Sudigaali Sudheer And The Team Makes An Exceptional Performance
Rashmi Gautam : మరీ ఇంత బిల్డప్పా? ‘రష్మిని ఇండస్ట్రీకి తీసుకొచ్చింది నేనే..’
జబర్దస్ కామెడీ స్కిట్లలో.. ‘బిల్డప్ బాబాయ్ స్కిట్’కి ఉన్న క్రేజ్ అంతా ఇంతా కాదు. ‘పితికితే పెరుగొచ్చెయ్యలంతే... పెరుగిచ్చే గేదెని పంపించు’ అంటూ గెటప్ శ్రీను చెప్పిన ఈ డైలాగ్స్ ఎంత ఫేమస్ అయ్యాయో తెలిసిందే. అలాంటి ఆటో పంచ్లకి.. హైపర్ పంచ్లు మిక్స్ అయ్యాయి. ఇక చూసుకోండి.. ఒకటా.. రెండా? లెక్కలేనన్ని బిల్డప్లు. అవన్నీ వింటూ.. నోరు వెళ్లబెట్టే టైమ్ కూడా లేకుండా.. పొట్ట చెక్కలు చేసిన ఆ కథేంటో ఇప్పుడు చూద్దాం.
Samayam Telugu31 May 2020, 3:10 pm
జబర్దస్ కామెడీ స్కిట్లలో.. ‘బిల్డప్ బాబాయ్ స్కిట్’కి ఉన్న క్రేజ్ అంతా ఇంతా కాదు. ‘పితికితే పెరుగొచ్చెయ్యలంతే... పెరుగిచ్చే గేదెని పంపించు’ అంటూ గెటప్ శ్రీను చెప్పిన ఈ డైలాగ్స్ ఎంత ఫేమస్ అయ్యాయో తెలిసిందే. అలాంటి ఆటో పంచ్లకి.. హైపర్ పంచ్లు మిక్స్ అయ్యాయి. ఇక చూసుకోండి.. ఒకటా.. రెండా? లెక్కలేనన్ని బిల్డప్లు. అవన్నీ వింటూ.. నోరు వెళ్లబెట్టే టైమ్ కూడా లేకుండా.. పొట్ట చెక్కలు చేసిన ఆ కథేంటో ఇప్పుడు చూద్దాం.
సూపర్ పంచ్..
సుడిగాలి సుధీర్, రామ్ ప్రసాద్ ఇద్దరూ మంచి స్నేహితులు. ‘బొంబాయి పోదామా రాజా.. బొంబాయి పోదామా..’ అంటూ చిందులేసుకుంటూ ఎంట్రీ ఇచ్చిన వాళ్లిద్దరూ మొదట.. ఒకరి మీద ఒకరు ఆటో పంచ్లతో కడుపుబ్బా నవ్వించారు. ‘మనమిద్దరం మామూలు ఫ్రెండ్స్ కాదురా..’ అంటాడు సుధీర్. ‘బెస్ట్ ఫ్రెండ్స్’ అంటాడు రామ్ ప్రసాద్. వెంటనే సుధీర్ రామ్ ప్రసాద్ని హగ్ చేసుకుంటాడు. ‘పెద్ద హీరో అయిపోయి.. బాగా డబ్బు సంపాదించిన తర్వాత కూడా ఈ ఫ్రెండ్షిప్ ఇలానే ఉంటుందా?’ అంటాడు రామ్ ప్రసాద్. ‘ఎలా మరిచిపోతానురా నిన్ను అప్పుడు?’ అంటాడు సుధీర్ నవ్వుతూ.. ‘నేను అడిగింది నీ గురించి కాదురా.. నాకు స్టార్డమ్ వస్తే అంటున్నా’ అంటూ సుధీర్కి పంచ్ వేయడంతో అసలు కామెడీ మొదలవుతుంది.
‘ఒక అమ్మాయి మనిద్దరినీ చూసి.. నీ దగ్గరకు వచ్చి.. నాకు నువ్వూ, మీ ఫ్రెండ్ ఇద్దరూ నచ్చారు.. మీరే డిసైడ్ అవ్వండి.. అంటే నువ్వు ఏం చేస్తావ్ రా?’ అంటాడు రామ్ ప్రసాద్ సుధీర్ని. ‘నీకే వదిలేస్తానురా.. మరి నువ్వేం చేస్తావ్ రా?’ అంటాడు సుధీర్. ‘ఎలాగా నాకే వదిలేశావ్ కదరా? నేనే చూసుకుంటాను’ అంటాడు రామ్ ప్రసాద్. వెంటనే జడ్జ్ రోజా నవ్వుతూ.. ‘నాకు తెలుసుగా నీ కక్కుర్తి’ అనడంతో రామ్ ప్రసాద్ తలకొట్టుకుంటాడు. ఆ సీన్ భలే కామెడీ ఉంటుంది. ఇక అదే విషయం మీద సుధీర్, రామ్ ప్రసాద్లకి గొడవ వస్తుంది. దాంతో నువ్వెంతంటే నువ్వెంత అనుకోవడంతో పాటూ.. ‘నా వెనుక ఎవరున్నారో తెలుసా?’ అనుకుంటూ రెచ్చిపోతారు.
బిల్డప్ బాబాయ్ ఎంట్రీ..
సుధీర్ ఆవేశంతో.. రామ్ ప్రసాద్ని తోస్తూ.. ‘బాబాయ్ రా బాబాయ్’ అంటూ అరుస్తాడు. దాంతో ‘ఏంట్రా బాబు అడగొచ్చుగా నన్ను అడగరేంట్రా బాబూ..’ అంటూ డీజే దరువుతో ఎంట్రీ ఇచ్చిన గెటప్ శ్రీను.. ‘ఏమైంది? ఏమైంది? చెప్పరా బాబూ’ అంటూ హడావుడి చేస్తూ సుధీర్ని ఆరా తీస్తాడు. ‘వాడు నా ఫ్రెండ్ బాబాయ్.. మా ఇద్దరికి గొడవైతే నా వెనుక ఎవరున్నారో తెలుసా? అని అడిగితే.. మీ బాబాయ్ ఏం పీకు లేడు అంటున్నాడు ఆడు’ అంటూ రామ్ ప్రసాద్ మీద కంప్లైట్ చేస్తాడు సుధీర్. దాంతో గెటప్ శ్రీను పెద్ద పెద్దగా అరుస్తూ, హడావుడిగా అటూ ఇటూ తిరుగూ.. రామ్ ప్రసాద్ని బయటపెట్టే ప్రయత్నం చేస్తాడు.
బిల్డప్ పెదనాన్న ఎంట్రీ..
వెంటనే రామ్ ప్రసాద్ ‘నీకు బిల్డప్ బాబాయే ఉన్నాడేమో.. నా వెనుక బిల్డప్ పెదనాన్న ఉన్నాడు’ అంటూ.. ‘రా పెదనాన్నా’ అంటూ పిలుస్తాడు. ‘ఏంట్రా బాబు అడగొచ్చుగా నన్ను అడగరేంట్రా బాబూ..’ డీజే దరువుకి తనదైన మేనరిజంతో ఎంట్రీ ఇచ్చిన హైపర్ ఆది.. డాన్స్తోనే కాదు.. రావడమే బిల్డప్ బాబాయ్కే పంచ్ వేసి నవ్వు పుట్టించాడు. ‘పాబ్మ్(ప్రాబ్లమ్) ఏంటీ ఇక్కడా..’, ‘వీడేవడ్రా బాబూ’ అంటూ బిల్డప్ బాబాయ్కే పెదనాన్నలా బిల్డప్ కొట్టడం చూస్తే కడుపు చెక్కలైపోతుంది. బిల్డప్ బాబాయ్(గెటప్ శ్రీను) తల కొట్టుకుంటే.. బిల్డప్ పెదనాన్న(హైపర్ ఆది) తల, తొడ రెండూ కొట్టుకోవడం భలే నవ్వు తెప్పిస్తుంది.
రష్మీకి, సుధీర్కి..
ఇక బిల్డప్ల్లో భాగం ఒకరిని మించి ఒకరు మాటలతో మేడలు కట్టేస్తారు. ‘ఇదిగో మన గురించి నీకు తెలియదనుకుంటా... అసలు జబర్దస్త్కి రష్మీని ఎవరు తీసుకొచ్చారో తెలుసా?’ అంటాడు బిల్డప్ బాబాయ్(గెటప్ శ్రీను) బిల్డప్ ఇస్తూ. ‘ఎవరూ?’ అంటాడు బిల్డప్ పెదనాన్న(హైపర్ ఆది). ‘నేనే’ అంటాడు బాబాయ్. ఆ సమయంలో రష్మీ చూసిన చూపు కూడా నవ్వు తెప్పిస్తుంది. వెంటనే పెదనాన్న ఊరుకుంటాడా? ‘అసలు రష్మీకి, సుధీర్కి లింక్ పెట్టిందే నేను’ అంటూ బిల్డప్ ఇస్తాడు. వెంటనే సుధీర్.. ‘ఏంటీ నాకూ రష్మీకీ లింక్ పెట్టింది నువ్వా?’ అంటాడు ఆవేశంగా.. వెంటనే ‘ఇంకా చాలా మందితో పెట్టాను చెప్పనా’ అంటాడు పెదనాన్న. దాంతో సుధీర్ వెనక్కి తగ్గడం చాలా కామెడీ ఉంటుంది. మొత్తానికి ఇద్దరూ కలిసి చేసిన కామెడీ హిలేరియస్గా ఉంది. ఈ షో కోసం ఈ లింక్ మీద క్లిక్ చేయండి.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.