Guppedantha Manasu జనవరి 25 ఎపిసోడ్: విజిల్స్ పడే సీన్.. తల్లిని ఇంటికి పిలిచిన రిషి

గత ఎపిసోడ్‌లో మహేంద్ర కోసం జగతి, వసులకి వీడియో కాల్ చేస్తాడు రిషి. కొద్ది సేపు మాట్లాడనిచ్చి పెట్టేస్తాడు. అయితే రిషి స్విచ్ ఆఫ్ చేస్తాడు మహేంద్ర ఫోన్. పడుకోండి డాడ్ అని తను కూడా అక్కడే కూర్చీలో కూర్చుని నిద్రపోతాడు. అయితే మహేంద్రకు నిద్రపట్టదు. జగతి గురించే ఆలోచిస్తూ ఉంటాడు. అవతల జగతి కూడా నిద్రపోకుండా ఆలోచిస్తూ ఉంటుంది.

356వ ఎపిసోడ్‌ హైలైట్స్..
ఇక రిషి పడుకోవడంతో మహేంద్ర దొంగలా తన ఫోన్ తీసుకుని జగతితో చాటింగ్ మొదలుపెడతాడు. అయితే మధ్యలో మహేంద్రకు దగ్గు రావడంతో రిషికి మెలుకువ వస్తుంది. వాటర్ తాగించి మహేంద్ర ఫోన్ ఆన్‌లో ఉండటం చూసి.. ‘నిద్రపోవచ్చుగా డాడ్.. ఫోన్ ఎందుకు తీశారు’ అంటాడు. ‘నిద్ర రావట్లేదు రిషి’ అనడంతో ‘డాడ్ ఏం అయ్యింది డాడ్.. సంతోషంగా ఉండొచ్చుగా.. ప్రశాంతంగా ఉండొచ్చుగా’ అని మాట కలుపుతాడు పక్కనే కూర్చుని.

దాంతో మహేంద్ర ఓ వెర్రి నవ్వు నవ్వి.. ‘సంతోషం అంటే ఏంటి రిషి? అంటూనే.. తన మససులో బాధనంతా వ్యక్తపరుస్తాడు. ‘సంతోషం అంటే ఇంటి నిండా మనుషులు ఉండాలి. ఇల్లు ఇరుగ్గా ఉన్నా సరే మనసు విశాలంగా ఉండాలి. ఇంట్లో పరిమళం లేని ప్లాస్టిక్ పూలలా మనుషులు ఉండకూడదు రిషి.. ఇళ్లంతా సందడిగా ఉండాలి. చాలా మంది ఇల్లులు లైబ్రెరీగా ఉంటాయి. మనిషైనా మనసైనా ఎక్కువ సేపు సైలెంట్‌గా ఉంటే.. సంతోషం కూడా రెక్కలు వచ్చి ఎగిరిపోతుంది రిషి’ అంటాడు మహేంద్ర నవ్వుతూ.. ‘డాడ్ మీ మనసు ఏదో సంతోషాన్ని కోరుకుంటున్నట్లు నాకు అనిపిస్తోంది డాడ్’ అంటాడు రిషి. ‘హూ ఇదంతా 20 ఏళ్లుగా నాకు అలవాటైందిలే రిషి.. నా మనసుకి నా బాధలు అర్థమయ్యాయి.. వాటిని మోస్తోంది. కానీ నా గుండె మాత్రం ఇప్పుడు తట్టుకోకపోయింది’ అంటాడు మహేంద్ర.

‘డాడ్ ఎందుకు ఇలా మాట్లాడతారు? మీకు ఏం కావాలి?’ అంటాడు రిషి. ‘సంతోషం..’ అంటాడు మహేంద్ర. ‘అదే డాడ్ నేను అప్పటి నుంచి అడుగుతున్నాను.. సంతోషంగా మీరు ఉండాలంటే నేనేం చెయ్యాలో చెప్పండి’ అంటాడు రిషి. ‘జగతి.. జగతి.. నా భార్య.. నా జీవితం.. నా అర్ధాంగి.. మాట్లాడవేంటి రిషి? సంతోషం అంటే ఉదయాన్నే లేవగానే కోటి రూపాయల కారుని చూసుకోవడం కాదు రిషి.. నవ్వుతూ కాఫీ అందించే తన భార్య ముఖం చూడటం.. మీరిద్దరూ అల్లరి చెయ్యాలి.. ఎవరిది తప్పు అంటూ నా దగ్గరకు తగువుకి నా దగ్గరకు రావాలి.. ఆలోచించి ఎంత బాగుంటుందో కదా.. నేను పెసరట్టు చెయ్యమంటాను.. లేదు లేదు నాకు ఇడ్లీ ఇష్టం అంటావ్ నువ్వు.. నా కొడుకు చెప్పిందే చేస్తాను అంటుంది తను.. నేను సరదాగా టిఫిన్ తినను అని అగుతాను.. మీరు ఇద్దరూ నా దగ్గరకు వచ్చి నన్ను బుజ్జగిస్తారు.. ఎంత బాగుంటుందో కదా రిషీ.. ఇది, ఇది సంతోషమంటే.. ఇలాంటిది ఈ ఇంట్లో జరిగిందా? లేదు కదా..?’ అంటాడు మహేంద్ర. రిషి ఆవేశంగా పైకి లేస్తాడు. అదే ఆవేశంతో అక్కడ నుంచి వెళ్లిపోతాడు. ‘సంతోషం అంటే ఇంతకన్నా ఏముంటుంది రిషి.. ఇదే ఇదే నేను కోరుకునే సంతోషం’ అనుకుంటాడు మహేంద్ర బాధగా..

మరునాడు ఉదయాన్నే సంక్రాంతి పండుగ కావడంతో హరిదాసుకు బియ్యం పోస్తుంది జగతి. ఇంటి ముందు ముగ్గులు చూసి వసు చాలా సంతోషిస్తుంది. అప్పుడు కూడా జగతి ఎమోషనల్ అవుతుంది. నాకు జీవితంలో రెండే పండుగలు.. ఒకదాని పేరు మహేంద్ర.. రెండో దాని పేరు రిషి..అంతే.. అంటూనే.. ‘మహేంద్ర ఎలా ఉన్నాడో.. కనీసం ఫోన్ కూడా చెయ్యలేను’ అని బాధపడుతుంది. ఇక రిషి ఓ చోట కూర్చుని రాత్రి మహేంద్ర అన్న మాటలన్నీ గుర్తు చేసుకుంటూ.. బాధపడతాడు. ‘నేను డాడ్‌ని గెలిపిస్తాను.. నాకు డాడ్ సంతోషం ముందు ఏదైనా ఎంత విలువైనదైనా గడ్డిపరకతో సమానం..’ అని తనలో తనే అనుకుంటాడు రిషి. అనుకున్నట్లే వసుకి కాల్ చేసి.. రెస్టారెంట్‌ ముందు ఇద్దరూ కలుస్తారు. ‘నా పర్సనల్ విషయం నీతో మాట్లాడాలి కారు ఎక్కు’ అంటాడు. వసు కారు ఎక్కుతుంది.

కమింగ్ అప్‌లో..
వసు, జగతి ఇంట్లో ఉండగా రిషి వచ్చి.. ‘మేడమ్ నాకో హెల్ప్ చెయ్యాలి.. మీరు మా డాడ్ సంతోషం కోసం మా ఇంటికి రావాలి’ అంటూ రిక్వస్ట్ చేస్తాడు. దాంతో జగతి చాలా సంబరడిపోతూ.. ‘సార్ మీరు నన్ను పిలుస్తున్నారా’ అంటూ కళ్లనిండా నీళ్లతో పొంగిపోతుంది. వసు వాళ్ల మాటలు వింటూనే ఉంటుంది. సంతోషంగా చూస్తూ ఉండగా.. ‘నువ్వు కూడా మేడమ్‌తో పాటు రావాలి’ అంటాడు రిషి వసుని. వసు సరేనంటుంది. మరి ఆ ఆహ్వానం శాశ్వతంగా ఉండేందుగా? చూసి వచ్చేసేందుకా? అనేది తెలియాల్సి ఉంది. అయితే దేవయాని ఏం చేస్తుంది? అడ్డుకుంటుందా? అనేది చూడాలి. మరిన్ని వివరాలు తరువాయి భాగంలో చూద్దాం! Guppedantha Manasu కొనసాగుతోంది.