‘వదినమ్మ’ సెప్టెంబర్ 20 ఎపిసోడ్: దమయంతికి షాకిచ్చిన పార్వతమ్మ.. ‘నిజాలన్నీ రఘురాంకి చెప్పేస్తా’

648 ఎపిసోడ్‌ హైలైట్స్..

సిరి, భరత్‌ ఇంట్లోంచి వెళ్లిపోవడంతో సీత కుటుంబం తీరనిశోకంతో కుమిలిపోతుంది. ఈ సమయంలోనే దుర్గ పార్వతమ్మకు సిరి, భరత్‌ ఇల్లు విడిచి వెళ్లిపోయారట అని చెప్పడంతో పార్వతమ్మ గుండె పగిలినంత పని అవుతుంది. వెంటనే సీత ఇంటి మీద పడి గొడవ పెట్టుకుంటుంది పార్వతమ్మ. సీతని చాలా మాటలు అనేస్తుంది. ఇక సిరి ఇల్లు దాటిందంటే శైలుది కూడా తప్పు ఉండే ఉంటుంది.. అని శైలుని కూడా ‘సిగ్గులేని జన్మ, ఆస్తి మొత్తం పోవడానికి కారణం అయినా ఇప్పటికీ ఈ ఇంట్లోనే వేలాడుతూ ఉంటావా?’ అంటూ తిట్టిపోతుంది. ‘నా బిడ్డకు నా అల్లునికి ఏదైనా అవ్వాలి అప్పుడు చెబుతా’ అంటూ గట్టి వార్నింగ్‌ ఇచ్చి దుర్గని తీసుకుని వెళ్లిపోతుంది.

అయితే దుర్గ, పార్వతమ్మ వెళ్తూ ఉంటే.. ‘నా బిడ్డ పోవుడికి, ఆ దేవయానికి ఏదైనా సంబంధం ఉండి ఉంటుందా’ అనుకుంటూ దేవయానికి కాల్‌ చేస్తుంది. ‘నా బిడ్డ యాడికి పోయిందో నీకే ఎరుక.. చెప్పు ఏం కుట్ర చేసి నా బిడ్డని, నా అల్లుడ్ని ఇల్లు వదిలిపోయేలా చేశావో చెప్పు.. లేదంటే నీ కుట్రలన్నీ రఘురాంకి చెప్పేస్తాను’ అంటుంది. దాంతో దేవయాని.. ‘నువ్వు నమ్మితే నమ్ము లేదంటే లేదు.. నాకూ నీ బిడ్డ వెళ్లిపోవడానికి ఏం సంబంధం లేదు’ అంటూనే.. ఒకసారి దుర్గకు ఫోన్‌ ఇవ్వు పక్కనే ఉందా అంటుంది. దాంతో పార్వతమ్మ దుర్గమ్మకు ఫోన్‌ ఇవ్వడంతో.. ‘దుర్గా నేను చెప్పేది కేవలం విను చాలు.. పార్వతమ్మకు అనుమానం రానివ్వుకు’ అంటూ ఏదో ప్లాన్‌ చెబుతుంది. సరేనండీ అని ఫోన్‌ పెట్టేసిన దుర్గ.. ‘నిజంగానే ఆమెకు ఏం తెలియదట అత్త.. నీకు సద్దిచెప్పమని నాతో చెప్పారు’ అంటూ మాట మారుస్తుంది. దాంతో దుర్గమ్మకు ఏం ప్లాన్‌ చెప్పిందో దాంతో సీత కుటుంబం మేం కోల్పోనుందో అనేది ఆసక్తిగా మారింది.

ఇక పార్వతమ్మ మాటలకు బాగా నొచ్చుకున్న శైలు బ్యాగ్‌ తీసుకుని పుట్టింటికి బయలుదేరింది. సీత ఏడ్చి మొత్తుకున్నా ఆగనంటే ఆగను అంటుంది శైలు. ‘సీతక్కా నీ మీదనాకేం కోపం లేదు.. కానీ ఆ పార్వతమ్మ మళ్లీ ఈ ఇంటికి రాదు అని నన్ను మాటలు అనదు అని గ్యారెంటీ లేదుగా.. నాకు ఒకరితోమాటలు పడాల్సిన కర్మ లేదు’ అంటూ గట్టిగానే సమాధానం ఇస్తుంది. ఈ క్రమంలో జానకి కలగనలేదు రామా ఇంట్లో ఉన్న సిరి, భరత్‌ సీన్‌ కమింగ్‌ అప్‌లో ఆసక్తిగా మారింది. ‘ఉమ్ముడి కుటుంబాన్ని మా వదినమ్మ, అన్నయ్యలు కాబట్టి ఇన్నాళ్లు నyì పించగలిగారు’ అని రామాతో అనడంతో.. రామా భరత్‌ సిరిలతో.. ‘మరి అలాంటి వాళ్లని ఎందుకు వదిలేసి వచ్చారు’ అనడంతో వాళ్లు ఆలోచనలో పడతాడు. మరిన్ని వివరాలు తరువాయి భాగంలో చూద్దాం! ‘వదినమ్మ’ కొనసాగుతోంది.