Karthika Deepam Serial ట్విస్ట్: అటు డాక్టర్ బాబు.. ఇటు వంటలక్క.. ఎవ్వరూ తగ్గట్లేదుగా! బిత్తరపోయిన పిల్లలు

బుల్లితెర ప్రేక్షకుల్ని ఎంతగానో ఆకట్టుకుంటున్న ‘కార్తీకదీపం’ సీరియల్.. నేడు(2021 మే 1)న 1024 ఎపిసోడ్‌కి ఎంటర్ అయ్యింది. అయితే రేపటి ప్రోమోలో అదిరిపోయే ట్విస్ట్ ఉంది.
Karthika Deepam మే 1 ఎపిసోడ్: గుండెల్ని పిండేసే సీన్! ‘పెద్దోడా.. నా కోడల్ని బతికించరా’ కుమిలి కుమిలి ఏడ్చిన సౌందర్య
ప్రోమో హైలైట్స్..
దీప వంట గదిలో కూరగాయలు కట్ చేస్తూ ఉంటుంది. కార్తీక్ అక్కడికి వచ్చి దీప చేస్తున్న పని చూసి కోపంగా.. ‘హిమా.. రౌడీ..’ అని పిలుస్తాడు. దాంతో హిమ, సౌర్యలతో పాటు సౌందర్య కూడా అక్కడికి వస్తుంది. ‘ఏంటి నాన్నా..’ అంటుంది సౌర్య. ‘మీ అమ్మ ఇక్కడుండాలంటే.. వంట చెయ్యకూడదు.. అసలు వంట గదికే రాకూడదు..’ అంటాడు కార్తీక్ కోపంగా. ‘ఒకవేళ వస్తే అమ్మని మళ్లీ విజయనగరం పంపించేస్తావా నాన్నా’ అంటుంది సౌర్య బాధగా జాలిగా చూస్తూ.

‘అమ్మ ఇక్కడుంటడం నీకు ఇష్టం లేదా డాడీ?’ అంటుంది హిమ కార్తీక్‌తో. వెంటనే సౌందర్య వైపు చూస్తూ.. ‘నువ్వేం అడగవేంటి నాన్నమ్మా..?’ అంటుంది హిమ. దాంతో కార్తీక్ కోపంగా.. ‘నాన్నమ్మ కాదు కదా వాళ్ల నాన్నమ్మ దిగి వచ్చి చెప్పినా నేను వినను..’ అంటాడు. వెంటనే దీప కనుబొమ్మలు పైకెత్తి.. కోపంగా చూస్తూ ‘అయితే నేను చెప్పేది కూడా వినండి.. నా చేత వంట చేయిస్తేనే నేను మందులు వేసుకుంటాను..’ అంటుంది. దాంతో కార్తీక్ షాక్ అవుతాడు. పిల్లలతో పాటు సౌందర్య కూడా బిక్కమొహం వేసి.. బిత్తరచూపులు చూస్తూ గొడవ పెద్దది అయిపోతుందేమోని భయపడుతుంటారు. చూడాలి ఏం జరగనుందో.