సుడిగాలి సుధీర్, రష్మీ గౌతమ్.. ఈ జంటకు ఎంత క్రేజ్ ఉందో ప్రత్యేకంగా చెప్పనక్కర్లేదు. దాదాపు ఏడేళ్లుగా వీరిద్దరి ఏమీ లేకపోయినా ఏదో ఉన్నట్లు బిల్డప్ ఇస్తూ పాపులారిటీ సంపాదించేసుకున్నారు. ఇప్పుడు జనాలు వీరిద్దరి కాంబినేషన్లో ఏదైనా సినిమా వస్తే బాగుండు అనుకుంటున్నారు.
Samayam Telugu22 Feb 2020, 11:00 am
సుడిగాలి సుధీర్, రష్మీ గౌతమ్.. ఈ జంటకు ఎంత క్రేజ్ ఉందో ప్రత్యేకంగా చెప్పనక్కర్లేదు. దాదాపు ఏడేళ్లుగా వీరిద్దరి ఏమీ లేకపోయినా ఏదో ఉన్నట్లు బిల్డప్ ఇస్తూ పాపులారిటీ సంపాదించేసుకున్నారు. ఇప్పుడు జనాలు వీరిద్దరి కాంబినేషన్లో ఏదైనా సినిమా వస్తే బాగుండు అనుకుంటున్నారు.
జబర్దస్త్లో ప్రదీప్ సందడి (courtesy: mallemala)
వచ్చే శుక్రవారం ప్రసారం కాబోయే జబర్దస్త్ ప్రోమో రిలీజ్ అయింది. ఈ షోకి యూత్ స్టార్ యాంకర్ ప్రదీప్ మాచిరాజు స్పెషల్ గెస్ట్గా వచ్చారు. ఆయన హీరోగా నటించిన ‘30 రోజుల్లో ప్రేమించడం ఎలా’ సినిమాను ప్రమోట్ చేసుకోవడానికి వచ్చారు. ఈ సినిమాలోని ‘నీలి నీలి ఆకాశం ఇద్దామనుకున్నా’ పాట ఎంత పాపులర్ అయిందో తెలిసిందే. ప్రదీప్ స్టేజ్పైకి రాగానే ఈ పాట ప్లే చేసారు. దాంతో రష్మి, ఇతర కంటెస్టెంట్స్తో పాటు రోజా కూడా స్టేజ్పైకి వచ్చి ప్రదీప్తో డ్యాన్స్ ఇరగదీసారు.
రోజాకే పంచ్లు వేసిన దీవెన (courtesy: mallemala)
రాకింగ్ రాకేష్ స్కిట్లో ముద్దుముద్దుగా మాట్లాడే దీవెన ఈసారి రోజాకే పంచ్ వేసింది. స్కిట్లో సగం పంచ్లు రోజా కూడా వేసేస్తున్నారు. దాంతో దీవెన తన పంచ్లు కూడా రోజానే వేసేస్తారేమోనని ముందుగానే వార్నింగ్ ఇచ్చింది. ‘రోజా గారు నాకు ఈ స్కిట్లో ఇచ్చిందే మూడు పంచ్లు. మీరు నాకంటే ముందే ఆ పంచ్లు వేసేసి నా ప్రోమోలపై కొట్టకండి’ అంటూ క్యూట్గా వార్నింగ్ ఇచ్చింది. దాంతో రోజా అవాక్కయ్యారు.
సుధీర్ పేరు చెప్తూ సిగ్గులొలికిన రష్మి (courtesy: mallemala)
అయితే ప్రదీప్ను చూడగానే రష్మి అతని వద్దకు వెళ్లి సిగ్గుపడుతూ నిలుచుంది. ఆమెను చూసిన ప్రదీప్ ‘నేను నీకు ఎలా సాయపడగలను’ అని అడుగుతాడు. ఇందుకు రష్మి.. ‘అదీ అదీ.. ఒకడు ఏడు సంవత్సరాలుగా నా వెంట పడుతున్నాడు’ అని చెప్పి తెగ సిగ్గుపడిపోతుంటుంది. అప్పుడు సుధీర్, రష్మిల ప్రోమోలు అలా వచ్చి వెళ్తాయి. రష్మి విషయం ఏంటో చెప్పకుండా సిగ్గుపడుతుంటే.. ‘నేనేం చేయాలో చెప్పు’ అని ప్రదీప్ అడుగుతాడు. అప్పుడు రష్మి.. ‘అదే వాడిని ఎలా వదిలించుకోవాలో చెప్పు’ అంటుంది. దాంతో రోజా పడి పడి నవ్వుకున్నారు. ఇంతలో సుధీర్.. ‘నీ కాళ్లను పట్టుకు వదలనన్నవి’ పాటతో ఫ్లోర్ స్టెప్ వేసుకుంటూ వస్తాడు. ప్రదీప్ సుధీర్ చెయ్యి పట్టుకుని ఈడ్చుకెళతాడు. ‘ఏరా స్టెప్ అంత నచ్చిందా’ అని సుధీర్ అడిగిన ప్రశ్నకు.. ‘కాదు. నీ చేత స్టేజ్ క్లీన్ చేయిస్తున్నాడని’ రోజా పంచ్ వేసారు.
రష్మిని బెదిరించిన సుధీర్ (courtesy: mallemala)
అయితే సుధీర్ ‘30 రోజుల్లో ప్రేమించడం ఎలా’ అని చదవాల్సిందిపోయి ‘30 ఏళ్ల వయసులో ప్రేమించడం ఎలా’ అని చదువుతాడు. దాంతో రోజా, ప్రదీప్ పొట్టచెక్కలయ్యేలా నవ్వుకుంటారు. ఆ తర్వాత రష్మిని ఎలా పడేయాలో ప్రదీప్ సుధీర్కి సలహాలు ఇస్తాడు. సుధీర్ రష్మి వద్దకు వెళ్లి ‘రష్మి ఏడేళ్లు అయిపోయింది. నేను మూడు లెక్క పెట్టేలోపు నన్ను ప్రేమిస్తున్నానని చెప్పకపోతే చెయ్యి కోసుకుంటా’ అని బెదిరిస్తాడు. అప్పుడు రోజా ‘1’ అంటూ లెక్క పెట్టడం స్టార్ట్ చేస్తారు. ఆమె తొందర చూసిన సుధీర్ ‘ఏడేళ్లు ఆగరు కదా.. మరో రెండు నిమిషాలు ఆగండి’ అంటాడు. ఇందుకు రోజా ‘ఇంకేం ఆగుతాంలే బోర్ కొట్టేసింది’ అని వేసిన పంచ్ హైలైట్.
మరో అమ్మాయితో సుధీర్ పులిహార (courtesy: mallemala)
సుడిగాలి సుధీర్ స్కిట్లో ప్రదీప్ నటించిన సినిమా చూడటానికి వెళ్తారు. అందరూ కుర్చీల్లో కూర్చుని ఉండగా.. గెటప్ సీను తాగి వచ్చి ‘ఆడే సూపర్ హీరో. ఆడే నెంబర్ వన్’ అంటూ రచ్చ చేస్తాడు. ‘ఎవడి గురించి మాట్లాడుతున్నాడు రా’ అని సుధీర్ అడిగితే.. ప్రదీప్ పడి పడి నవ్వుకుంటాడు. ఆ తర్వాత సుధీర్.. పక్కనే ఉన్న అమ్మాయితో పులిహార కలుపుతూ ఉంటాడు. అది చూసిన సీను ‘కాసేపు సినిమా ఆపండి. ఇక్కడ ఇంకో సినిమా చూపిస్తున్నారు’ అని రచ్చ చేస్తూ నవ్వులు పండించాడు.
శోభనం మంచంపై శవం (courtesy: mallemala)
ఇకపోతే కెవ్వు కార్తిక్, అవినాష్ స్కిట్ను శోభనం, శవం అనే కాన్సెప్ట్ తీసుకుని చేసారు. ఓ పక్క కార్తిక్, అవినాష్ పెళ్లిళ్లు చేసుకుని శోభనానికి రెడీ అవుతారు. కానీ ఒక్కటే మంచం ఉంటుంది. సరే అని ఆ మంచాన్ని పూలతో సిద్ధం చేస్తారు. ఇంతలో కార్తిక్, అవినాష్ తాతయ్య చనిపోతాడు. అతన్ని శోభనం కోసం రెడీ చేసిన మంచంపై పడుకోబెట్టమని ఇమ్మాన్యుయెల్ చెప్పడంతో నవ్వులు పండాయి. కార్తిక్, అవినాష్ మాత్రం ఓ పక్క భార్యలతో రొమాన్స్లు చేస్తూనే మరో పక్క తాతయ్య చనిపోయాడని ఏడవడం హైలైట్ అయ్యాయి.
Youtube-Extra Jabardasth | 28th February 2020 | Latest Promo | ETV Telugu
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.