Telugu Serial And Movie Actress Nalini About Her Love Story And Divorce
Actress Radhika: షూటింగ్ బ్రేక్లో పారిపోయి పెళ్లి చేసుకున్నా.. రాధిక నా భర్తని కొట్టింది: నటి నళినీ
కల్పిత పాత్రలతో జనాన్ని మెప్పిస్తున్న ప్రతి నటి జీవితం వెనుక ఓ కథ ఉంటుంది. ఆ కథల్లో కొన్ని ప్రేక్షకులకి పాఠాలు నేర్పిస్తుంటే.. వాళ్లకి మాత్రం గుణపాఠాలుగా మిగిలిపోతాయి.
Samayam Telugu31 May 2020, 3:11 pm
ఇంటిగుట్టు, మానవుడు దానవుడు, ఊహాసుందరి, సంగర్షణ.. ఇలా తెలుగులో వరస సినిమాల చేసిన హీరోయిన్ నళినీ. అప్పటి టాప్ హీరోయిన్లో ఒకరైన నళినీ గారి గురించి కొన్ని ఆసక్తికర విషయాలు మీకోసం. ఎనిమిదో తరగతిలోనే వద్దన్నా.. వెతుక్కుంటూ హీరోయిన్ ఛాన్స్లు వచ్చాయి. తీసిన సినిమాలన్నీ హిట్ మీద హిట్ కొట్టడంతో చదువు మానిపించి మరీ షూటింగ్లు చెయ్యించారు ఇంట్లోవాళ్లు. 24 గంటల్లో ఎక్కువ సమయం షూటింగ్స్కే కేటాయించడంతో.. నిద్ర లేని రోజులే ఎక్కువైపోయాయి ఆమె జీవితంలో. ఒక్కరోజులో సుమారు సినిమాకి 2 లేదా 3 గంటలు చొప్పున 5 సినిమాలు చేసేది. ఎప్పుడూ బిజీగానే ఉండేది. అలాంటి సమయంలో షూటింగ్లో 1 గంట బ్రేక్ దొరికితే అసిస్టెంట్ డైరెక్టర్తో పారిపోయి పెళ్లి చేసుకుంది. తన ప్రేమ కథలో సహనటులు జీవిత, రాధికలు కూడా ఇన్వాల్వ్ అయ్యారని, తన లవ్ స్టోరీలో ట్విస్ట్ల మీద ట్విస్ట్లు ఉన్నాయని చెప్పుకొచ్చారు ప్రముఖ నటి నళినీ. తమిళ డైరెక్టర్ రామరాజన్తో ప్రేమ పెళ్లి దగ్గర నుంచి విడాకులు వరకూ జరిగిన స్టోరీ మొత్తం చెప్పుకొచ్చి ఎమోషనల్ అయ్యారు.
13 ఏళ్ల వయసులోనే..
తండ్రి మలయాళంలో టాప్ కొరియోగ్రాఫర్ కావడంతో.. ఇంటికి సినిమా వాళ్లు వస్తూ పోతూ ఉన్న సమయంలో నళినీని చూసిన ప్రొడ్యూసర్స్.. సినిమాలో హీరోయిన్ ఛాన్స్ ఇచ్చారు. అప్పుడే తన పేరు రాణీ నుంచి నలినీగా మరిందని, మొదట మలయాళంలో నటించానని, తర్వాత ఇతర భాషల్లో నటించడం మొదలుపెట్టానని చెప్పుకొచ్చారు నళిని. అయితే 13ఏళ్ల వయసులోనే హీరోయిన్ కావడంతో.. నటన మీద ఏ మాత్రం ఆసక్తి లేకుండానే నటించేదాన్నని, అసలు బిజీ షెడ్యూల్తో ఉక్కిరిబిక్కిరైపోయానని ఒక స్టేజ్లో మా వాళ్లని, సినిమాలని వదిలి పారిపోవాలనిపించేదని చెప్పుకొచ్చారు నళినీ .
షూటింగ్లో నేను ఏం చేసినా..
ఒకానొకసమయంలో నటించలేక, నన్ను పెళ్లి చేసుకునేవాడికి ఆస్తి, కులం వీటికంటే ముఖ్యంగా... నాకు మంచి తిండి, మంచి నిద్ర ఇచ్చి.. సినిమాల ఊసు ఎత్తకుండా ఉంటే చాలానేంత స్థితికి వచ్చేశాను. కేవలం మా అమ్మ బలవంత మీదే నేను హీరోయిన్గా చేశాను. అసలు అప్పుడు నాకు నటించాలనే ఉండేది కాదు. షూటింగ్లో నేను ఏం చేసినా మా అమ్మకి తెలిసిపోయేది. నా చుట్టూ మనుషులే మా అమ్మకి సీఐడీలా పని చేసేవారు. అయితే అప్పట్లో తమిళ అసిస్టెంట్ డైరెక్టర్ రామరాజన్(మాజీ భర్త) నన్ను లవ్ చేసేవారు.
బాధలోంచి ప్రేమ పుట్టింది..
ఆయన లవ్ చేస్తున్నారని తెలిసినా మొదట్లో నాకు పెద్దగా ఏం అనిపించేది కాదు కానీ.. ఒక టైమ్లో అతడు నన్ను ఇష్టపడతున్నాడని.. మా అమ్మకు తెలిసి మేము కలవకుండా చాలా జాగ్రత్తలు తీసుకునేది. అయితే ఓ రోజు నేను ఉన్న షూటింగ్కి అతడు రావడంతో.. మా వాళ్లంతా వచ్చి అతడిని కొట్టేశారు. దాంతో నాకు అతడి మీద లవ్ ఏర్పడింది. నా కోసం ఓ మనిషి దెబ్బలు తిన్నాడు అనే బాధలోంచి ప్రేమ పుట్టింది. అయితే ఆ తర్వాత మా మీద నిఘా మరింత పెరిగిపోయింది. చిన్నప్పటి నుంచి నేను ఏది అంటే అదే జరిగేది ఇంట్లో. అలాంటిది నేను నటించడం మొదలుపెట్టినప్పటి నుంచి.. ఇంట్లో అంతా హ్యాపీగా ఉండేవారు కానీ నేను హ్యాపీగా ఉండేదాన్ని కాదు. కేవలం షూటింగ్స్ అంటూ బిజీ షెడ్యూల్ కావడమే దానికి కారణం. నాకు ఎంజాయ్ చెయ్యడానికి నచ్చింది తినడానికి, కావల్సినంత టైమ్ పడుకోవడానికి ఉండేది కాదు.
మంచి భోజనం.. మంచి నిద్ర ఇస్తానంటే.. పారిపోదాం అన్నా..
మొత్తానికి 1987లో రామరాజన్తో షూటింగ్ నుంచే పారిపోయాను. మా అమ్మ ఒక గంట నన్ను వదిలి వెళ్లడం, షూటింగ్కి బ్రేక్ రావడం.. నేను జంప్ అంతే.. నేను వెళ్తున్నాననే విషయం ఎవరికీ తెలియదు. అప్పుడే జీవితా గారి కారు అడిగితే.. ఆమె హెల్ప్ చేసింది. అయితే నేను పారిపోతున్నానని ఆమె కూడా తెలియదు. నేను రామరాజన్తో వెళ్లిపోయేప్పుడు కూడా.. ‘నేను బాగా భోజనం చేస్తాను, నాకు మంచి నిద్ర కావాలి. అవి రెండు ఇస్తానని చెబితే వచ్చేస్తాను’ అనేదాన్ని. అసలు నాకు ఏం తెలిసేది కాదు. మొండిగా.. నేను వద్దన్న యాక్టింగ్ నా చేత చెయ్యిస్తున్నారు కాబట్టి ఇంట్లోవాళ్లని ఇబ్బంది పెట్టాలి అంతే.. ఇలా ఎక్కువగా ఆలోచించేదాన్ని. అందుకే పారిపోయానేమో తెలీదు.
రాధిక ఆయన్ని కొట్టింది.. విడాకులు తీసుకున్నాం..
మ్యారేజ్ చేసుకుని మా వాళ్లకి దొరక్కుండా తిరుగుతున్నప్పుడు.. మాకు చాలా మంది హెల్ఫ్ చేశారు. అయితే రామరాజన్కి వాస్తు ,నమ్మకాలు ఎక్కువ. ఎవరో చెప్పారట మీరు 5 ఏళ్లకంటే ఎక్కువ కలిసి ఉండలేరు అని. దాంతో అప్పటి నుంచి విడిపోవాలని ఉన్నా.. 14 ఏళ్ల దాకా లాకొచ్చాం. నిజానికి ఆయనా నేను ఒకే ఇంట్లో ఉన్నా హ్యాపీగా ఉండేవాళ్లం కాదు. ఆయన ఇలాంటి నమ్మకాలని ఎంతగా నమ్ముతారంటే.. ఎవరైనా ఈ ఏంగిల్లో కూర్చోకూడదని చెబితే కోటి రూపాయలు ఇచ్చినా అలా కూర్చోరు. దాంతో 2000 సంవత్సరంలో విడాకులు తీసుకున్నాం. ఆయన నమ్మకాల వల్లే మేం విడిపోయాం. నిజానికి నాది రాంగ్ ఛాయస్. విడాకులు ఇస్తానని ఆయన అన్నప్పుడు రాధిక నా దరపు ఉండి.. ఆయనతో మాట్లాడింది. ఆయన్ని కొట్టింది కూడా. ‘నళినీకి నేను ఉన్నాను.. అలా ఎలా వదిలేస్తావంటావ్?’ అని తిట్టింది ఆయన్ని. రాధిక ఇప్పటికీ నా బెస్ట్ సోల్ మేట్ లాగ. తను చాలా మంచి మనిషి. ఎవరు అడ్డుపడినా మా విడాకులు ఆగలేదు. ఇప్పటికీ ఆయనా నేనూ బాగానే మాట్లాడుకుంటాం కానీ.. ఏమో నాది సరైన ఛాయిస్ కాదనిపిస్తుంటాది.
ఇప్పటికీ అతడ్ని ప్రేమిస్తున్నాను..
అందుకే ఇప్పుడు ప్రేమించి పెళ్లి చేసుకునేవాళ్లకి ఒకటే చెబుతాను. పేరెంట్స్ని ఒప్పించి చేసుకోవడం చాలా మంచిది. నాకు సరైన ఎడ్యూకేషన్ లేకపోవడం వల్లే నేను సరైన మనిషిని ఎంచుకోలేకపోయననిపిస్తోంది. ఏదేమైనా ప్రెజెంట్ నేను హ్యాపీగానే ఉన్నాను. నా లైఫ్లో నా మ్యారేజ్ ఒక్కటే డిజాస్టర్. హీరోయిన్గా చేసినప్పుడు నటనని ఆశ్వాదించలేదు.. ఇప్పుడు ప్రతీ క్యారెక్టర్ని ఆశ్వాదిస్తూనే చేస్తున్నాను. ఎందుకంటే ఏ క్యారెక్టర్ అయినా నాకు నచ్చితే చేస్తాను లేదంటే లేదు. నా పిల్లలు సెటిల్ అయిపోయారు అది చాలా హ్యాపీ నాకు. మార్చి 8 నేను విడాకులు తీసుకున్న రోజు. ఆ రోజు ఎవరైనా ఫంక్షన్ అవీ ఇవి అని పిలిచినా వెళ్లలేను. నా బాధని ఎవరికీ చెప్పకుండా ఆ రోజంతా రూమ్లోనే కూర్చుని ఏడుస్తూ ఉంటాను. నేను ఇప్పటికి అతడ్ని ఎంతో ప్రేమిస్తున్నాను.. అంటూ కొంచెం ఎమోషనల్ అయ్యారు నళినీ.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.