Guppedantha Manasu డిసెంబర్ 23 ఎపిసోడ్: కుట్ర మొత్తం రిషిదే.. వినేసిన వసు, మహేంద్రలు

గత ఎపిసోడ్‌లో రిషి.. కాలేజ్ టైమ్ కంటే ముందే వచ్చి వసుని కారు ఎక్కమన్న సంగతి తెలిసిందే. ‘ఎక్కడికి సార్’ అని వసు అడిగినా చెప్పడు. ఈ క్రమంలోనే నేటి కథనం ఉత్కంఠగా మారింది.

325వ ఎపిసోడ్‌ హైలైట్స్..
కారు ఓ చోట ఆపుతాడు రిషి. దిగు అంటాడు. వసు దిగుతుంది. ‘నువ్వు చాలా పెద్ద తప్పు చేశావ్ వసుధరా.. మా పెద్దమ్మే నా జీవితం. అలాంటి పెద్దమ్మని అంతగా అవమానించావ్. పైగా సారీ చెప్పను అన్నావ్.. ఇది కరెక్ట్ కాదు వసుధర’ అంటాడు రిషి. ‘సార్ నేను ఆమెని కిందపడెయ్యలేదు.. ఆవిడే పడిపోయారు. పెద్దవాళ్లంటే గౌరవం నాకు ఉంది సార్.. నేను కానీ జగతి మేడమ్ కానీ ఆవిడని ఏం అనలేదు’ అంటుంది వసు. ‘పడిపోవడం సంగతి పక్కన పెట్టు.. నువ్వు మా పెద్దమ్మకి వేలు చూపిస్తూ మాట్లాడింది మాత్రం నేను కళ్లారా చూశాను’ అంటాడు రిషి.

‘సార్ మీ పెద్దమ్మగారు ఆ రోజు ఏవో ఫొటోస్ చూపించి నోటికి వచ్చినట్లు మాట్లాడారు సార్’ అంటుంది వసు. ‘వసుధరా ఆపెయ్.. నేనంటే మా పెద్దమ్మకి ప్రాణం.. అందుకే ఏదో అని ఉంటారు. అందుకని పెద్దరికానికి గౌరవం ఇవ్వకుండా నువ్వు అలా మాట్లాడేస్తావా?’ అంటూ ఫైర్ అవుతూనే ఉంటాడు. వసు మాట్లాడి చెప్పే ప్రయత్నం చేస్తున్నా వినిపించుకోడు. ‘వసుధరా ఇక దీని గురించి చర్చ అనవసరం. నువ్వు సారీ చెప్పను అన్నావ్ సరే.. వదిలేద్దాం.. ఈ విషయాన్ని ఇక్కడితో వదిలేద్దాం. కానీ ఒకటి గుర్తుపెట్టుకో..పెద్దమ్మని గౌరవించకపోతే నేను చాలా ఫీల్ అవుతాను.. కారు ఎక్కు వెళ్దాం’ అంటాడు. వసు మనసులో ‘చెప్పేది ఎప్పుడూ వినరు’ అని తిట్టుకుంటుంది.

ఇక సీన్ కట్ చేస్తూ జగతి, మహేంద్రలు రిషి గురించే బాధపడతారు. మరోవైపు రిషి ఇంటికి వెళ్లి దేవయానికి జ్యూస్ పట్టుకుని వెళ్తాడు. ‘పెద్దమ్మా మీరు బాధపడకండి.. మీకు ఈ పరిస్థితి కలిపించినవాళ్లని మాత్రం నేను వదిలపెట్టను..’ అని మాటి ఇచ్చి ధైర్యం చెబుతాడు. ఇక దేవయాని మనసులో హ్యాపీగా ఫీల్ అవుతుంది. ఇక సీన్ కట్ చేస్తే.. రిషి వసు వాళ్ల క్లాస్‌కి వస్తాడు. అప్పుడే వసుని ‘నీ నోట్ బుక్ ఇవ్వు’ అని అడుగుతాడు. వసు బ్యాగ్‌ ఓపెన్ చేసి బుక్ తీస్తుంటే.. బ్యాగ్‌లోంచి గోలీలు కింద పడిపోతాయి. బుక్ ఇచ్చి ముందుకు నడవబోతుంటే.. గోలీ మీద కాలేసి.. వసు కిందపడిపోతుంది. అప్పుడు మిస్టర్ ఇగో వసుకి చేయి అందించి పైకి లేపుతాడు. అప్పుడు కాస్త రొమాంటిక్‌గా ఫీల్ అవుతారు ఇద్దరూ.

ఇక క్లాస్ అయిపోయిన తర్వాత రిషి తన క్యాబిన్‌కి వెళ్తాడు. అప్పటికే జగతి వెయిట్ చేస్తూ ఉంటుంది. ‘సారీ మేడమ్ వెయిట్ చేయించాను’ అంటూ ప్రాజెక్ట్ గురించి చాలా సేపు మాట్లాడుకుంటారు. ఆ సమయంలో జగతి వెళ్లిపోతూ ఉంటే.. ‘మేడమ్ ఒక్క నిమిషం ఆగండి.. నేను మాతో మాట్లాడాలి.. వసుధర గురించి చెప్పాలి’ అంటాడు. దాంతో జగతి సంతోషంగా.. ‘ప్రేమిస్తున్నా అని చెబుతాడు’ అనుకుంటుంది. కానీ అక్కడున్నది మిస్టర్ ఇగో కదా.. అలా చెప్పలేదు సరికదా.. ‘వసుధరని మీరు మీ దగ్గర ఉంచుకోవద్దు మేడమ్.. తనని పంపించెయ్యండి’ అంటాడు. జగతి షాక్ అవుతుంది.

‘ఎందుకు ఏంటీ లాంటి ప్రశ్నలు వద్దు మేడమ్.. నా లెక్కలు నాకుంటాయి కదా.. మీ కారణంగా వసుధర వ్యక్తిత్వం మసకబారుతోందని అనిపిస్తోంది నాకు..’ అంటాడు రిషి. సరిగ్గా అప్పుడే వసు, మహేంద్రలు రిషి క్యాబిన్ వైపు నడిచి వస్తున్నట్లు చూపిస్తారు డైరెక్టర్. ఇక్కడ మాత్రం రిషి.. జగతిని మాట్లాడనివ్వకుండా వసుని పంపించెయ్యండి అంటూ ఏదేదో మాట్లాడుతూనే ఉంటాడు. సరిగ్గా ‘తనని మీరు పంపించెయ్యండి మేడమ్’ అని జగతితో రిషి అంటుండగా వసు విన్నట్లు, మహేంద్ర, వసు ఆ క్యాబిన్ ముందే ఉన్నట్లుగా సీన్‌లో చూపించారు. మరి ఆ మాటలు పూర్తి అయిన తర్వాత వాళ్లు వస్తారా? లేక నిజంగానే వింటారా అనేది తరువాయి భాగంలో చూద్దాం! Guppedantha Manasu కొనసాగుతోంది.