Guppedantha Manasu జనవరి 05: జైల్లో వసు! చావుబతుకుల మధ్య సుమిత్ర.. రిషికి శాశ్వత దూరం!

సుమిత్రని రాజీవ్ పొడిచేసి.. కేసు వసు మీదకు వచ్చేలా చేసేశాడు. జైల్లో వసుని చూసిన రిషి, జగతీ, మహేంద్రలు.. మెడలో తాళి ఎవరు కట్టారు అంటే.. వసు చెప్పలేని స్థితిలో ఇరుక్కుంది. ఇప్పుడు ఆ హైలైట్స్ చూద్దాం.

వసు తోయడంతో.. చక్రపాణికి తల పగిలింది. పైగా దీపారాధన కుందిని అడ్డం పెట్టుకుని రావద్దు బావా అంటూ అడ్డుకునే ప్రయత్నం చేస్తూ ఉంటుంది వసు. అప్పుడే రాజీవ్‌ని ఆపేందుకు సుమిత్ర కూడా అడ్డపడుతుంది. అయితే.. గత ప్రోమోలో.. వసుకే ఆ కుంది గుచ్చుకుందనిపించింది కానీ.. అది గుచ్చుకున్నది వసుకి కాదు సుమిత్రకి. పెనుగులాటలో సాధారణంగా గుచ్చుకోలేదు. రాజీవ్ కావాలనే.. సుమిత్రను పెడిచేస్తాడు. పొడిచిన మరుక్షణమే.. వసు షాక్‌లో ఉండగానే.. వసు చేతిని ఆ కుందిపై వేలు ముద్రలు పడేలా రాజీవ్ చేస్తాడు. అప్పటికే లేవని స్థితిలో ఉన్న చక్రపాణి అది చూస్తాడు కానీ.. చెప్పే స్థితిలో ఉండడు. అప్పటికే సుమిత్ర కింద పడి విలవిలాడుతుంటే.. అమ్మా అమ్మా అంటూ వసు ఏడుస్తుంది. ఇంతలో రాజీవ్.. ‘అయ్యో చూడండి.. ఎవరూ లేరా.. మా అత్తగారిని వసుధార పొడిచేసింది. మావగారి, అత్తగారిని చంపడానికి ట్రై చేసింది’ అంటూ అరుస్తాడు. పాపం వసు ఏడుస్తూనే ఉంటుంది.

సీన్ కట్ చేస్తే.. వసు జైల్లో ఉంటుంది. ఎస్‌ఐ ముందున్న రాజీవ్.. ‘నా భార్య మొండిది సార్.. మా జీవితాల్లో ఓ విలన్ ఉన్నాడు సార్.. రిషి అని.. వాడి కారణంగానే అమాయకురాలైన వసుధార ఇలా చేసింది సార్..’ అంటూ బాగా ఎక్కిస్తూ ఉంటాడు. ఇంతలో లాడ్జ్‌లో ఉన్న జగతీ, మహేంద్రల ముందు నిలబడిన రిషి.. ఆవేశంగా.. ‘వసుధార అలా చేయడం ఏంటి మేడమ్. తను అలా నన్ను బాధపెట్టే మనిషి కాదు.. ఏదో జరిగింది. ఒక సారి ఫోన్ చేస్తాను’ అంటూ కాల్ చేస్తాడు. ఎస్‌ఐ ముందు వసు ఫోన్ మోగుతుంటే.. ‘వీడే సార్ నేను ఇప్పటి దాకా చెప్పింది’ అంటాడు రాజీవ్. వెంటనే ఆ ఎస్‌ఐ ఫోన్ లిఫ్ట్ చేసి.. మాట్లాడుతూ.. ‘వసుధార కావాలా? తను జైల్లో ఉంది. వాళ్ల అమ్మా నాన్నలన్ని చంపాలని ట్రై చేసింది. వాళ్లు ఆసుపత్రిలో ఉన్నారు.. తను మా కస్టడీలో ఉంది’ అంటూ చెబుతాడు. వెంటనే రిషీ షాక్ అయిపోతాడు. క్షణాల్లో స్టేషన్‌కి చేరుకుంటాడు. ‘రిషి ఎక్కడికీ?’ అంటూ జగతీ వాళ్లు కూడా వాళ్ల కారులో రిషిని ఫాలో అవుతారు.

అప్పటికే రాజీవ్.. తన తల్లిని పొడిన సీన్ గుర్తు చేసుకుంటూ అల్లాడిపోతూ ఉంటుంది వసు. రిషి కారు ఆగగానే... రాజీవ్.. ‘వసుధారా నీ అభిమాని వస్తున్నాడు.. తనని పంపించడం నాకు కష్టం కాదు కానీ.. మర్యాదగా నువ్వే పంపించెయ్’ అంటాడు. వసు మౌనంగా వెనక్కి తిరిగి ఉంటుంది. ఎస్‌ఐని రిక్వస్ట్ చేసి.. రిషి వసు ఉన్న సెల్ దగ్గరకు వెళ్లి... ‘వసుధారా ఇటు తిరుగు మాట్లాడు ఏం అయ్యింది?’ అంటూనే ఉంటాడు కానీ.. వసు తిరుగదు. మహేంద్ర, జగతీలు కూడా వస్తారు. వాళ్లు కూడా అడుగుతారు వసు సమాధానం ఇవ్వదు. ‘దయచేసి వెళ్లిపోండి. ప్రస్తుతానికి ఏ బంధం లేదు అనుకుని వెళ్లండి.. నేను తర్వాత మాట్లాడతాను’ అంటూ నచ్చజెప్పే ప్రయత్నం చేస్తుంది.

ఆ క్రమంలోనే రాజీవ్ కాలర్ పట్టుకుంటాడు రిషి. ‘చెబితే అర్థం కాదా వెళ్లమంటే మిమ్మల్ని కాదా’ అంటూ వసు ఇటు తిరుగుతుంది. ఆ తిరిగే క్రమంలో వసు మెడలోంచి మంగళసూత్రం బయటికి వస్తుంది. షాక్ అయిపోతాడు రిషి. ఆ సమయంలో రిషి ఎక్స్‌ప్రెషన్స్ మనసుల్ని పిండేలా ఉంటాయి. ఇక రిషి ఆవేశంగా దగ్గరకు వెళ్లి ఏంటిది? అనేలోపే.. ఆ మంగళ సూత్రాన్ని గుర్తు పట్టిన జగతీ.. ‘రిషీ.. ఈ మంగళ సూత్రం నువ్వు?’ అంటూ మాట పూర్తి కాకుండానే.. ‘నేను కట్టలేదు’ అని అరుస్తాడు రిషి. ‘నాకు ఆ మంగళ సూత్రానికి ఏ సంబంధం లేదు’ అనేసరికి వసు జాలిగా వెనక్కి తిరిగి చూస్తుంది రిషి వైపు. రాజీవ్‌ అది విని షాక్ అవుతాడు. ‘మరి ఎవరు కట్టారు? తెలుసుకోవాలి’ అని మనసులో ఫిక్స్ అవుతాడు.