Sudigaali Sudheer And The Team Makes An Performance With An Amusing Concept
Sudigali Sudheer: అందుకే సుధీర్ పెళ్లి వాయిదా? ‘7 ఏళ్లుగా వెయిటింగ్’
తెలుగు బుల్లి తెర మీద.. ‘సుడిగాలి సుధీర్’ అనగానే పుకార్లు షికార్లు చేస్తుంటాయి. అతడు రష్మీకి ప్రపోజ్ చేసినా న్యూసే. వర్షిణీతో రొమాంటిక్ డాన్స్ చేసినా న్యూనే. సుడిగాలి సుధీర్కి సంబంధించి.. ప్రేమ, పెళ్లి, పర్సనల్ లైఫ్ ఇలా ప్రతీదీ న్యూసే.. అయితే అవే అప్పుడప్పుడు కామెడీగా మారి ఆటో పంచుల్లా పేలుతుంటాయి. పడి పడి నవ్వులా చేస్తుంటాయి. ఈసారి అదే జరిగింది. గత ఎక్స్ట్రా జబర్దస్త్ షోలో.. సుడిగాలి సుధీర్ పెళ్లి చేసుకోవాలని ఆరాటపడుతుంటాడు. కానీ జరగదు. వాయిదా పడుతుంది. దాని వెనుక చాలా పెద్ద కథ ఉంది. కడుపుబ్బా నవ్వించిన ఆ సన్నివేశాన్ని ఓ సారి చూద్దాం!
Samayam Telugu18 Feb 2020, 6:47 pm
తెలుగు బుల్లి తెర మీద.. ‘సుడిగాలి సుధీర్’ అనగానే పుకార్లు షికార్లు చేస్తుంటాయి. అతడు రష్మీకి ప్రపోజ్ చేసినా న్యూసే. వర్షిణీతో రొమాంటిక్ డాన్స్ చేసినా న్యూనే. సుడిగాలి సుధీర్కి సంబంధించి.. ప్రేమ, పెళ్లి, పర్సనల్ లైఫ్ ఇలా ప్రతీదీ న్యూసే.. అయితే అవే అప్పుడప్పుడు కామెడీగా మారి ఆటో పంచుల్లా పేలుతుంటాయి. పడి పడి నవ్వులా చేస్తుంటాయి. ఈసారి అదే జరిగింది. గత ఎక్స్ట్రా జబర్దస్త్ షోలో.. సుడిగాలి సుధీర్ పెళ్లి చేసుకోవాలని ఆరాటపడుతుంటాడు. కానీ జరగదు. వాయిదా పడుతుంది. దాని వెనుక చాలా పెద్ద కథ ఉంది. కడుపుబ్బా నవ్వించిన ఆ సన్నివేశాన్ని ఓ సారి చూద్దాం!
అన్నదమ్ముల అనుబంధం..
సుడిగాలి సుధీర్, రామ్ ప్రసాద్ ఇద్దరూ సొంత అన్నదమ్ములు. ‘కుటుంబం అన్నగారి కుటుంబం..’ సాంగ్తో ఎంట్రీ ఇచ్చిన సుధీర్, రామ్ ప్రసాద్లు.. ‘ఈ రోజు అన్నయ్య బర్త్డే మామూలుగా ఉండకూడదు’ అని హడావుడి చేస్తూ ఉంటారు. సన్నీ ఆ ఇంట్లో పని వాడు. రామ్ ప్రసాద్ సన్నీతో.. ‘రేయ్ ఊరిలో ఎవరినీ పొయ్యి వెలిగించుకోవద్దని చెప్పు.. అన్నయ్య బర్త్డే ఈ రోజు’ అంటాడు. డౌట్ వచ్చిన సుధీర్.. ‘ఏంట్రా భోజనాలు పెడుతున్నామా ఏంటీ?’ అంటాడు అనుమానంగా.. వెంటనే రామ్ ప్రసాద్ సన్నీతో.. ‘గ్యాస్ వెలిగించుకోమని చెప్పు’ అనడంతో ఆటో పంచ్ వేలుతుంది.
ఆటో పంచ్లు..
సుధీర్ ఊగిపోతూ.. ‘అన్నయ్య బర్త్డే అంటే ఊరంతా పండుగ చేసుకోవాలి’ అంటాడు. ‘అలా ఎలా చేసుకుంటారండీ?’ అంటాడు సన్నీ. ‘మా అన్నయ్య పుట్టింది సంక్రాంతి రోజు.. ఆటోమెటిక్గా అందరూ పండుగ చేసుకుంటారు..’ అంటాడు సుధీర్ నవ్వుతూ.. వెంటనే రామ్ ప్రసాద్.. ‘అరేయ్ అన్నయ్య బర్త్డే కదా..నీకు బట్టలు తీద్దాం అనుకుంటున్నారా’ అంటాడు. సన్నీ సంబరంగా.. ‘ఎప్పుడు తీస్తారండీ?’ అంటాడు. ‘ఇప్పుడే తీసేస్తానురా’ అంటూ సన్నీ షర్ట్ బటన్స్ విప్పడంతో జడ్జెస్.. శేఖర్ మాస్టర్, రోజాలు పడిపడి నవ్వుతారు.
ఎంట్రీ అదుర్స్...
ఇంతలో ‘మా లోగిలిలో పండేదంతా పున్నమి’ సాంగ్తో ప్రకాశ్ రాజు గెటప్లో గెటప్ శ్రీను ఎంట్రీ ఇస్తాడు. వెంటనే సుధీర్, రామ్ ప్రసాద్లు కాళ్ల మీద పడి.. అన్నయ్యా అంటూ ఆశీర్వాదం తీసుకుంటారు. మొత్తానికి అన్నయ్యా అన్నయ్యా అంటూ గారం చేస్తూ.. ‘నువ్వు పెళ్లి చేసుకుంటే మేమూ పెళ్లి చేసుకుంటాం’ అంటాడు రామ్ ప్రసాద్. అయితే అందుకు శ్రీను(అన్నయ్య) ఒప్పుకోడు.
అన్నయ్య దగ్గర కవరింగ్..
‘నాకు అమ్మాయిల వాసనే పడదు. నేను పెళ్లి చేసుకోను. మీరు చేసుకోవడానికి వీళ్లేదు. మీరు కానీ అమ్మాయిలతో మాట్లాడుతున్నారేంటీ?’ అంటూ రామ్ ప్రసాద్ ఫోన్ తీసుకుని చెక్ చేస్తాడు శ్రీను. రామ్ ప్రసాద్ ఫోన్లో.. ‘లావణ్య’ పేరు చూసి ఏంట్రా అది? అంటాడు. ‘అది లావణ్య కాదు అన్నయ్యా.. లావు అన్నయ్యా’ అని కవర్ చేస్తాడు రామ్ ప్రసాద్. ఇక సుధీర్ ఫోన్లో ‘అనన్యా? ఎవర్రా?’ అంటాడు శ్రీను. ‘హే అది అనన్యా కాదు.. అనయ్యా.. అనయ్యా’ అంటూ కవర్ చేస్తాడు సుధీర్. అయితే సుధీర్కి, రామ్ ప్రసాద్కి లవర్స్ ఉంటారు.
నాకు నీ లాంటి అబ్బాయిలంటే..
‘ఎలాగైనా అన్నయ్య(శ్రీను)కి పెళ్లి చేసి మనం చేసుకుందాం’ అని నిర్ణయించుకుంటారు. లవర్స్కి కొన్ని రోజులు పెళ్లి వాయిదా అని చెబుతారు. ఒక అమ్మాయిని అన్నయ్య దగ్గరకు పంపిస్తారు. అయితే శ్రీను ఆ అమ్మాయిని చితకొట్టి పంపించేస్తాడు. సీన్ కట్ చేస్తే.. సుధీర్, రామ్ ప్రసాద్ స్నేహితుడు బాబు.. ఎవరూ లేని సమయంలో శ్రీను దగ్గరకు వెళ్లి మాట్లాడటంతో.... ‘నాకు నీ లాంటి అబ్బాయిలంటే చాలా ఇష్టం’ అంటూ పట్టుకోవడంతో కామెడీ హిలేరియస్గా పండుతుంది. అన్నయ్యా తేడా అని తెలుసుకున్న సుధీర్, రామ్ ప్రసాద్లు అన్నయ్య శ్రీనుని నిలదీస్తారు.
వెళ్లాలి కష్టం..
అయితే శ్రీను అప్పుడు కూడా.. ‘మనం పెళ్లి చేసుకోవద్దురా.. ఇలాగే ఉండిపోదాం..’ అంటాడు శ్రీను. రామ్ ప్రసాద్ సారీ చెప్పి వెళ్లిపోగానే శ్రీను.. సుధీర్ వైపు చూస్తాడు నువ్వైనా ఉండిపో అన్నట్లుగా చూస్తూ.. అయితే సుధీర్ రష్మీ వైపు చూపిస్తూ.. ‘వెయిటింగ్ సెవన్ ఇయర్స్ నుంచి.. వెళ్లాలి కష్టం’ అంటూ వెళ్లిపోతాడు. వెంటనే శ్రీను తిప్పుకుంటూ.. ‘తెలుసురా.. మీరు ఇలా హ్యాండ్ ఇస్తాడని అందుకే అసలైన మగాడ్ని ముందే చూసుకున్నాను’ అంటూ శేఖర్ మాస్టార్ని చూడటం భలే నవ్వు తెప్పిస్తుంది. ఈ కామెడీ స్కిట్ కోసం ఇక్కడ క్లిక్ చెయ్యండి..
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.