Guppedantha Manasu: రిషి‌కి కొత్త పెద్దమ్మ వచ్చేసింది.. నాటి దమయంతే నేటి దేవయాని

గుప్పెడంత మనసు సీరియల్‌లోకి కొత్త నటి వచ్చేసింది. రుషికి కొత్త పెద్దమ్మ వచ్చింది. ఇన్నాళ్లూ రిషి పెద్దమ్మగా కథని మలుపుతిప్పిన దేవయాని అలియాస్ మిర్చి మాధవి ఈ సీరియల్ నుంచి తప్పుకోవడంతో ఆమె ప్లేస్‌లో కొత్త నటి వచ్చేసింది. ఆమె ఎవరో కాదు.. వదినమ్మ సీరియల్‌లో దమయంతి (vadinamma serial damayanthi) విలనిజం పండించిన సంగీత కొండవీటి (Sangeetha Kondaveti)‌ని దమయంతిగా పరిచయం చేశారు. వదినమ్మ దమయంతి.. గుప్పెడంత మనసులో దేవయాని అయ్యిందన్నమాట.

ఈటీవీలో అనేక సీరియల్స్‌లో నటించిన సంగీత.. వదినమ్మ సీరియల్‌తో పాపులర్ అయ్యింది. ఈ సీరియల్‌లో వదినమ్మ(సీత) మూడో మరిది నాని అత్తే దమయంతి. శిల్ప, కల్పన, కిషోర్‌లకు తల్లి అన్నమాట. నాని గొప్పంటి అమ్మాయి శిల్పని ప్రేమిస్తాడు. వాళ్లిద్దరి పెళ్లి జరగకుండా అడ్డుకోవడానికి ప్రయత్నించి విఫలం అవుతుంది. తీరా వాళ్ల పెళ్లి అయిన తరువాత కూడా ఫస్ట్ కాకుండా ప్లాన్‌లు వేస్తుంది. చివరికి తన కూతురు శిల్ప సాయంతో వదినమ్మ కుటుంబంలో చిచ్చు పెట్టడానికి ప్రయత్నిస్తూ తన విలనిజంతో ఆకట్టుకుంది.

ఇప్పుడు ‘గుప్పెడంత మనసు’లో దేవయానిగా మెప్పించబోతుంది. నిజానికి ఈ పాత్రలో మిర్చి మాధవి అద్భుతంగా నటించింది. ఆమె పర్సనల్ పనుల వల్ల యూకే వెళ్లిపోతుండటంతో.. సీరియల్ నుంచి తప్పుకుంది మాధవి. ఇప్పుడు ఆమె ప్లేస్‌లో ఈ సీనియర్ నటి సంగీత.. రిషికి పెద్దమ్మగా వచ్చింది. జగతి-మహేంద్రలను విడగొట్టే ప్రయత్నం చేసి.. కొడుకు రిషికి కన్నతల్లిపై ద్వేషం కలిగేట్టు చేసిన పాత్రలో విలనిజం అద్భుతంగా పండించింది మిర్చి మాధవి. ఇప్పుడు రిషి-వసుధార ప్రేమకథలో కూడా విలన్ ఈ పెద్దమ్మే. వీళ్లిద్దరూ ఒక్కటి కాకుండా అడ్డుకుని జగతిపై పగసాధిస్తోంది దేవయాని. కథ మంచి రసపట్టులో ఉన్న టైంలో రిషి పెద్దమ్మగా ఎంట్రీ ఇచ్చిన ఈ కొత్త దేవయాని కూడా విలనిజం పండించడంలో మేటి అనేట్టుగానే చేస్తుంది.


అయితే వదినమ్మలో దమయంతికి.. గుప్పెడంత మనసులో దేవయానికి చాలా వేరియేషన్స్ కనిపిస్తున్నాయి. అసలు ఆమె ఈమేనా అనేట్టుగా ఉంది. హెయిర్ స్టైల్, కట్టు బొట్టు మొత్తం మార్చేసింది. వదినమ్మ తరువాత పెద్దగా సీరియల్స్‌లో కనిపించకపోవడంతో.. ఫేస్‌లో మార్పులు కనిపించాయి. దమయంతిగా మెప్పించిన సంగీత కొండవీటి.. దేవయానిగా ఎంత వరకూ ఆకట్టుకుంటుందో చూడాలి మరి. తాజా లుక్‌కి సంబంధించిన ఫొటోలను తన ఇన్‌స్టాగ్రామ్‌లో షేర్ చేయడంతో.. వెల్ కమ్ టు ‘గుప్పెడంత మనసు’ మేడమ్ అంటూ ఆమె ఫ్యాన్స్ కామెంట్లు పెడుతున్నారు. నిజానికి ఆమె వదినమ్మలో చేసినా పెద్దగా గుర్తింపు లభించలేదు. అయితే గుప్పెడంత మనసు సీరియల్‌తో సంగీత పాపులర్ నటి కావడం ఖాయంగానే కనిపిస్తుంది. ఆమె ఇన్‌స్టాగ్రామ్ ఖాతాకి కూడా వేలల్లో ఫాలోవర్స్ పెరిగే అవకాశం ఉంది. ఇక ఈరోజు రాత్రి ప్రసారం కాబోయే ఎపిసోడ్‌లో ఏమైంది? కొత్త పెద్దమ్మ ఎలా చేసిందో ఈ కింది లింక్‌లో చూడొచ్చు.

Read Also: ‘గుప్పెడంత మనసు’ ఫిబ్రవరి 25 ఎపిసోడ్: ‘నా మొగుడే నా తాళి గురించి చెబుతాడు’ దేవయాని నోరు మూయించిన వసు

Read Also: ఖరీదైన కారు కొన్న ఫైమా.. తల్లికి సర్ ప్రైజ్.. కొడుకులు లేరనే బాధ లేకుండా చేశా.. మొన్న ఇల్లు ఇప్పుడు కారు