Karthika Deepam Serial ట్విస్ట్ : మోనిత పాచిక పారింది.. రౌడీ కంట ఆధారాలు, పేపర్‌లో కార్తీక్ కథ

‘కార్తీకదీపం’ సీరియల్.. నేడు(2021 సెప్టెంబర్ 27)న 1155 ఎపిసోడ్‌కి ఎంటర్ అయ్యింది. అయితే నేటి కథనంలో పిల్లలు కార్తీక్‌ని దీపని, సౌందర్యని నిలదియ్యడం తెలిసిందే. ఆ క్రమంలోనే మనసుల్ని మెలిపెట్టే ఓ ఎమోషనల్ సీన్ కథను ఆసక్తిగా మార్చేసింది. ఆ హైలైట్స్ మిస్ అయ్యి ఉంటే ఈ కింద లింక్ క్లిక్ చేయండి.
‘కార్తీకదీపం’ సెప్టెంబర్ 27 ఎపిసోడ్ : కొయ్యబారిన కార్తీక్ కుటుంబం.. మధ్య ఓ ప్రేమ సన్నివేశం..

ప్రోమో హైలైట్స్..
తెల్లారే కార్తీక్ పేపర్‌లో మోనిత ఫొటో.. ఆమె కథ ఉండటం చూసి కన్నీళ్లు పెట్టుకుంటాడు. ఇంతలో అక్కడికి వచ్చిన దీప ఆ పేపర్‌లో ఉన్నది చూసి చదువుతూ షాక్ అవుతుంది. ‘నా బిడ్డకు తండ్రి అతనే.. ఓ డాక్టర్ వింత ప్రేమకథ’ అనే టైటిల్‌తో ఉన్న ఆ మేటర్ చదువుతూ ఉంటే.. జైల్లో మోనిత వికృ తంగా నవ్వుతుంది. సరిగ్గా అప్పుడే సౌర్య వస్తుంది. పేపర్ దాయడం చూసి లాక్కుంటుంది. ఓపెన్ చేసి చదివేస్తుంది. ‘నా కడుపులో కార్తీక్ బిడ్డ పెరుగుతోంది..’ అనేది చదివి ‘నాన్నా ఇది నిజమా?’ అని ఏడుస్తూ అరుస్తుంది. కార్తీక్ షాక్‌లో ఉండిపోతాడు. మొత్తానికి మోనిత పాచిక పారింది.

జైలర్ సుకన్య సాయంతో.. తన ఫ్రెండ్ పేపర్లో పనిచేసే రిపోర్టర్ సాయంతో తన కథను పేపర్లో వచ్చేలా చేసుకుంటుంది. పైగా అది అసలు సిసలు రౌడీ కంట పడటంతో.. కథ అడ్డం తిరిగింది. ఇక కళ్ల ముందు ఆధారం ఉండగా దీప, కార్తీక్‌లు ఎన్ని అబద్దాలు చెప్పినా నమ్మదు. పైగా అపార్థం చేసుకునే ప్రమాదం లేకపోలేదు. మొత్తానికీ ఈ ట్విస్ట్ తరువాయి భాగంపై ఉత్కంఠను రేపుతోంది. మరి ఈ సమస్య నుంచి దీప, కార్తీక్ ఎలా బయటపెతారు అనేది చూడాల్సిందే.