Karthika Deepam Serial ట్విస్ట్: మోనిత, కార్తీక్‌ల మధ్య నిజంగానే శారీరక సంబంధం.. చావుబతుకుల మధ్య బయటపడిన నిజం

‘కార్తీకదీపం’ సీరియల్.. నేడు(2021అక్టోబర్ 26)న 1180 ఎపిసోడ్‌కి ఎంటర్ అయ్యింది. అయితే నేటి కథనం చాలా ఉత్కంఠగా సాగింది. మోనిత పట్టుదల ఓ వైపు.. హిమ పట్టువిడుపు మరోవైపు.. కథను ఆసక్తిగా మార్చాయి. సౌందర్య, కార్తీక్ దీపని మోసం చేసే సీన్ మాత్రం కాస్త అభిమానులకు కష్టంగా ఉన్నప్పటికీ మరో ట్విస్ట్ కథను షేక్ చేయనుంది. ఈ క్రమంలో నేటి కథనం మిస్ అయ్యి ఉంటే.. ఈ కింద లింక్ క్లిక్ చేయండి.

ప్రోమో హైలైట్స్..
దీప ఆవేశంగా ఓ హాస్పెటల్‌కి వెళ్లి గొడవకు దిగుతుంది. ఆ హాస్పెటల్ కార్తీక్ శాంపిల్స్ ఇచ్చిన హాస్పెటల్ అది. ‘అసలు నువ్వు మనిషివేనా?’ అంటూ గట్టిగానే నిలదీస్తుంది దీప ఓ డాక్టర్‌ని. ‘ఏంటి మేడమ్ ఏం మాట్లాడుతున్నారు?’ అంటుంది ఆమె. ‘నా భర్త కార్తీక్.. టెస్ట్ కోసం తన శాంపిల్ నీకు ఇస్తే.. దాన్ని నువ్వు డాక్టర్ మోనితకి దొంగచాటుగా ఇవ్వలేదా?’ అంటుంది దీప కోపంగా.. ‘ఆ శాంపిల్స్‌ని మేము ఎవరికీ ఇవ్వలేదు.. అలాంటి శాంపిల్స్ కోటి రూపాయలు ఇచ్చినా ఎవరికీ ఇవ్వం మేడమ్..’ అంటుంది ఆమె. దాంతో దీప షాక్ అయిపోతుంది. మొత్తానికీ శాంపిల్స్ కారణంగా మోనితకి గర్భవతి కాలేదని దీపకు అర్థమైపోయింది. మరి ఎలా వచ్చింది? అనేది ప్రశ్నర్థకంగా ఉన్న సమయంలో రేపటి ప్రోమోలోనే మరో నిజం ప్రేక్షకులకు ట్విస్ట్‌ ఇచ్చింది.

మోనిత హాస్పెటల్ బెడ్ మీద నొప్పులు పడుతూ చావుబతుకుల మధ్య కొట్టు మిట్టాడుతూ ఉండగా.. కార్తీక్, సౌందర్యలు అక్కడికి వెళ్తారు. అక్కడే మోనిత నొప్పులు పడుతూనే మరో నిజాన్ని రివీల్ చేస్తుంది. భారతి, కార్తీక్, సౌందర్య ముగ్గురు వింటూ ఉండగా.. ‘కార్తీక్ నేను చచ్చిపోయేలోగా ఒక నిజం చెప్పి చావాలి.. ఇది ఆర్టిఫిషియల్ ఇన్స్‌మినేషన్ గర్భం కాదు.. ఈ బిడ్డ మన బిడ్డ..సహజంగా పుట్టబోయే బిడ్డ..’ అంటుంది. కార్తీక్, సౌందర్య షాక్ అయిపోతారు. ఇదే విషయం దీపకు తెలిస్తే.. రచ్చ మామూలుగా ఉండదు. పైగా కార్తీక్ మోనితకు భర్తగా సంతకం పెట్టడానికి వెళ్లాడనే విషయం తెలిసినా దీప ఒక్క క్షణం కూడా అత్తింట్లో ఉండదు. చూడాల్సిందే ఏం జరుగుతుందో.