మనసు’లో వసుని తప్పుడు మాటలతో బాధపెడతారు లెక్చరర్స్. అది విన్న గౌతమ్.. వాళ్లతో వసుకి సారీ చెప్పిస్తాడు కానీ.. వసు బాధ తగ్గదు. ఇంటికి వచ్చి జగతీకి నిజం చెబుతుంది. దాంతో జగతీ.. ‘నిన్ను అన్నవారికి నువ్వు సమాధానం ఇవ్వాలంటే ఇంటికి వెళ్లి మీ పేరెంట్స్‌తో ఈ ప్రేమ, పెళ్లి గురించి చెప్పాలి వసుధార’ అంటూ ఇన్ డైరెక్ట్‌గా అర్థమయ్యేలా చెబుతుంది. సరే అంటుంది వసు.

630వ ఎపిసోడ్‌ హైలైట్స్..
నేటి కథనంలో లక్చరర్స్ వాగిన వాగుడు దగ్గర నుంచి.. తను వసుకి ఇచ్చిన సలహా వరకూ మొత్తం మహేంద్రకు చెబుతుంది జగతీ. ‘మనం కూడా ఈ విషయం గురించి తీవ్రంగా ఆలోచించాలి జగతీ.. వాళ్లని ఒక్కటి చెయ్యాలి’ అంటాడు మహేంద్ర. ఇక సీన్ కట్ చేస్తే.. మెషిన్ ఎడ్యుకేషన్‌కి సంబంధించిన మీటింగ్ జరుగుతుంది. ఇక ఆ ఇద్దరు లెక్చరర్స్.. కలిసి వెళ్తూ వెళ్తూ.. ‘జగతీ మేడమ్ రావట్లేదేంటీ మేడమ్?’ అంటుంది ఒకామె. ‘ఆవిడకి ఏం పోయింది మేడమ్.. ఆవిడ రిషి సార్‌కి తల్లి.. మహేంద్ర సార్ భార్య.. ఫణేంద్ర సార్‌కి మరదలు.. చక్కగా వస్తుంది. పని చేసినా చేకపోయినా ఏవో రెండు ఐడియాలు ఇస్తుంది. నాలుగు మెయిల్స్ పెడుతుంది. మీరు చూశారా.. ఎలా రెడీ అయ్యి వస్తుందో. ఏదో ఫ్యాషన్ షోకి వచ్చినట్లు వస్తుంది కాలేజ్‌కి..’ అంటూ ఆడిపోసుకుంటూ ఉంటారు.

ఆ మాటలకు.. పక్క మేడమ్.. ‘నిజమే మేడమ్.. ఆ జగతీ మేడమ్ ఏంటి గొప్పా? ఆ మాత్రం ఐడియాలు మనకు రావా? మనం ఇవ్వలేమా?’ అంటూ ఉంటుంది. అది కాస్త వసు చెవిన పడి.. ‘అలా ఒక మనిషి లేనప్పుడు చాటుగా మాట్లాడుకోవడం తప్పు.. పైగా జగతీ మేడమ్ గొప్పతనం మీకేం తెలుసు? తను ఓ జీనియస్.. ఆమె హెల్త్ బాలేదు’ అంటూ గొప్పగా చెబుతుంది. దాంతో వాళ్లు రివర్స్ అయిపోతారు. నువ్వు ఎంత టాప్ స్టూడెంట్‌వి అయినా సరే.. మేము నీకు లెక్చరర్స్ అన్న విషయం మరిచిపోకు.. అయినా మాకే నీతులు చెప్పేంత దానివి అయిపోయావా?’ అంటూ గట్టిగానే మాట్లాడి వెళ్తారు. దాంతో వసు ఫీల్ అవుతుంది.

తన గత క్లాస్ రూమ్‌లో బెంచ్ మీద కూర్చుని బాధపడుతుంది. అప్పడు రిషి తనని వెతుక్కుంటూ వచ్చి.. ఏం అయ్యింది అని అడిగితే.. నిజం చెప్పదు. ‘సార్ నేను ఈ మధ్య కాస్త ఎక్కువగా ప్రవర్తిస్తున్నానని మీకు అనిపించిందా?’ అంటూ అడుగుతుంది. ఇక రిషి.. ‘నువ్వుఏదో విషయం గురించి బాధపడుతున్నావ్ అని అర్థమవుతుంది. కానీ అదేంటో నాకు చెప్పడంలేదు.. వసుధార అందరికీ నచ్చినట్లుగా మనం ఉండలేం’ అంటూ మంచిగా నచ్చజెబుతాడు. సరే పదా.. మినిస్టర్‌గా పిలిచారు..మనం వెళ్లాలి.. ఎందుకో నాకు తెలియదు.. వెళ్తే తెలుస్తుంది అంటూ వసుని తీసుకుని రిషి మినిస్టర్ దగ్గరకు వెళ్తాడు.

సీన్ కట్ చేస్తే.. ఇద్దరూ కొత్త లెక్చరర్స్.. దేవయాని ఇంటికి వెళ్తారు. వాళ్లని చాలా అతిథి మర్యాదలు చేస్తుంది దేవయాని. మచ్చిక చేసుకునే క్రమంలోనే మీ ఫోన్ నంబర్ నాకు ఇచ్చి వెళ్లండి’ అంటుంది. ‘మేము జగతీ మేడమ్‌ని చూడగానికి వచ్చాం. ఆవిడకు బాలేదన్న విషయం మాకు ఆలస్యంగా తెలిసింది మేడమ్.. పలకరించి వెళ్తాం’ అంటే.. ‘సరే ధరణీ వీళ్లకు జగతీ గది చూపించు.. మీరు వెళ్లేప్పుడు నాకు కనిపించే వెళ్లండి.. మా ఇంటికి మొదటిసారి వచ్చారు కాబట్టి.. మా సంప్రదాయం ప్రకారం ఏదైనా ఇచ్చి పంపించడం మా ఆనవాయితీ’ అంటూ వాళ్లని ఐస్ చేసేస్తుంది. ‘అయినా జగతీకి బాలేదని ముందే వసుధార చెప్పాలా?’ అని దేవయాని వాళ్లని అడిగితే.. ‘ఆవిడ గారి గురించి ఏం అడుగుతారులే మేడమ్.. ఇప్పుడు ఆవిడ రేంజ్ మారిపోయింది. లెక్చరర్స్ అని కూడా చూడకుండా ఈ మధ్య వార్నింగ్స్ పాస్ చేస్తోందట’ అంటూ వెటకారం పోతారు.

దాంతో దేవయాని మనసులో.. ‘వీళ్లు నాకు కలిసి వచ్చేలానే ఉన్నారు’ అనుకుంటుంది. అది గమనిస్తున్న ధరణీ.. ‘అమ్మ అత్తయ్యా.. ఎంత తెలివి..’ అనుకుంటుంది మనసులో. మినిస్టర్ ఎందుకు పిలిచాడో? ఏం మాట్లాడతాడో..? దేవయాని వీళ్లతో చేతులు కలిపి ఎన్ని కుట్రలకు తెగబడుతుందో చూడాలి. మరిన్ని వివరాలు తరువాయి భాగంలో చూద్దాం! Guppedantha Manasu కొనసాగుతోంది. (photo courtesy by star మా and disney+ hotstar)