Guppedantha Manasu అప్ డేట్స్: ‘మన ప్రేమకు ఈ మాత్రం చేయలేవా వసుధారా?’ రిషి రిక్వస్ట్

గుప్పెడంత మనసు రోజురోజుకి రసవత్తరంగా మారిపోతుంది. ఓ వైపు రిషికి, వసుకి మధ్య ఊహించని ఎడబాటుని క్రియేట్‌ చేసింది దేవయాని. గురుదక్షిణ కోరాడని మహేంద్రను.. మాటిచ్చిందని వసుని ఇద్దరినీ ఒకేసారి ఇరికించేసింది. ఈ క్రమంలోనే నిన్నటి కథనం కూడా ఆసక్తిగా మారింది. దానికి కారణం రిషి, వసుతో మనసు విప్పి మాట్లాడటమే.

మన ప్రేమ శాశ్వతం.. అన్నంత క్లారిటీ చెప్పాడు. నువ్వు డాడ్‌కి మాటి ఇచ్చావనే బాధ తప్ప నాలే ఏం లేదు.. కాకపోతే ఈ విషయంలో నీ సమాధానం నాకు కావాలి.. జగతీ మేడమ్‌ని అమ్మగా అంగీకరించడం జరగని పని.. డాడ్‌కి ఇచ్చిన మాట వెనక్కి తీసుకుంటే బెటర్‌ అన్నట్లుగా ఇన్‌ డైరెక్ట్‌గా చెప్పాడు. అలాగే ఈ విషయం గురించి ఆలోచించుకుని నాకు చెప్పు అంటూ గట్టిగానే నచ్చజెబుతాడు వసుకి. అయితే వసు మాత్రం ఇంటికి వెళ్లాక కూడా రిషిని ఏది ఏమైనా మారుస్తాను.. జగతీ మేడమ్‌ని అమ్మా అనేలా చేస్తాను అంటూ తనలో తానే నిర్ణయించుకోవడం తెలిసిందే.

అయితే మళ్లీ రిషి, వసులు కలిసే సీన్‌ ఇప్పుడు లేటెస్ట్‌ ప్రోమోలో ఆసక్తిగా మారింది. ఇద్దరూ క్లాస్‌ రూమ్‌లో బెంచ్‌ మీద కూర్చుంటారు. అప్పుడే రిషి వసుతో..‘నా కోపం, నా ప్రేమ ఒక్కసారి వస్తే పోయేవి కాదు.. నీకోసం నా కోపాన్ని పక్కన పెడతాను. దానికోసం నాకు నువ్వు ఓ సాయం చెయ్యాలి..’ అంటూ ఏదో విషయం చెబుతాడు. అంతా విన్న వసు షాక్‌ అవుతుంది.

‘ప్లీజ్‌ సార్‌..’ అంటూ వద్దు అన్నట్లుగా వాదిస్తోంది. ‘వసుధార మన ప్రేమకు ఈ మాత్రం చేయలేవా?’ అంటూ వసు చేతులు పట్టుకుంటాడు రిషి. అప్పుడే వసు కంటి నుంచి రాలే కన్నీళ్లు రిషీ చేతుల మీద పడతాయి. రిషి ఏం అడిగాడో..? వసు ఏం కాదు అందో? ఎందుకు ఏడుస్తుందో అనేది ఇప్పుడు ఉత్కంఠగా మారింది. చూద్దాం ఏం జరగనుందో..