Telugu Tv Serial And Movie Actress Ragini Reveals Her Personal Life Secrets
12 ఏట పెళ్లి.. వాడు నన్ను పడుకునైనా పెంచమనేవాడు: నటి రాగిణి లైఫ్ సీక్రెట్స్
తండ్రికి పక్షవాతం.. 16 ఏళ్ల పాటు మంచంపైనే. అతనికి 13 మంది సంతానం. అందులో 12 కూతురు ఈమె. బతుకుభారంతో చెన్నై నుంచి హైదరాబాద్ వచ్చారు. ఆర్టీసీ క్రాస్ రోడ్లో ఓ చిన్న ఇళ్లు రూ.700 అద్దెకు తీసుకున్నారు. అక్కడ నుంచి ఆమె బతుకు పోరాటం మొదలైంది.
Samayam Telugu22 Apr 2020, 10:50 am
కల్పిత కథలతో సినిమాలు ప్రాణం పోసుకుంటాయి. జనాన్ని మెప్పిస్తుంటాయి. వాస్తవిక జీవితంలో అవి జీవం లేని పాత్రలే అయినప్పటికీ జనాన్ని రంజింపచేస్తాయి. కాని ఆ పాత్రలకు ప్రాణం పోసే ఒక్కో నటి జీవితం వెనుక కళ్లు చెమ్మగిల్లే చీకటి కోణాలు ఎన్నో.. మరెన్నో. రంగుల ప్రపంచంలో ముఖానికి ఉన్న రంగు మాత్రమే మనకు కనిపిస్తుంటాయి.. కాని రంగుల వెనుక మసకబారిన జీవిత వ్యధలు చాలానే ఉంటాయి. ఇలాంటి జీవితమే రాగిణిది. 30 ఏళ్ల ఆమె టీవీ, సినీ ప్రస్థానంలో రాగిణి పేరు పెద్దగా పరిచయం లేకపోయినా.. ఆమె ముఖం చూస్తే గుర్తుపట్టని తెలుగు ప్రేక్షకులు ఉండరు. దూరదర్శన్ సీరియల్స్తో ఎంట్రీ ఇచ్చి.. సుమారు 550 పైగా సీరియల్స్లో, 190 పైగా సినిమాల్లో క్యారెక్టర్ ఆర్టిస్ట్గా ప్రేక్షకుల్ని మెప్పించారు. అమృతం, మై నేమ్ ఈజ్ మంగతాయారు, శశిరేఖా పరిణయం, అగ్నిసాక్షి, నాన్న, మా కోడలు బంగారం చాలా సీరియల్స్లో కీలకపాత్రలు పోషించారు. ముఖ్యంగా సీరియల్స్ లేడీ విలన్గా అద్భుత నటనను ప్రదర్శిస్తున్నారు రాగిణి.
రాగిణికి పెళ్లైందా?? ఆ పిల్లలు ఎవరు?
ఇక సినిమాల్లోనూ చంటబ్బాయి, గణేష్, పవిత్ర బంధం, పెళ్లి చేసుకుందాం, అష్టాచెమ్మా, ఈరోజుల్లో, జులాయి, భలే భలే మగాడివోయ్, మహానుభావుడు ఇలా పలు హిట్ చిత్రాల్లోనూ భాగం పంచుకున్నారామె. 30 ఏళ్ల సినిమా ప్రయాణంలో వివిధ రకాల మనుషుల్ని చూసింది.. మనస్తత్వాలను చదివింది. బాధ్యతల్ని భుజాన వేసుకుని తనకు ఇష్టమైన రంగంలో రాణించింది రాగిణి. అయితే చాలా సినిమాల్లోనూ సీరియల్స్లోనూ నటించిన రాగిణి పెళ్లి చేసుకుంకుండా ఉండిపోయిందని.. తన అక్క పిల్లల్ని పెంచుకుందని పలు ఇంటర్వ్యూలలో తెలిపారు. అయితే ఎందుకు ఆమె అలా ఉండిపోయారు? నిజంగానే ఆమెకు పెళ్లి కాలేదా? అసలు రాగిణి జీవితంలో ఎదుర్కొన్న ఇబ్బందులు, ఒడుదుడుకుల్ని ఎలా జయించారు? ఆమె చీకటి బతుకులో వెలుగులు ఎలా నింపుకున్నారనే విషయాలు తెలిస్తే కళ్లు చెమర్చక మానవు. Read also: బిగ్ బాస్ 4కి డాక్టర్ బాబు!? కార్తీకదీపం ఏం అయిపోతుందండీ?
13 మంది సంతానం.. నెంబర్ 12 రాగిణి
బతుకు పోరాటంతో చెన్నై నుంచి హైదరాబాద్ వచ్చిన రాగిణి తండ్రికి పక్షవాతం రావడంతో 16 ఏళ్ల పాటు మంచంపైనే ఉండేవారు. రాగిణి అక్కాచెల్లెల్లు మొత్తం 13 మంది.. ఈమె 12 సంతానం. ఆ టైమ్లో కుటుంబ పోషణ కోసం హైదరాబాద్లో ఉన్న వివిధ డాన్స్ గ్రూపుల్లో డాన్స్ చేసేది రాగిణి. నెల అంతా కష్టపడితే మూడువేల రూపాయలు వచ్చేవి. వాటితో ఇంటి అద్దె రూ. 700 కట్టి.. తన తండ్రి మందుల కోసం వెయ్యి రూపాయిలు అయ్యేవి. మిగిలిన డబ్బుతో కుటుంబపోషణ భరిస్తూ తన ఖర్చులు చూసుకునేది. ఆ టైంలో హీరోయిన్ అయ్యే అన్ని అవకాశాలు ఉన్నప్పటికీ తగిన ప్రోత్సాహం, ఆర్థిక పరిస్థితుల కారణంగా క్యారెక్టర్ ఆర్టిస్ట్గానే మిగిలిపోయింది రాగిణి.
12 ఏళ్లకే పెళ్లి.. ఏడాదికే బాబు
ఇండస్ట్రీలో చాలామందికి రాగిణి పెళ్లి అయ్యిందనే విషయం కాని.. భర్తతో విడిపోయిందనే విషయంకాని పెద్దగా తెలియదు. ఎందుకూ అంటే.. ఆమె పలు సందర్భాల్లో పెళ్లి కాలేదని చాలా ఇంటర్వ్యూలలో తెలియజేశారు. అయితే ఆమెకు పెళ్లి అయ్యిందని ఒక బాబు కూడా ఉన్నారంటూ సంచలన విషయాలు తెలియజేశారు రాగిణి. ఈమె జీవితంలో ఎదురైన ఇబ్బందులు వాటని జయించి నిలిచిన తీరుని ఆమె మాటల్లోనే విందాం. ‘నాకు 12 ఏళ్లు వయసు ఉన్నప్పుడు మా పెద్దక్క తీసుకుని వెళ్లి ఒకతనికిచ్చి పెళ్లి చేసింది. సరిగ్గా ఏడాది పాటు మా కాపురం బాగానే సాగింది. ఈ ఏడాదిలో నాకు ఒక బాబు పుట్టాడు.
ఆ పని ఇష్టంలేదని చెప్పా.. అదే చేస్తే హీరోయిన్ అయ్యేదాన్నన్నా!
నన్ను చేసుకున్నవాడు ఈ ఫీల్డ్ అంటే చెత్త తిరుగుల్లు తిరిగే ఫీల్డ్ అని ముందే ఫిక్స్ అయిపోయాడు. పెళ్లైన ఆరునెలల నుంచి హింస పెట్టడం మొదలుపెట్టాడు. డబ్బు కోసం వేధించేవాడు. నువ్ సంపాదించొచ్చుకదా.. వాళ్లు వీళ్లు అలా చేస్తున్నారు కదా అని అనేవాడు. నీకేమైనా పిచ్చి పట్టిందా?? అలాంటివి ఇష్టం ఉంటే నేను ఎప్పుడో హీరోయిన్ని అయ్యేదాన్ని అవి ఇష్టం లేకే ఇలా ఉండిపోయా.. ఆ పని నేను చేయను అని చెప్పా. అయితే అతనికి డబ్బులు కోసం మోడలింగ్ అదీ ఇదీ అంటూ షూట్ చేయించేవాడు. అతనికి రోజు మందు కావాలి.. ఆ బాటిల్ కోసం ఏమైనా చేసేవాడు. ఇంటికి వచ్చేసరికి ఉన్నా లేకపోయినా వండి పెట్టాలి.
డబ్బులు కోసం ఎవరిదగ్గరికైనా వెళ్లమనేవాడు..
నాకు ఇష్టం లేకపోయినా ఎలాగు దింపాడు కదా అని కొన్ని చేసేదాన్ని. డబ్బులు కోసం ఏమైనా చేయి.. ఎవరిదగ్గరికైనా వెళ్లి పడుకునైనా సంపాదించు అనేవాడు. ఇక అతని ఉద్దేశం తెలిసిన తరువాత వద్దు నాయనా.. నాకు అవసరం లేదు నువ్వు.. నీ దారి నువ్వు చూసుకో నా దారి నేను చూసుకుంటా అని చెప్పేశా. సరిగ్గా పెళ్లై అప్పటికి ఏడాది అవుతుంది. అదే టైంలో నా ఆరో అక్క నన్ను చూడటానికి అని వచ్చింది. ఆమెతో ఇతను ఇలా హింస పెడుతున్నాడని చెప్పా.. ఇలాంటి వాడు అవసరం లేదు వదిలెయ్ అని కోప్పడింది. అక్క నేను పరమానందయ్య శిష్యులు సినిమా షూటింగ్ చేసుకుని ఇంటికి వచ్చే సరికి అతను ఫ్యాన్తో సహా అన్నీ విప్పుకుని అన్నీ పట్టుకుని వెళ్లిపోయాడు. నా బట్టలు ఉన్న సూట్ కేసు ఒకటి ఉంచాయి. మా పెళ్లి ఫొటోలు కూడా ఇంట్లోనే తగలబెట్టేసి వెళిపోయాడు.
నా కొడుకు నన్ను అక్కా అంటాడు.. పిన్ని లేదా అమ్మ అని కూడా పిలవడు
ఆ తరువాత అక్క పిల్లల్ని పెంచుకుని అలా ఉండిపోయా. ఈ విషయం ఎవరికీ తెలియదు. ఎవరితోనూ చెప్పుకోలేదు. నా క్లోజ్ ఫ్రెండ్స్ కొంతమందికి మాత్రమే తెలుసు. ఒక్కొక్కరికీ ఒక్కో కథ ఉన్నట్టే నాకు ఈ దీనగాధ ఉంది. అయ్యో పాపం అనుకుంటారే తప్ప కొన్ని సమస్యల్ని ఎవరూ తీర్చలేరు. అందుకే ఎవరికీ చెప్పుకోలేదు. నాకు పుట్టిన కొడుకుని అక్క పిల్లలుగా పెంచా. వాడు కూడా నన్ను అక్కా అనే అంటాడు. పిన్ని అని అనడు, అమ్మ అని అనడు. మా అక్క పిల్లలు అందరూ కూడా నన్ను అక్కా అనే అంటారు. వాడు కూడా అక్క అనే అంటాడు.
పెళ్లి చేసుకునే ఉద్దేశం లేదు.. ఈ జన్మకి ఇంతే
నా కొడుకు పేరు కిరణ్. వాడికి అన్నీ తెలుసు. నేను సొంత అమ్మ అని. బాగా చదివించా వాడిని. సాఫ్ట్ వేర్ ఇంజనీర్గా చేస్తున్నాడు. జర్మనీలో ఉన్నాడు. నాకు కష్టాన్ని ఎప్పుడూ మర్చిపోడు. నన్ను బాగా చూసుకుంటున్నాడు’ తన లైఫ్లో ఎదురైన ఒడుదుడుకులు తట్టుకుని ఎలా నిలిచిందో తెలియజేశారు నటి రాగిణి. పెళ్లి చేసుకుంటామని చాలా మంది చాలా విధాలుగా అడిగారు. సినిమావాళ్లు, బిజినెస్ మ్యాన్లు, మాకు దగ్గర వాళ్లు చాలా మంది పెళ్లి చేసుకోమని అడిగారు. కాని నా జీవితం ఈ జన్మకి ఇంతే అని అనుకున్నా. ఇక పెళ్లి చేసుకునే ఉద్దేశం లేదు. ఈ జన్మకు ఇక ఇంతే. ప్రస్తుతం పిల్లలతో చాలా హ్యాపీగా ఉన్నాం.
ఏంటి సార్ అని మీదపడితే.. రాత్రికి వస్తావా అంటాడు, సంస్కారంగా ఉంటే సమస్య ఉండదు
ఇక క్యాస్టింగ్ కౌచ్ విషయానికి వస్తే.. ఇండస్ట్రీలో మన పని మనం చేసుకుని దర్శకులు, నిర్మాతలు, హీరోలు, ఇతర ఆర్టిస్టులతో ఎంత వరకూ ఉండాలో అంతే ఉంటే ఎలాంటి సమస్య రాదు.. అలా కాకుండా ఏంటి సార్ బాగున్నారా.. అంటూ దగ్గరగా వెళ్తే మన వాలకం చూసి రాత్రికి వస్తావా? అంటారు. అలా కాకుండా నమస్కారం సార్ అని సంస్కారంగా మాట్లాడితే ఎవరూ మన జోలికి రారు. మహిళా క్యారెక్టర్ యాక్టర్స్ని ఇబ్బందులు పెడతారనే మాట వాస్తవమే. అయితే మన బిహేవియర్ని బట్టే వాళ్ల రియాక్షన్ ఉంటుంది. ప్రామిస్గా చెప్తున్నా నన్ను అయితే ఎవరూ అలాంటి ఇబ్బంది పెట్టలేదు. నాకు చాలా మంది జూనియర్ ఆర్టిస్ట్లు ఫోన్ చేసి చెప్పేవారు వాళ్లు ఇలా అన్నారు. ఇలా అడిగాడు అని. నేను వాళ్లకు చెప్పేదాన్ని.. మన బిహేవియర్ని బట్టే వాళ్లు అలా మాట్లాడతారు. నువ్ వెళ్లి రెండు చేతులు జోడించి నమస్కారం అంటే ఎదుటి వారి రియాక్షన్ ఒకలా ఉంటుంది. అంతేకాకుండా నువ్ వెళ్లి అతని పక్కన కూర్చుని భుజం భుజం పాముకుని సార్.. ఏంటి సార్ అని సాగిదీస్తే.. ఏంటి!! సాయంత్రం ఖాళీగా ఉన్నావా? వస్తావా? అని అడుగుతారు. అది మగాడి లక్షణం. నేను ఇదే నేర్చుకున్నా.. మీరు ఇలాగే ఉండమని చెప్పా.
టీవీల్లో చేసేవాళ్లకు సినిమాల్లో సరైన గౌరవం ఉండదు..
టీవీ ఆర్టిస్ట్లు అంటే సినిమా ఇండస్ట్రీలో చిన్న చూపు ఉంటుంది. నాటకాలు చేసేవారు సినిమాల్లో పనికి రారు అని అంటారు. మాకూ ఇలాంటి ఇబ్బందులే ఉన్నాయి. మమ్మల్ని ఇప్పటికీ సినిమాలు చేస్తున్నప్పటికీ టీవీ ఆర్టిస్టులుగానే చూస్తారు. చాలా సందర్భాల్లో బాధగా అనిపిస్తుంది. పేమెంట్స్ కూడా టీవీలో చేస్తామనే కారణంతో చాలా తక్కువగా ఇస్తారు. సినిమా వాళ్లకు ఇచ్చే ట్రీట్ మెంట్ వేరేలా ఉంటుంది. మాకు సెపరేట్. అయితే రాజీవ్ కనకాల, క్రిష్ణభగవాన్ ఇలా చాలా మంది ఆ ముద్రను చెరిపేశారు’ అంటూ పలు ఆసక్తికరమైన విషయాలను చెప్పుకొచ్చారు రాగిణి.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.