Trinayani: అందుకే సీరియల్స్‌లో తెలుగమ్మాయిలను తీసుకోవడం లేదు: 'త్రినయని' హాసిని

'త్రినయని' సీరియల్ ఫ్యాన్స్‌కు 'హాసిని' క్యారెక్టర్ గురించి ఇంట్రడక్షన్ అవసరం లేదు. ఎందుకంటే ఆ సీరియల్ సక్సెస్‌ఫుల్‌గా 850కి పైగా ఎపిసోడ్‌లు దాటి రన్ అవుతుందంటే దీనికి ఆ క్యారెక్టర్ కూడా ఓ కారణం. ఎందుకంటే హాసిని కట్టుబొట్టు, హెయిర్ స్టైల్, మేకప్, డైలాగ్ డెలివరీ ఇలా అన్నీ మనల్ని నవ్విస్తూనే ఉంటాయి. ఆ పాత్రలో అంతలా ఒదిగిపోయిన విష్ణుప్రియ (హాసిని) తన లేటెస్ట్ ఇంటర్వ్యూలో బోలెడు కబుర్లు చెప్పారు. అందులో ఇంట్రెస్టింగ్ విషయాలు ఓ సారి చూద్దాం.

ఒకేసారి 2 సీరియల్స్

ప్రస్తుతం విష్ణుప్రియ త్రినయనితో పాటు జానకి కలగనలేదు సీరియల్ కూడా చేస్తుంది. ఇందులో మల్లిక పాత్రలో నటిస్తుంది. మరి ఒకేసారి రెండు సీరియల్స్ ఎలా బ్యాలెన్స్ చేస్తున్నారు అని అడిగితే చాలా ఈజీగా ఆన్సర్ ఇచ్చేసింది.

"త్రినయనితో పాటు జానకి కలగనలేదు సీరియల్ కూడా చేస్తున్నాను. నెలలో మొదటి, మూడో వారంలో 'త్రినయని', రెండు, నాలుగో వారంలో 'జానకి కలగనలేదు' షూటింగ్ ఉంటుంది. అంటే నెలలో ప్రతిరోజూ షూటింగ్‌లోనే ఉంటానన్న మాట. ఎప్పుడైనా సరే షూట్ లేదంటే అదే పెద్ద సంతోషం. ఉదయం 9 గంటల నుంచి రాత్రి 9 గంటల వరకు షూటింగ్ ఉంటుంది. అంటే 7 గంటలకే సెట్‌కు రావాలి."
- విష్ణుప్రియ

కన్నడ వాళ్లే ఎందుకు?

ఇక తెలుగు సీరియల్స్‌లో ఫస్ట్, సెకండ్ లీడ్స్‌ కోసం తెలుగువాళ్లను కాకుండా బయట ఇండస్ట్రీ వాళ్లను ఎందుకు తీసుకుంటున్నారు అన్న ప్రశ్నకు విష్ణు చాలా క్లారిటీగా సమాధానం చెప్పారు.

"మనకు తెలుగులో సీరియల్స్ చేసేవి ప్రస్తుతం 6 ఛానల్స్ ఉన్నాయి. ఒక్క ఛానల్‌కు 12 సీరియల్స్ ఉన్నాయి. అంటే మొత్తం 66 సీరియల్స్ అవుతాయి. మరి ఇన్ని సీరియల్స్‌లో మెయిన్ లీడ్స్, సెంకడ్ లీడ్స్ కలిపి 122 మంది కావాలనుకోండి. మరి ఇప్పుడు అంతమంది తెలుగమ్మయి లేరు కదా!. అందుకే బయటి నుంచి తీసుకురావాల్సిందే. అలానే మన తెలుగమ్మాయిలు కూడా చెన్నై, బెంగళూరులో చేస్తున్నారు. కానీ నాకు తెలిసినంతవరకు మాత్రం బెంగళూరు నుంచి వచ్చిన అమ్మాయిల్లో డెడికేషన్ లెవల్స్ చాలా బావుంటాయి. మార్నింగ్ 6 నుంచి తరువాతి రోజు ఉదయం 6 వరకు చేసే స్టామినా ఉంటుంది. అలా అని తెలుగమ్మాయిలకు లేదు అని నేను అనట్లేదు. తెలుగుమ్మాయిలకు.. మెయిన్ లీడ్స్ వచ్చినప్పుడు పర్సన్ ప్రాబ్లమ్స్, ఫైనాన్షియల్ ప్రాబ్లమ్స్ వల్ల వాళ్లు కెరీర్ సరిగా ప్లాన్ చేసుకోలేక పోతున్నారు. ఒకవేళ హీరోయిన్‌గా ఛాన్స్ వచ్చినా డైరెక్టర్స్, ప్రొడ్యూసర్స్ కండిషన్స్, టర్మ్స్ కుదరకపోతే ఒప్పుకోవడం లేదు. అందుకే బెంగళూరు నుంచి తీసుకువస్తున్నారని నేను అనుకుంటున్నాను."
- విష్ణుప్రియ


50 శాతం దానికే

ఇక వచ్చే రెమ్యూనరేషన్‌లో కాస్ట్యూమ్స్, డ్రెస్సులకు ఎంత ఖర్చు పెడతారని అడిగితే నవ్వుతూ చాలా సింపుల్‌గా ఆన్సర్ ఇచ్చింది విష్ణుప్రియ.

"100 పర్సంట్‌లో 20% కాస్ట్యూమ్స్, 30% సేవింగ్స్, 50% నాకు ఫుడ్, ఈఎమ్‌ఐలకు వెళ్లిపోతుంది. ఇంట్లో 500 వరకు శారీలు ఉంటాయి. ఎప్పుడూ షూటింగ్‌లోనే ఉంటాను కాబట్టి.. ఫ్యామిలీ గడిపే సమయం కూడా చాలా తక్కువ. అందుకే భర్తతో ఎక్కువగా ఫోన్‌లో మాట్లాడుతూ ఉంటాను."
- విష్ణుప్రియ

కెరీర్‌లో

విష్ణుప్రియ కెరీర్‌లో ఇప్పటివరకు 40 సినిమాలు కూడా చేసింది. నిజానికి వాటి తర్వాతే సీరియల్స్‌లోకి వచ్చింది. త్రినయని కంటే ముందు 'ఇద్దరు అమ్మాయి', అభిషేకం వంటి సీరియల్స్‌లో కూడా విష్ణు నటించింది. అభిషేకం సీరియల్ అయితే 4 వేల ఎపిసోడ్స్ జరిగింది. ఇలా తనకు 14 ఏళ్లు ఉన్నప్పుడు ఆమె ఇండస్ట్రీలో అడుగుపెట్టగా గత 13 ఏళ్లుగా సక్సెస్‌ఫుల్‌గా నటిస్తూనే ఉంది. ముఖ్యంగా హాసిని క్యారెక్టర్‌తో ఆడియన్స్‌కు బాగా దగ్గరైంది. ఆమె భర్త సిద్ధార్థ్ వర్మ కూడా నటుడే.

• Read latest TV News and Movie Updates